1 Titili Takarata a Pierre ko̱ dé 2:5 - Féké Testament 1947

⁵ Da oui kéng, mahana ka kondi ko̱ mi ya, kè mosso oui baï guina voulou an Esprit baï guina tangna fofoto sacrificateurli, baï hina sacrificeli a Esprit on ko̱ mapélékè jing ba Ouone ka mboro Jésus‐Christ.

1 Titili Takarata a Pierre ko̱ dé 2:5 ပူးပေါင်းရင်းမြစ်များ

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

1 Corinthienli 3:9

Baï ko̱ na ba njou‐ndo̱ko̱ba pinali jing Ouone. Oui ba waka a Ouone, da oui ba voul a Ouone.

Apocalypse 5:10

Da mo mosso kli baï guina bilkaou da sacrificateurli baï a Ouone na, da kli na gangna toul koukoula.

1 Corinthienli 3:16

Oui tane ga tou ya, ko̱ oui ba temple a Ouone, da Esprit a Ouone mi bi an bil baï ya lé?

Hébreuli 3:6

Da Christ mahana ka goune onatoul voula Ouone, da na on ba voulè, tokoré name ba pouta jing fènli on ko̱ laou na mi na rou, da oliya on ko̱ name jangndaï jing rou, bo̱l go̱ sèkèrèkè.

Apocalypse 20:6

Jangnandaï da tangna fofoto mi ba baï akli ko̱ ndoï jing kli ka titili tomnahoulkèli! Houl an bo̱ko̱ sérékè jing njèran baï ndingna fèna jing kli gounfènakè ya; da kli ma kaou ba sacrificateurli a Ouone da a Christ, da kli ma na gangna mabahana jing nè saka ténakè‐bo.

1 Corinthienli 6:19

Maléba oui tane ga tou ya ko̱ kli‐mone baï ba temple a Saint‐Esprit ko̱ mi na an bil baï, ko̱ ouime ya nè an mona Ouone, da mone baï mi tane ti ba abaï fèn baï ya lé?

Romainli 12:1

Mono on yindi, mè sa jo̱jo̱ baï, ka mboro haïo a Ouone, oui hi kli‐mone baï hi Ouone mahana ka sacrifice ko̱ yan, tangna fofoto, ko̱ mi mapélékè jing Ouone, on ko̱ ba bouna fal fèn aïn ko̱ mi mangna oui.

Apocalypse 1:6

da kè nding na an name gui bilkaou da sacrificateurli baï a Ouone da Baba nè, mi hi jonafèn da name gangna hi nè guèbassoko kambèlè! Amen!

Philippienli 4:18

Da mème jing fènli bon ta toulkè tou. Fèn nili mi nyè maïya ko̱ mème ya an ndo̱ka Épaphrodite fènli on ko̱ oui mi pi gui hi mi mahana ka yombo ko̱ baïnkè fon bèlta, da sacrifice on ko̱ mapélékè jing Ouone, da ko̱ mi bi wélé toulè ta.

2 Corinthienli 6:16

Da temple a Ouone ma gui mbéo jing fèn ndamli ane dé? Baï ko̱ na ba temple a Ouone yana, mahana ko̱ Ouone mi sa: Yé mè ma bi an bil kli, da mè ma sèrè an bil kli, da yé mè ma tèn ba Ouone akli, da kli ma tèn ba njoukou nili.

Apocalypse 3:12

Kè on ko̱ gnèrèn baï njéna, yé mè mosso nè ba dibi temple a Ouone ni, da yé kè ba tèna kala ba aféké tane tiya; yé mè ma dé ling a Ouone ni bi toulè, da dodok féké ling ni, da ling a pou a Ouone ni, féké Jérusalem ko̱ ourou gui ka nonkala, an guèl a Ouo̱ne ni, da diri gui koukoula.

Romainli 15:16

Mono on, an mème tèn ba njou‐bakara a Christ‐Jésus hi mèran gentili, mahana ka pina sacrificateur, baï sana mboura bèlabaï a Ouone an gentili mi tèn ba offrande on ko̱ mapélékè, baï ko̱ Saint‐Esprit mi ko̱ wal kli bi aï a Ouone.

1 Timothée 3:15

Da tokoré mème pane bongkè dita mono on, mo ma baï touna mboro on ko̱ njoukouli mi ma baï pèngna mone kli fèn kli bèlta an bil voula Ouone ko̱ ba église a Ouone ko̱ yan, ko̱ ba gadongnon di da dibi a babaï.

Colossienli 3:17

Da fènli bon on ko̱ ouime nding, tokoré baïnjaka maléba fèn ndingna, oui nding fènli bon, ka bil ling a Nanjou Jésus, da oui kaou koukoula hi Ouone Baba ka mboro nè.

Philippienli 2:17

Da tokoré mi si mi kon mahana ka offrande, fèn njona an toul sacrifice da ndingna bakara tounassaon abaï, mè kaou ka jangnandaï da ndé wal jing oui kéng.

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Galateli 6:10

Mono on, mane mboro bon, dadaon name nding bèlafèn hi njoukouli bon, da ta maïya an name nding bèlafén jing yine tounassaonli.

1 Titili Takarata a Pierre ko̱ dé 4:17

Baï namkè mi gui tou, ko̱ mi tissaon barabaï an voula Ouone. Da tokoré on mi tissaon jing na ka titilikè, yé sèkèrèkè a kli on ko̱ la bèlabaï a Ouone ya an handé?