1 Titili Takarata a Pierre ko̱ dé 2:24 - Féké Testament 1947

²⁴ kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

1 Titili Takarata a Pierre ko̱ dé 2:24 ပူးပေါင်းရင်းမြစ်များ

Saint Matthieu 8:17

an tènrèn none baï ko̱ mi sa ka njaka prophète Ésaïe mi tèn kala ka babaï, ka sa: Kè fènè mi ya hèfèrè na guèfal da hol jangma nali bi toulè.

Romainli 6:11

Mono on, oui ndé ko̱ mone baï fèn baï, ko̱ mi hou jing békéfèn kéng, da oui fèn baï mi yan ba baï a Ouone ka bila Christ‐Jésus.

Apocalypse 22:2

da an bil domboro pou on, da hélé loukou mbi on, da mbora lèkè di yana on mana, ko̱ lé lénakè botoulè‐séré toutoul, ko̱ lé lénakè féou bon, da goï di on mana baï haïna mona mèran pime pouli bon.

Titili Takarata a Jean ko̱ dé 2:29

Da tokoré ouime toutou ko̱ kè ba guédék, dadaon an ouime ndé toutou ba njoukouli on bon ko̱ mi pane ndingna guédék kème mboung kli tou.

TAKARATA A JACQUES KO̱ DÉ 5:16

Mono on, oui hèkè békéfèn abaïli bi kala jing hana, ka hiou Ouone baï toul hana, baï an mone baï mi haï. Sana jo̱jo̱ Ouone ka laou a njou‐guédék mi bassa ta ka pina nè.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

Romainli 6:2

Tane ti on ya: Na on ko̱ mi hou jing békéfèn tou, yé na ma pane bo̱ko̱ békéfèn ba aféké ane ndé?

Colossienli 3:3

Baï ko̱ oui mi hou tou, da yana abaï mi mou jing Christ ka bila Ouone.

Romainli 6:13

Da oui tane jol fèn mone baïli hi békéfèn ya, mahana ka fèn béré a ndingna maï maï; da oui hi kli‐mone baïli fèn baï hi ba Ouone, mahana ka njoukouli on ko̱ mi tome an wora houli, da hi fèn mone baïli mahana ka fèn béré a ndingna guédék baï a Ouone.

Saint Jean 1:29

Afal ko̱ pélé mi taka, Jean ko̱ Jésus ko̱ gui monè, da sa: Oui ko̱ Goune Badoua Ouone mono, kè on ko̱ mi kon békéfèn a njou‐koukoulali pa.

Romainli 7:6

Da kassénaï ko̱ mi sél na an guingna, ko̱ name hou jing fèn on ko̱ dèn na jinguèl, da mono on, an name kaou koï ka mboro féké laou, da tane ti ka ba mboro tang fèn déna ya.

Titili Takarata a Jean ko̱ dé 3:7

Lélé goundi, an njoukouna mbéo mi tane mong oui ya. Kè on ko̱ mi pane ndingna guédék, kè ba guédék, mahana ka kè fènè ko̱ ba guédék.

Romainli 6:7

Baï njoukou on ko̱ mi hou tou, barabaï békéfèn mi o̱ an toulè tou.

Romainli 6:16

Oui tane ga tou ya, ko̱ kè on ko̱ ouime jo̱l mone baï fèn baï hi nè mahana ka koïli, baï lana baïnjakè, oui ba koïli a kè on ko̱ ouime la baïnjakè mahana ka koïli a békéfèn ko̱ kan houl, maléba koïli baï lana baï ko̱ kan ndingna guédék lé?

2 Corinthienli 6:17

Mono baï on, Oui tèn kala an woro kli, Ka kaou ka toul, Nanjou mi ko̱ sa; Oui tane hèdi fèn dakame hana mbéo ya, Da yé mè ma ya oui,

Pinali a Njou‐Mboro‐Pinali 5:30

Ouone a tangko nali mi tome Jésus aïn ko̱ ouime bara nè bi di, da i nè.

Saint Luc 4:18

Esprit a Nanjou makaou touli, Baï ko̱ kème same mi baï sana mboura bèlabaï hi foïna njoukouli; Kè pi mi baï haïna laou kli on ko̱ mi ho̱ko̱ tou,

Saint Matthieu 5:20

Baï ko̱, mème sa hi oui, tokoré ndingna guédék abaï mi tane ga ta ndingna guédék a njou‐to̱ko̱na bong guingnali da pharisienli ya, oui ba rina sé an bilkaou a nonkala tane tiya.

Hébreuli 12:13

Da oui mosso domboro tane ta baï a bo̱ko̱ baï, mono on bo̱ko̱ on ko̱ mi komoron mi dé domboro kli ya, da monè haï bèlta;

Pinali a Njou‐Mboro‐Pinali 13:29

Da ko̱ klime nding fènli bon on jing nè o̱tou, ko̱ mi dé baï nè tou, kli diri nè guè tiya an toul di croix, da goro nè an bil pal.

Pinali a Njou‐Mboro‐Pinali 10:35

da an pime pouli mbéo mbéo bon, njoukou on ko̱ mi waou nona Ouone ka nding guédék, mi mapélékè an nona Ouone.

Hébreuli 7:26

On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

Colossienli 2:20

Tokoré oui mi hou jinguèl jing Christ jing titili fènli an koukoula aïn tou, baïfèn da oui mi kaou mahana ko̱ oui mi pane an koukoula, baï tèna koï a dofènli on lé?

Romainli 6:22

Da kassénaï baï ko̱ mi sél oui an bil békéfèn tou, da ouime tèn ba koï a Ouone, léna abaï ba baï wala mone baï bi baï a Ouone da sèkèrèkè ba yana kambèlè.

Pinali a Njou‐Mboro‐Pinali 10:39

Da na ba njou‐sana bongbaïli toul fènli on bon ko̱ kème nding an bil sél koukoula a Juifli, da an pou Jérusalem, kè on ko̱ klime bara nè bi di croix, da i nè.

Saint Matthieu 27:26

Da on kè sél Barabbas hi kli da kè jo̱ Jésus ka baraza, da kè hi nè baï an klime bara nè bi di‐croix.

Éphésienli 5:9

Baï ko̱ léna a takanafèn ba bila bèlafèn bon, da guédék tèn babaï bon,

Saint Jean 19:1

Da mono, Pilate mi ba Jésus da jo̱ nè ka baraza.

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

Saint Marc 15:15

Da Pilate, baï ko̱ kème ji bina wélé toula Juifli, kème sél ba Barabbas hi kli; da afal ko̱ kème jo̱ Jésus ka baraza, kè hi nè baï an klime bara nè bi di‐croix.

1 Corinthienli 15:3

Baï ko̱ titili fènli bon ko̱ mème sa mboura hi oui, mème hi ba fèn on hi oui ko̱ mème ndé ya kéng, ko̱ Christ mi hou baï toul békéfèn nali, mahana ko̱ Takarata a Ouone mi sa;

Colossienli 2:14

Da kème taka takarata dofènli ko̱ mi sa kon toula, da ko̱ pong na guèfal tou, da kème sél on guèfal an mboro na, da kè bara ka pandé bi toul di‐croix.

Hébreuli 10:5

Baï on ko̱ Christ mi gui koukoula aïn, kè sa: Mo ji sacrifice da toul ndo̱ko̱ ya, Da mo mosso kli‐mone hi mi tou;

Hébreuli 10:10

Ka mboro kaouna mara fal toulè kè sane na bi kala baï nè fènè, mbo̱l sacrifice a kli‐mona Jésus‐Christ, bo̱ko̱ mbéo baï kambèlè.