1 Titili Takarata a Pierre ko̱ dé 2:12 - Féké Testament 1947

¹² Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

1 Titili Takarata a Pierre ko̱ dé 2:12 ပူးပေါင်းရင်းမြစ်များ

1 Titili Takarata a Pierre ko̱ dé 3:16

Da oui kaou jing bèla laou‐tounafèn, baï on ko̱ klime sa bèlya kon toul baï, chonron ma sé kli on ko̱ poukou bèla mboro séna a baï ka bila Christ.

Saint Matthieu 5:16

Da on, oui yèng an takanafèn abaï mi cha an nona njoukouli, baï an klime ko̱ bèla pina abaï, ka jone Baba abaï ko̱ mi kaou an nonkala.

2 Corinthienli 8:21

baï ko̱ name bi hang na ba toul fèn mbonatoul, tane ti ba baï nona Nanjou ka ho̱kè ya, da ndé tèn an nona njoukouli kéng.

1 Thessalonicienli 4:12

An ouime ma baï séna mapélékè an nona kli on ko̱ mi kaou kala, da fèna ma pènrèn an ndo̱ko̱ baï ya.

1 Timothée 4:12

Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

TAKARATA A JACQUES KO̱ DÉ 3:13

Guè an woro baï ko̱ mi jing cho̱kna da tounafèn nyèta lé? Dadaon an kème to̱ko̱ pina nèli ka mboro bèla séna nè jing bouna monè guè koukoula ka cho̱kna.

Philippienli 1:27

Dadaon bong séna abaï mi mabong bèlabaï a Christ, baï ko̱, tokoré mème guè baï ko̱na oui, maléba mème tane tiya, mè voro baï lana bong pina abaï ko̱ oui mi laïbi jing esprit mbéo, ka laou mbéo ka chomna bo̱ko̱ tounassaon bèlabaï jing hana.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

2 Pierre 3:11

Baï fènli on bon yé yéli, mahana ka on, oui ma baï kaouna mahana ka njoukouli ba fèn ka mboro séna abaï, tangna fofoto da ka mboro pèngna baïnjaka a Ouone dé?

Romainli 13:13

An name sé ka mbonatoul an nona ro̱kè ka séssé tane ndingna fèn ka ndo̱l ya, tane houl houl vone ya, tane nzala ndingna békéfèn ya, tane ndingna maïn ya, tana njakana ya, maléba tane fanahang ya.

Romainli 12:17

Oui kaïn ka nding bèlya jing njoukou on ko̱ mi nding bèlya jing oui ya. Oui bi hang baï baï ndingna fèn on ko̱ bèlta an nona njoukouli bon.

Hébreuli 13:18

Oui hiou Ouone kon toula, baï na toutou ko̱ laou‐tounafèn na na bèlta ka ji séna ka mboro on mane jing fènli bon.

1 Timothée 2:2

baï an nanjoukaouli tèn baï a kli bon on ko̱ kaou an guèl gangna, mono on, an yana a baï mi kaou dong mong jang, ka mboro pèngna bong njaka a Ouone, da mbonatoul.

Philippienli 4:8

Mono baï toul gara baï on yindi, fèn mi ko̱ ba babaï, fèn mi ko̱ ba fèn dikna, fèn mi ko̱ ba guédék, fèn mi ko̱ na tangta, fèn mi ko̱ ba sénahang, fèn mi ko̱ bèla tiri baïli kon toulkè, da tokoré mbonatoul mana, da mi ma baï jonakè, oui bi hang baï toul fènli on.

Éphésienli 4:22

oui njomo tang bong séna abaï, tang njoukou on ko̱ mi bo jing nzala mongnafèn,

Hébreuli 13:5

Oui bi hang baï toul sénahang mbo̱ri ya; go̱ro̱ baï mi vo jing fènli on ko̱ na ndo̱ko̱ baï; baï Ouone fènè mi sa: Yé mè ma nak mo gounfènakè ya, maléba mè ma yèng mo name mbéo ya.

Romainli 15:9

Da mèran gentili mi jone Ouone baï toul ndingna haïo nè, mahana ko̱ mi dé: Mono on, yé mè ma sa bi kala toulo̱ an wora mèran pime pouli, Da mè ma di sing ka ba ling‐o̱.

Saint Luc 19:44

Da yé kli ma bèngnèrèn mo tèn goune noli bon, da kli ma yèng kana kone hana bi toula ba nè ya, baï ko̱ mome tane tou name ko̱ Ouone mi gui mono tou ya.

Saint Matthieu 10:25

On mapélékè ko̱ njou‐séna bong mi kaou mahana ka njou‐to̱ko̱nafèn nè, da njou‐bakara mi kaou mahana ka nanjou nè. Tokoré klime bi ling a nanjou‐voulou ba Béelzébul, yé kli ma ndé di njou‐voulèli ba békékèli ta ya lé!

Saint Matthieu 5:11

Jangnandaï mi ba baï abaï ko̱ njoukouli mi kèkè oui, da to̱ko̱ssé hi oui, ka sa békékè toutoul toutoul ka mboro wo̱ko̱ kon toul baï, baï touli.

1 Titili Takarata a Pierre ko̱ dé 4:11

Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

Éphésienli 2:3

Da na bon mi ndé kaou jinguèl jing kli kéng jing nzala naïn‐mona, ka bou fal nzala naïn‐mone tèn laou‐kèrafèn na, da ka bo̱ko̱di na, na ba goune hèrèli mahana ka afékéli.

2 Corinthienli 13:7

Da name hiou Ouone baï an ouime tane nding fèn bèlya ya, tane ti ba baï an ouime ko̱ na mabongkè ya, dadaon an ouime nding fèn on ko̱ ba mbonatoul, tongna on ko̱ laou na mabong lénakè ya.

1 Corinthienli 14:25

None kèrafèn ka foli jing bo̱ko̱ go̱rè mi tèn kala, da mono on kè ma lé ka té nonè guè koukoula, ka hiou Ouone, da kè ma sa ba Ouone mi kaou an woro baï ka babaï.

Pinali a Njou‐Mboro‐Pinali 24:13

Da kli tane ma baï to̱ko̱na none fèn on ko̱ klime sa kitakè kon touli tang guédék hi mo ya.

Pinali a Njou‐Mboro‐Pinali 15:14

Yindi, oui la baï ni! Simon mi to̱ko̱ bongkè hi na ka mboro on ko̱ Ouone mi gui jinguèl guè ko̱na pime pouli baï sana njoukouli an woro kli baï toul ling‐è.

Saint Luc 6:22

Jangnandaï mi ba baï abaï ko̱ njoukouli mi jèk oui, da ko̱ klime ni oui an bèl mone kli, ka kèkè oui, da pong ling abaï mahana ko̱ ba békékè, baï toula Goune a njoukou!

Saint Luc 1:68

Same Nanjou, Ouone a Israël, Baï ko̱ kème gui ka ko̱ da cho njoukou nèli tou.

Saint Matthieu 9:8

Da ko̱ njoukouli nyèta mi ko̱ fèn on, waou i kli, da kli jone Ouone baï ko̱ kème hi njèran on hi njoukouli.

Pinali a Njou‐Mboro‐Pinali 25:7

Da ko̱ kème gui tou, Juifli on ko̱ mi ourou ka diri gui ka pou Jérusalem, mi o bèl monè, da sa kita kon toulè jing béké baïli nyèta, baïli on ko̱ klime sa ndouloukoussou bo̱on.

Saint Jean 13:31

Da mono, ko̱ Judas mi tèn sé kala tou, Jésus mi sa: Kassénaï Goune a njoukou mi ya jonafèn tou, da Ouone mi jing jonafèn an bilè.

Pinali a Njou‐Mboro‐Pinali 28:22

Da name ji baï lana baï on ko̱ mi na hang‐o̱ da, da name toutou baï toul tènrèn none baï aïn njoukouli manguèl bon mi pong.

Romainli 14:18

Baï kè on ko̱ mi kaou koï a Christ, kème mapélékè jing Ouone, da kème mabongkè an nona njoukouli.

1 Timothée 5:10

Ko̱ njoukou mi sa bongbaï toul bèla pina nè. Tokoré kème mbé goundi tokoré kème nding ko̱ko̱ jing goni njoukouli, tokoré kème tourou bo̱ka njou‐lana‐bilaouli, tokoré kème lé mbèl njoukouli an guèl to̱ko̱nassé, tokoré kème nding mèrèn bèla pina bon.

1 Titili Takarata a Pierre ko̱ dé 2:15

Da baï on ba kaouna mara fal toula Ouone, ko̱ ka mboro ndingna bèlta, oui ma baï gnana ngawa baï a njoukouli on ko̱ tou fèn ya.