1 Titili Takarata a Pierre ko̱ dé 1:8 - Féké Testament 1947

⁸ kè on ko̱ oui sé hang‐è ta ko̱ ouime tane ga ko̱ nè ya, da baï ko̱ oui la nè bilaou, mahana ko̱ ouime pane ga ko̱ nè kassénaï ya, oui jangndaï nyèta jing ba wala on ko̱ mi ta njaka mi ma baï sanakè ya, da mi mbarou jing jonafèn.

1 Titili Takarata a Pierre ko̱ dé 1:8 ပူးပေါင်းရင်းမြစ်များ

Saint Matthieu 10:37

Kè ko̱ hang‐è mi na toula baba maléba ma nè ta mi, kè tane mabong ni ya, da kè on ko̱ hang‐è mi na toula goune wonron maléba goune waïn nè ta mi, kè tane mabong ni ya.

Saint Jean 14:15

Tokoré ouime sé hang ni, oui ma pèng bina baïnjaka guingna ni.

Saint Jean 14:21

Kè on ko̱ jing bina baïnjaka guingna ni da pèng nè, kè mono ko̱ mi sé hang ni; da kè on ko̱ mi sé hang ni, yé Baba ma sé hang‐è da mè ma sé hang‐è, yé mè to̱ko̱ mè fèni hi nè.

Saint Jean 14:24

Kè on ko̱ sé hang ni ya, kè tane pèng bong baïnjaka ni ya. Da bong baïnjaka on ko̱ ouime la tane ga ti ba ami ya, da ba a Baba ko̱ pi mi.

Saint Jean 16:22

Mono, kassénaï go̱ro̱ baï mi sé oui; da yé mè ma ko̱ oui ba aféké, da oui ma jangndaï, da njoukouna mbéo ma ya jangnandaï abaï ndo̱ko̱ baï ya.

Saint Jean 20:29

Jésus mi sa hi nè: Baï on ko̱ mome ko̱ mi tou mi ko̱ mo la bilaou, jangndaï ba baï akli on ko̱ mi tane ga ko̱ mi ya, da la bilaou.

Saint Jean 8:42

Jésus mi sa hi kli: Tokoré Ouone ba Baba baï, yé oui ma sé hang ni, baï ko̱ mème ourou gui ka ba mona Ouone an guèl aïn tou, mè tane ga gui fèni ya, da kème ko̱ pi mi.

Pinali a Njou‐Mboro‐Pinali 16:34

Da kème ya kli gui bil voulè, ka hi laka hi kli, ka jangndaï nyèta tèn voulè bon, baï ko̱ klime la bilaou a Ouone tou.

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

Romainli 15:13

Da kassénaï Ouone oliya on mi kon oui ka mba ka jangnandaï bon tèn go̱ro̱ iki ka mboro tounassaon, baï an ouime oli guèbambèl ka njèran a Saint‐Esprit!

1 Corinthienli 16:22

Tokoré hang a njoukou mi tane na toula Nanjou ya, dadaon an kème tèn ba fèn poukouna! Maranatha (Nanjou mo gui).

2 Corinthienli 1:22

Kè on ko̱ mi ndé ba na bi jing fèn mbo̱la nè kéng ka baka na bi jing Saint‐Esprit an bil go̱ro̱ na.

2 Corinthienli 12:4

Mi bi nè sé guè bil paradis, da kème la baïnjakali on ko̱ njaka njoukou mi tane ma baï sanakè ya, da ka ba mboro guingna, njoukou mi tane ma baï sanakè ya.

2 Corinthienli 4:18

baï ko̱ nona mi tane ga ènrèn guè ba fènli on ya ko̱ none mi ko̱, da nona mi ènrèn guè ba fènli on ko̱ none mi tane ko̱ ya, baï fènli on ko̱ none mi ko̱ yé ma ta bon, da fènli on ko̱ none mi tane ko̱ ya, mi na kambèlè.

2 Corinthienli 5:7

baï ko̱ name sé ka ba mboro tounassaon, da tane ti ka ba mboro fèn on ya ko̱ none mi ko̱,

2 Corinthienli 9:15

Kaouna koukoula hi Ouone baï toul toul ndo̱kè on ko̱ mi ta toul on ko̱ njaka tane ma baï sanakè ya.

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,

Galateli 5:6

Baï ko̱ ka bila Christ‐Jésus ina gassa maléba ina gassa ya, mi na bo̱on, da tounassaon on ko̱ mi nding an bila ka mboro sénahang ba gba fèn ka babaï.

Éphésienli 3:19

da baï touna sénahang a Christ on ko̱ mi ta toul tounafèn bon, an ouime ma baï guina mba ka mbanafèn a Ouone bon.

Éphésienli 6:24

An ndingna mbo̱l mi na jing kli bon ko̱ mi sé hang a Nanjou na Jésus‐Christ, jing sénahang on ko̱ mi ba poumna tane tiya!

Philippienli 1:25

Da baï ko̱ go̱ro̱ ni mi vo jing rou mè toutou yé mè ma kaou ka none ka laïbi rou jing oui bon, an ouime taïn kon guèbambèl jing tounassaon da jangnandaï,

Philippienli 3:3

Na ba njou‐ina gassali ko̱ mi hiou Ouone ka mboro Esprit nè, da jone ka ba bila Christ‐Jésus, da name tane ga bi hang na toul naïn‐mone ya.

Philippienli 4:4

Oui jangndaï ka bila Nanjou guèbassoko, da mème kaïn dala bongkè hi oui, oui kaou ka jangnandaï.

Hébreuli 11:1

Da tounassaon ba none fènli on ko̱ name bi hang na rou ka oli, da baï touna ka go̱ro̱ ka babaï fènli on ko̱ name tane ga ko̱ ya.

Hébreuli 11:27

Ka mboro tounassaon mi ko̱ kè yèng pou Égypte, kè tane ngou waou hèrè a nanjoukaou ya; baï ko̱ kème ba pouta, ka ko̱ kè on ko̱ njoukou mi ko̱ ya.

1 Titili Takarata a Pierre ko̱ dé 1:6

Guèl on ko̱ hi jangnandaï hi oui ta, da tongna kassénaï bongkè diya tokoré mi mahana ka on, mi hi go̱ro̱ baï sé oui ta, an bil lénafènli toutoul toutoul,

1 Titili Takarata a Pierre ko̱ dé 2:7

Mono on, baï a oui ko̱ la nè bilaou kè ba kakaïyakè. Da, baï akli on ko̱ nding ka ndouri, Kone on ko̱ njou‐zana voulouli mi pong tou, Kone on gui ba loukou kone kouroukè.

1 Titili Takarata a Pierre ko̱ dé 5:4

Da ko̱ zaworo njou‐kora badoua mi gui, yé oui jing mbélé couronne jonafèn ko̱ mi tane yéli ya.