1 Titili Takarata a Pierre ko̱ dé 1:7 - Féké Testament 1947

⁷ baï léna tounassaon abaï ko̱ ba kakaïya fèn ta réme l’or on ko̱ limna (tongna ko̱ hèlè mi lé nè), mi wéré nonkè bi kala baï jona da hi jonafèn da dikna ka name guina a Jésus‐Christ,

1 Titili Takarata a Pierre ko̱ dé 1:7 ပူးပေါင်းရင်းမြစ်များ

Saint Matthieu 19:28

Da Jésus mi sa hi kli: Babaï, mi mè sa hi oui, ka name baï féra ndingna fèn ba aféké, ko̱ Goune a njoukou makaou an kangala njaka bara nè ka jonafèn amè, oui kéng ko̱ gui bong ni, yé oui kaou kangala njaka bara botoulè‐séré, baï wala baï ka douk a Israël botoulè‐séré.

Saint Matthieu 25:21

Nanjou nè mi sa hi nè: Mo nding bèlta tou, mo ba bèla njou‐bakara lo̱do̱k; mo ndik laou‐o̱ toul goune fèn, yé mè ma hi fènli nyèta hi mo, baï onabong pina; da mo ri gui bil jangnandaï a nanjou no.

Saint Matthieu 25:23

Nanjou nè mi sa hi nè: Mo nding bèlta tou, mo ba bèla njou‐bakara lo̱dok; mo ndik laou‐o̱ toul goune fèn, yé mè ma hi fènli nyèta hi mo, baï onabong pina; da mo ri gui bil jangnandaï a nanjou no.

Saint Luc 12:33

Oui jo̱l fènli on ko̱ mana an ndo̱ko̱ baï, da nding ko̱ko̱. Oui mosso ngou mbo̱ri baï abaï ko̱ ma baï poumna ya, nguèra an nonkala ko̱ so ya, guèl ko̱ njou‐riya mbéo tane ma baï hèdina bèlkè ya, maléba sèssènè mi bo fèn ya.

Saint Luc 17:30

Mono, ndé mahana ka on ka name ko̱ Goune a njoukou mi gui.

Saint Jean 12:26

Da tokoré njoukouna mi nding bakara hi mi, an kème gui fali; baï guèl on ko̱ mème kaou, yé njou‐bakara ni ma ndé kaou ndourou kéng. Tokoré njoukouna mi nding bakara hi mi, yé Baba fènè mi dik nè.

Saint Jean 5:44

Yé oui ma la bilaou ane mèlè? oui on ko̱ mi ya ba jonafèn a njoukou an woro baï, da oui tane ga nza ba jonafèn on ko̱ mi gui ka Ouone ho̱kè ya.

Pinali a Njou‐Mboro‐Pinali 8:20

Da Pierre mi sa hi nè: Mbo̱ri no ma ndé limna jing mo, baï ko̱ mome bi hang‐o̱ baï toul ndo̱ka Ouone ka ba mbo̱ri.

Romainli 2:10

Da jonafèn da dikna tèn go̱ro̱ iki hi njoukouli mane mbéo mbéo bon ko̱ nding bèlafèn hi Juifli ka titilikè da ndé hi Grecli kéng!

Romainli 2:29

Da kè ba Juif ka babaï ko̱ ba Juif ka laou‐è, da ina gassa ba fèn a go̱ro̱ ka babaï ka bil laou, da tane ti ka ba mboro fèn déna ya. Da jona njoukou aïn tane ga gui ka mona njoukouli ya, da gui ka Ouone.

Romainli 2:7

Kè ma hi yana kambèlè hi kli on bon ko̱ laïbi ka nding bèlafèn, ka nza jonafèn da dikna da yana kambèlè on ko̱ ba poumna tane tiya;

Romainli 8:19

Baï ko̱ bina hang a fèn mossona mi voro maïya name bina nona goundi a Ouone kala.

1 Corinthienli 3:13

baï ko̱ yé namkè ma to̱ko̱ bi kala, baï ko̱ yé hèlè mi ko̱ wal sélkè, da hèlè ma lé pina njoukouli mane mbéo mbéo bon, kong ba na ane dé.

1 Corinthienli 4:5

Baï on oui tane wal baï kon toul fèna mbéo ti dambèl hi namkè ya, bo̱l tén ko̱ Nanjou mi gui, kè on ko̱ yé kè ma wéré none fènli on bon ko̱ mi mou an yilime bi kala takanaguèl, da kè ma ndé wéré none badinafèn a njoukouli ka bo̱ko̱ go̱ro̱ kli bi kala kèng. Da afal on yé njoukouli mane mbéo mbéo bon ma ya jonafèn a kli an njaka Ouone.

TAKARATA A JACQUES KO̱ DÉ 1:12

Jangnandaï ba baï a njoukou on ko̱ mi kaou pou jing pana mone an bil yaknafèn; baï afal ko̱ mi lé nè ka ko̱ nè mabongkè, yé kè ma jing mbélé couronne yana ko̱ Nanjou mi bi gonjaka hi kli on ko̱ mi sé hang‐è.

1 Titili Takarata a Pierre ko̱ dé 1:13

Baï on, oui gna ga bi kèrè kaou kèrafèn abaï da mang mone baï, oui oli guédék baï toula ndingna mbo̱l on ko̱ mi gui mone baï ka name wéra none a Jésus‐Christ bi kala.

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

1 Titili Takarata a Pierre ko̱ dé 2:4

Oui guè mona kè on ko̱ ba kone ko̱ yan, ko̱ njoukouli mi pong nè ka babaï, da ko̱ kone on a nona Ouone, ko̱ kème same tou mi tèn ba kakaïyakè.

1 Titili Takarata a Pierre ko̱ dé 2:7

Mono on, baï a oui ko̱ la nè bilaou kè ba kakaïyakè. Da, baï akli on ko̱ nding ka ndouri, Kone on ko̱ njou‐zana voulouli mi pong tou, Kone on gui ba loukou kone kouroukè.

1 Titili Takarata a Pierre ko̱ dé 4:12

Oui on ko̱ mème sé hang baï nyèta, laou baï mi dou ya ko̱ to̱ko̱nassé hèlè mana an woro baï, on ko̱ mi gui mone baï baï léna oui, mahana ko̱ guènè?-?fèna mi tèn oui.

1 Titili Takarata a Pierre ko̱ dé 4:13

Da mahana ko̱ oui ba ndo̱ko̱ba to̱ko̱nassé a Christ on ko̱ kème to̱ko, oui kaou ka jangnandaï, mono on, ka name guina jing jonafèn nè, oui ma jangndaï ka wala nyèta kéng.

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

2 Pierre 1:4

ka mboro on kè hi loukou bèla kakaïya bina gonjaka nèli hi na, mono on ka mboro bina gonjaka on oui ma baï tèna njou‐yana bo̱ko̱di a Ouone, baï ko̱ oui ngou fèn poumna ko̱ mana a koukoula baï nzala naïn‐mone baï.

2 Pierre 3:14

Mono baï on, oui ko̱ mème sé hang baï nyèta, baï ko̱ oui oli fèn aïnli oui nza mborokè, an kème ma baï jingna oui ka go̱ro̱ iki tane bila, da ka rongo.

Jude 1:24

Da a kè on ko̱ ma baï guéra oui, an oui mi bèn ya, da bi oui an none jonafèn amè, ka rongo ka wal nyèta,

Apocalypse 1:7

Oui ko̱, kè gui an bil yiri mbame. Da yé none a njoukouli bon ma ko̱ nè, da kli on ko̱ toung nè jinguèl; da yé mèran njoukouli kadouk bon an koukoula ma lé léou baï toulè. Mahana ka on, Amen!

Apocalypse 2:10

Mo ngou waou fènli on ko̱ ma to̱ko̱ssé hi mo koukoulion ya. Mo ko̱, koukoulion zabolo ma wou hanali mbéo mbéo an woro baï an voul jo̱bo̱, an on mi lé oui, da mo ma to̱ko̱ssé name bo. Mo laïbi lodok bo̱l tèn houl, da mè ma hi mbélé couronne yana hi mo.

Apocalypse 3:10

Baï ko̱ mo pèng bong baïnjaka laïnabi ami, yé mè pèng mo kéng ka l’heure yaknafèn, l’heure on ko̱ nding baï guina toula koukoula bon, baï léna kli on ko̱ pane kaouna toul koukoula.

Apocalypse 3:18

Mè wara mo baï zéna l’or an ndo̱ko̱ ni ko bi an hèlè tou. Mono on an mo mi tèn ba njou‐nguèra, da zé pouki la, an mo mi bou la, an klime ko̱ chonron séna bolok amo bi kala ya, da zé ndame bina toul nono, mono on, an mone ko̱ guèl.