Da na ko̱ Jésus, kè on ko̱ Ouone mi mosso nè an mi ma ka angeli ya, baï name gounfènakè, kè on ko̱ jing mbélé couronne a jonafèn da dikna, baï toul houl on ko̱ kème to̱ko̱ssé, an kè, ka mboro ndingna mbo̱l a Ouone, mi sanran houl baï toula njoukouli bon.
Da kli koro ka nza baï aïn ba fèn, maléba namkèli ba fèn ko̱ Esprit a Christ on ko̱ na bil kli mi to̱ko̱ baï on, ko̱ kè sa bongkè ka kome jinguèl toul to̱ko̱nassé a Christ, da jonafèn ko̱ ma tèn afal.
dadaon an oui bon tou on tèn njoukouli a Israël bon, ko̱ ba ka bil ling a Jésus‐Christ an pou Nazareth, kè on ko̱ ouime bara nè bi di‐croix, da Ouone mi tome nè an wora houli, ka bil ling aïn mi ko̱ njoukou aïn o an none baï bèl ka monè.
Ouone a Abraham da a Isaac, da a Jacob, da Ouone a tangko nali mi hi jonafèn hi njou‐bakara nè Jésus tou, kè on ko̱ ouime souti nè da njomo nè an nona Pilate, ko̱ kème badi baï yèngna nè.
Afal ko̱ Jésus mi sa baï aïn o̱tou, kè bi nonè da ènrèn sé nonkala, ka sa: Baba namkè tèn tou! Mo hi jonafèn hi Goune no, baï an Goune fènè mi hi jonafèn hi mo,
Mono baï on, dadaon an name yèng titili fèn a none baïnjaka a Christ, an name dong guébèl pouta baï guina guédék, ti ba an name féré baï mossona bètèkè ba aféké ya, baï hèkèna mboro pinali ko̱ hou, da tounassaon a Ouone,
Baba, mè ji ba guèl on ko̱ mème kaou, kli on ko̱ mome hi kli hi mi tou, mi ndé kaou jing mi an ndourou kéng, baï an klime ko̱ jonafèn ni, jonafèn on ko̱ mome hi mi tou, baï ko̱ mome sé hang ni ka titilikè ambèl hi name mossona koukoula aïn.
Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.
Mi same ba Ouone Baba a Nanjou na Jésus‐Christ, ko̱ ka mboro ndingna haïo nè nyèta kè mboung na ba aféké baï jingna oliya ko̱ yan, ka mboro tomnahoul a Jésus‐Christ an wora houli,