1 Titili Takarata a Pierre ko̱ dé 1:2 - Féké Testament 1947

² ka mboro tounafèn a Ouone Baba ti dambèl, ko̱ wal kli bi baï nè ka mboro Esprit, an klime la baï bèlta, da an klime wèn séme a Jésus‐Christ toulkè: an ndingna mbo̱l da go̱ro̱ iki abaï mi taïnkon guèbambèl!

1 Titili Takarata a Pierre ko̱ dé 1:2 ပူးပေါင်းရင်းမြစ်များ

2 Thessalonicienli 2:13

Da dadaon an name kaou koukoula hi Ouone guèbassoko baï toul baï yindi on ko̱ Nanjou mi sé hang baï nyèta, baï ko̱ Ouone mi sane oui ka titilikè jinguèl baï an ouime jing yana baï toul, ka mboro Esprit fènè ko̱ mi wal oui bi baï a Ouone, da baï ko̱ ouime la ba babaï bilaou baï.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Hébreuli 12:24

Da Jésus on ko̱ ba njou‐vonabaï a féké bina gonjaka an none hana, da wèna séme on ko̱ sa baï bèlta mi ta a Abel.

Romainli 11:2

Ouone mi tane ga njomo njoukou nèli ya, kli on ko̱ kème toutou kli ka tang ambèl, maléba oui tane ga tou baï on ko̱ Takarata a Ouone mi sa ka njaka Élie ya lé? ka mboro on ko̱ kème hiou Ouone kon toula Israël, ka sa:

2 Pierre 1:2

an ndingna mbo̱l da go̱ro̱ iki abaï mi taïnkon ka mboro touna Ouone da Jésus Nanjou na!

Pinali a Njou‐Mboro‐Pinali 2:23

Kè on ko̱ ka mboro badinafèn pouta bi da tounafèn ka kome a Ouone mi hi, da ouime bara nè bi di‐croix, ka i nè ka ndo̱ka njoukouli on ko̱ sél guingna.

Romainli 16:26

Da kassénaï mi tèn kala an bil Takarata a Ouone a prophèteli mahana ka bina baïnjaka Ouone kambèlè, da mi to̱ko̱ hi mèran pime pouli bon baï an klime la ka bong tounassaon.

2 Tim 2:10

Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

Saint Marc 13:27

Da afal on, yé kè ma pi angeli, baï mangna njoukouli on, ko̱ kème walbi, ka mboro guèl koukounali nèng, da ka an sèkèrè guèl ndèk an koukoula bo̱l tèn sèkèrè guèl ndèk an nonkala.

Saint Marc 13:20

Da tokoré Nanjou mi tane ga koung gara name on bi guè mbèl ya, yé njoukouna mbéo ba kouna tane tiya; da ba baï toula kli on ko̱ Ouone mi wal kli bi ka sane kli, mi ko̱ kème koung namkè bi.

Hébreuli 10:22

An name guè monè jing go̱ro̱ on ko̱ na ka babaï, on ko̱ mi mba jing tounassaon, da kè wèn séme kon toul go̱ro̱ na baï toura béké laou‐tounafèn na tang da kè tourou kli‐mona ka bèla mbi,

Romainli 16:19

Baï ko̱ tiri lana baï abaï mi ti ri souka njoukouli bon. Mono on, mè jangndaï baï toul baï, da mè ji an ouime kaou ka cho̱kna baï tounafèn on ko̱ mi bèlta da bou rongo jing fèn on, ko̱ mi tane ga bèlya.

Romainli 8:33

Yé guème ko̱ ma sa kita kon toula njoukouli on, ko̱ Ouone mi sane kli tèn kala tou lé? Kè ba Ouone fènè ko̱ mi nding kli gui guédék.

Saint Luc 18:7

Da koukoulion Ouone mi wal baï hi kli on ko̱ kème sane kli tèn kala bon, ko̱ sa jo̱jo̱ nè ka mbiléou, ka séssé da ka hangnachoung, da mono, kè pa monè nyèta jing kli ya lé?

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:22

Da tokoré name o̱kèo̱ mi tane koung bi guè mbèl ya, yé naïn mone mbéo ba kouna tane tiya; da ba baï toula kli on ko̱ Ouone mi wal kli bi, mi ko̱ kème koung namkè bi.

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Hébreuli 11:28

Ka mboro tounassaon Moïse mi mosso Pâque da wèn séme, mono on ko̱ ange a houl mi gui baï ina boutaïn goundi a Israël, tane ma baï dana kli ya.

Romainli 15:16

Mono on, an mème tèn ba njou‐bakara a Christ‐Jésus hi mèran gentili, mahana ka pina sacrificateur, baï sana mboura bèlabaï a Ouone an gentili mi tèn ba offrande on ko̱ mapélékè, baï ko̱ Saint‐Esprit mi ko̱ wal kli bi aï a Ouone.

Romainli 8:13

Da tokoré ouime yan ka ba fala naïn‐mone, oui ma hou; da tokoré ouime i pina kli‐mone baïli ka mbora Esprit, yé oui ma yan.

Romainli 1:7

Mème pi takarata aïn hi kli on bon ko̱ bi an pou Rome, kli on ko̱ Ouone mi sé hang kli ta, da di kli ba njou‐lana‐bilaouli: An Ouone Baba na da Nanjou Jésus‐Christ mi hi ndingna mbo̱l da go̱ro̱ iki hi oui!

Romainli 1:5

mbo̱lkè da name jing ndingna mbo̱l da pina a njou‐mboro‐pina, baï jingna njoukouli an wora mèran pime pouli bon an klime la ka mboro tounassaon, baï toul ling‐è.

Pinali a Njou‐Mboro‐Pinali 15:18

Ko̱ mi toutou ka tang ambèl ka titilikè.

Jude 1:2

An ndingna haïo da go̱ro̱ iki da sénahang mi gui mone baï ka taïnkon guèbambèl.

Hébreuli 5:9

Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

Colossienli 3:12

Mono mahana ka njoukouli on ko̱ Ouone mi sane oui tèn kala tou, njoukouli on ko̱ mi tang fofoto, da njoukouli on ko̱ Ouone mi sé hang baï ta, oui bou go̱ro̱ ko̱nassé, pana bil, laou kaouna ka lome, bou mone guè koukoula da vonamboï.

2 Corinthienli 13:14

An ndingna mbo̱l a Nanjou Jésus‐Christ, jing sénahang a Ouone, tèn vona ka go̱ro̱ mbéo a Saint‐Esprit, mi na jing oui bon!

2 Corinthienli 10:5

Name sokoro fèn bina laou na rou an koukoula bon, tèn fèn gangnali bon ko̱ mi joung monè fènè jing tounafèn a Ouone, da name mang kèrafènli bon tèn ba koï baï lana baï a Christ.

Romainli 11:28

Baï toul bèlabaï kli ba bakèlio̱ baï toul baï; da ka mboro on ko̱ Ouone mi sane kli, kème sé hang kli ta baï toula titili tangkoli.

Pinali a Njou‐Mboro‐Pinali 20:32

Da kassénaï mè yèng oui bi ndo̱ka Ouone, da baïnjaka ndingna mbo̱l nè, on ko̱ mi ma baï pouna mone baï, da hi fèn yanapélé hi oui an wora kli on bon ko̱ Ouone mi wal bi baï nè fènè.

Tite 1:1

Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:31

Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

2 Jean 1:13

Goundi a njo̱‐waïn fèn on ko̱ Ouone mi sane mi name mo.

2 Jean 1:1

Tangchido mi dé takarata aïn hi Kyria ko̱ Ouone mi sane nè, tèn goune nèli ko̱ mème sé hang kli ka babaï, da tane ti ba mè ka ho̱ko̱ ni ya, da kli on bon kéng ko̱ tou babaï,

1 Titili Takarata a Pierre ko̱ dé 1:14

Mahana ka mbéré goundi, oui joukourou mone baï ya, baï ndingna ka mboro nzala mone baï jinguèl ya, mahana ko̱ ouime pane ka tane ga tou fèn ya.

1 Titili Takarata a Pierre ko̱ dé 1:19

Da kè cho oui jing kakaïya séme a Christ mahana ka goune badoua tane nongno da tane bila.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,