Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.
Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.
da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,
Da mè sa hi nè: Nanjou ni, mo toutou. Da kè sa hi mi: Njoukouli on ba kli ko̱ tèn kala ka bil loukou to̱ko̱nassé on; da kli tourou la akli tou, da kli nding a la akli mi poukou ka séme a Goune badoua.
Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.
Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.
Da mè ko̱, da mono Goune badoua ko̱ mi o toul souraguèl Sion, da njoukouli ténakè‐ténakè‐bo‐bo̱ko̱kè‐ténakè‐bo‐bongkè‐nèng‐faltoulkè‐ténakè‐bongkè‐nèng jing nè, kli on ko̱ mi dé ling‐é da ling a Baba nè bi njaka moung akli.
Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.
Kè on ko̱ Ouone mi same, ka hi nè ba sacrifice cho̱ko̱kè, ka mboro tounassaon ka séme nè, baï to̱ko̱na guédék nè baï ko̱na tang békéfènli pa, ka mboro pana mona Ouone.
ka mboro tounafèn a Ouone Baba ti dambèl, ko̱ wal kli bi baï nè ka mboro Esprit, an klime la baï bèlta, da an klime wèn séme a Jésus‐Christ toulkè: an ndingna mbo̱l da go̱ro̱ iki abaï mi taïnkon guèbambèl!