1 Titili Takarata a Pierre ko̱ dé 1:10 - Féké Testament 1947

¹⁰ Prophèteli on ko̱ to̱ko̱ bong njaka Ouone toul ndingna mbo̱l on ko̱ mi ma baï guina mone baï, kli oui saon baï toul none yana‐baï‐toul on jinguèl, kli nza mborokè pouta.

1 Titili Takarata a Pierre ko̱ dé 1:10 ပူးပေါင်းရင်းမြစ်များ

Saint Matthieu 13:17

Babaï, mi mè sa hi oui, prophèteli da njou‐nguédékli nyèta, kli ji ko̱na fènli on ko̱ ouime ko̱, da kli tane ga ko̱ ya, da kli ji lana fènli on ko̱ ouime la, da kli tane ga la ya.

Saint Luc 10:24

Baï ko̱ mè sa hi oui, prophèteli da nanjoukaouli nyèta ji baï ko̱na fènli on ko̱ oui ko̱, da kli tane ga ko̱ ya, da kli ji lana fèn on ko̱ oui la, da kli tane ga la ya.

Pinali a Njou‐Mboro‐Pinali 7:52

Guème an woro prophèteli mi ko̱ tangko baïli tane ga sène nè ya lé? Kli i kli on ko̱ mi to̱ko̱ bongbaï toul guina Njou‐guédék, kè on ko̱ ouime gui njou jo̱lèli da njou‐ina nèli kassénaï.

Saint Jean 5:39

Oui foul an bil Takarata a Ouone baï ko̱ ouime kèrè oui ma jing yana kambèlè an bilkè, da ba Takarata a Ouone on mi ko̱ sa bongbaï ni.

Hébreuli 11:13

Kli on bon hou ka mboro tounassaon, da tane ga ya fèn bina gonjakakè ya; da kli ko̱ on tou da name fèn on ko̱ mi pane dita, da kli sa bi kala ko̱ klime ba goni njoukouli da njou‐sèra manguèl an koukoula aïn.

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Saint Jean 7:52

Klime féré sa, ka sa hi nè: Mo ba njoukou an guèl Galilée kéng lé? Mo nza da mo ma ko̱ ko̱ prophète ba tèna ka guèl Galilée tane tiya.

Saint Luc 24:44

Da kè sa hi kli: On ba baïnjaka ni, ko̱ mè sa hi oui jinguèl, ko̱ mème pane jing oui, mapélékè a baï ni bon mi wéré kon kala ka babaï, ko̱ mi dé an bil guingna Moïse tèn prophèteli da psaumeli.

Saint Matthieu 26:24

Goune a njoukou mi sé mahana ka on ko̱ mi dé baï toulè. Da go̱ro̱ séta mi ba baï a njoukou on ko̱ mi jo̱l Goune a njoukou! Dadaon baï a njoukou aïn tokoré mboungna nè mi tane tiya.

1 Titili Takarata a Pierre ko̱ dé 1:11

Da kli koro ka nza baï aïn ba fèn, maléba namkèli ba fèn ko̱ Esprit a Christ on ko̱ na bil kli mi to̱ko̱ baï on, ko̱ kè sa bongkè ka kome jinguèl toul to̱ko̱nassé a Christ, da jonafèn ko̱ ma tèn afal.

Pinali a Njou‐Mboro‐Pinali 17:11

Da Juifli on ko̱ kaou ndourou mi bèl maïya ta toula Juifli on ko̱ kaou pou Thessalonique; baï ko̱ klime ya baïnjaka gata an bil go̱ro̱ kli, da foul fal Takarata a Ouone name bon baï touna kong ba fèn aïnli ba babaï lé.

Hébreuli 11:40

Baï ko̱ Ouone mi mosso fèn aféké bèl honta baï na, mono on, tokoré name tiya kli ma gui guédék bon ya.

Pinali a Njou‐Mboro‐Pinali 28:23

Da ko̱ klime kèn namkè hi nè tou, kli gui nyèta guè monè an bil voulè. Da kème to̱ko̱ saon baï on hi kli, ka sa bongbaï toul bilkaou a Ouone, ka wara kli an toul baï a Jésus ko̱ mi dé an bil guingna Moïse da mi dé an bil prophèteli tinassaonkè ka toula pélé bo̱l tèn bèlaléou.

1 Titili Takarata a Pierre ko̱ dé 1:13

Baï on, oui gna ga bi kèrè kaou kèrafèn abaï da mang mone baï, oui oli guédék baï toula ndingna mbo̱l on ko̱ mi gui mone baï ka name wéra none a Jésus‐Christ bi kala.