Titili Takarata a Jean ko̱ dé 5:6 - Féké Testament 1947

⁶ On ba, Jésus‐Christ ko̱ mi gui ka mboro mbi tèn séme; da mi tane ti jing ba mbi ka ho̱kè bo̱l ya, da jing mbi tèn séme kéng. Da ba Esprit fènè ko̱ mi sa bongbaï baï ko̱ Esprit ba babaï.

Titili Takarata a Jean ko̱ dé 5:6 ပူးပေါင်းရင်းမြစ်များ

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

Saint Jean 15:26

Da ko̱ Kè‐baïlénambèl mi gui, kè on ko̱ mè ma pi nè gui hi oui ka mona Baba fènè, kè ba Esprit a babaï, kè on ko̱ ma ourou gui ka mona Baba, yé kè ma sa bongbaï ni.

Saint Jean 16:13

Da ko̱ Kè‐baïlénambèl mi gui tou, kè on ko̱ ba Esprit a babaï, yé kè ma lang oui sé mboro babaï bon; baï ko̱ kè ma sa ka ba mboro nè fènè ya, da kè ma sa ba toul fènli on bon ko̱ kème la tou, da kè ma sa bong fènli on ko̱ nding baï guina hi oui.

Hébreuli 12:24

Da Jésus on ko̱ ba njou‐vonabaï a féké bina gonjaka an none hana, da wèna séme on ko̱ sa baï bèlta mi ta a Abel.

Saint Marc 14:24

Da kème sa hi kli: Aïn ba séme moni ko̱ ba féké bina gonjaka an none hana, ko̱ mi bèrè kon koukoula baï toula njoukouli nyèta.

Saint Jean 14:17

Kè on ko̱ ba Esprit a babaï, ko̱ bilkaou koukoula aïn mi tane ga ma baï yana nè ya, baï ko̱ kème tane ga ko̱ nè ya, da tane ga tou nè ya. Da abaï, oui toutou nè, baï ko̱ kème bi jing oui, da kè ma bi an bil baï.

Apocalypse 7:14

Da mè sa hi nè: Nanjou ni, mo toutou. Da kè sa hi mi: Njoukouli on ba kli ko̱ tèn kala ka bil loukou to̱ko̱nassé on; da kli tourou la akli tou, da kli nding a la akli mi poukou ka séme a Goune badoua.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

1 Titili Takarata a Pierre ko̱ dé 1:2

ka mboro tounafèn a Ouone Baba ti dambèl, ko̱ wal kli bi baï nè ka mboro Esprit, an klime la baï bèlta, da an klime wèn séme a Jésus‐Christ toulkè: an ndingna mbo̱l da go̱ro̱ iki abaï mi taïnkon guèbambèl!

Hébreuli 13:20

Da Ouone a go̱ro̱ iki, kè on ko̱ tome loukou njou‐ko̱ra badouali, ko̱ ba Nanjou na Jésus, an wora houli ka mboro séme a bina gonjaka an none hana kambèlè,

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Saint Luc 22:20

Da kè ya kopo mahana on afal ko̱ klime son laka tou, ka sa: Kopo aïn ba féké bina gonjaka an none hana ka bil séme moni, ko̱ mi bèlè kon koukoula baï toul baï.

Saint Matthieu 26:28

baï ko̱ aïn ba séme ni, ko̱ ba féké bina gonjaka an none hana ko̱ mi bèrè baï ko̱na békéfènli a njoukouli nyèta pa.

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.

Tite 3:5

tane ga ti ka ba mboro ndingna pina guédék ko̱ na fèna mi nding ya, da ka ba mboro ko̱na haïo nè mi ko̱ kème kou na, ka mboro toura on ko̱ mi mboung na ba aféké, da baï féra na tèn fékékè ka mboro Saint‐Esprit,

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Saint Jean 6:55

Baï naïn‐moni ba laka sona ka babaï, da séme moni ba fèn njona ka babaï.

Saint Jean 4:10

Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo.

Saint Jean 3:5

Jésus mi féré sa: Babaï, babaï, mi mè sa hi mo, tokoré njoukou ko̱ mi tane ga tèn ka mbi da Esprit ya, kè ba rina an bilkaou a Ouone tane tiya.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Hébreuli 10:29

Laou baï kèrè ba fèn, ko̱ yé barabaï nyèta ba tana an toula njoukou on ya lé kè mi wal baï ko̱ kème ma, ko̱ mi nda Goune a Ouone ka bo̱kè, da kè ko̱ séme bina gonjaka an none hana ko̱ mi walè bi baï nè fènè, mahana ka ladidifèn da kè poukou Esprit a ndingna mbo̱l lé?

Hébreuli 9:7

Da an bila sérékè ba zaworo sacrificateur ho̱kè ko̱ sé bilkè, bo̱ko̱ mbéo bil saka mbéo bo̱l, kè ri jing séme on, ko̱ kème hi baï dodok békéfèn nè fènè da tèn békéfèn a njoukouli bon.

Colossienli 1:4

baï ko̱ name lala tiri tounassaon abaï ka bila Christ‐Jésus, da sénahang abaï jing njou‐lana‐bilaouli bon.

Romainli 3:25

Kè on ko̱ Ouone mi same, ka hi nè ba sacrifice cho̱ko̱kè, ka mboro tounassaon ka séme nè, baï to̱ko̱na guédék nè baï ko̱na tang békéfènli pa, ka mboro pana mona Ouone.

Pinali a Njou‐Mboro‐Pinali 8:36

Da ko̱ klime pane séna guè domboro kli tèn mbi hana, da founa on mi sa: Mo ko̱ mbi mi naï, fèn mi ko̱ dèn an mème ya baptême lé?

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

Titili Takarata a Jean ko̱ dé 4:10

Da on ba sénahang, tane ti ba name ko̱ sé hang a Ouone ti dambèl ya, da ba kème ko̱ sé hang na, ka pi Goune nè, baï tèna ba sacrifice‐cho̱ko̱kè baï chona békéfèn nali.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Saint Matthieu 3:16

Da ko̱ Jésus mi ya baptême tou, koukoulion kè tèn kala an bil mbi. Da mono, nonkala mi bourou, da kè ko̱ Esprit a Ouone mi diri gui mahana ka guédé da kaou laou toulè.