Titili Takarata a Jean ko̱ dé 5:13 - Féké Testament 1947

¹³ Mè dé fèn aïnli bi takarata hi oui tou, an oui on ko̱ la bilaou ling a Goune a Ouone, mi toutou ko̱ ouime jing yana kambèlè.

Titili Takarata a Jean ko̱ dé 5:13 ပူးပေါင်းရင်းမြစ်များ

Saint Jean 20:31

Da fèn aïnli mi dé an bil takarata tou, baï an ouime la bilaou ko̱ Jésus ba Christ ka babaï, Goune a Ouone; da ko̱ ouime la on bi laou baï, oui ma jing yana ka ling‐è.

Saint Jean 1:12

Da njoukouli on bon ko̱ mi ya nè ba akli tou, kè hi njèran hi kli baï guina goundi a Ouone, kli on ko̱ mi la bilaou ling‐è,

Titili Takarata a Jean ko̱ dé 3:23

Da on ba bina baïnjaka guingna nè: dadaon an name la bilaou ling a Goune nè Jésus‐Christ, da sé hang hana, mabahana ka bina baïnjaka on ko̱ kème bi hi na tou.

Saint Jean 3:18

Njoukou on ko̱ mi la bilaou‐è walabaï nè tane tiya, da njoukou ko̱ mi tane ga la bilaou‐è ya, walabaï mi lé toulè tou, baï ko̱ kème tane ga la bilaou ling a pomboï Goune a Ouone ya.

Titili Takarata a Jean ko̱ dé 2:21

Mè tane ga dé takarata hi oui ba baï ko̱ ouime tane ga tou babaï ya, da ba baï ko̱ ouime toutou babaï, da baï ko̱ wo̱ko̱ mbéo mi tane ga ti jing babaï ya.

Galateli 4:6

Da baï ko̱ oui ba goundi, Ouone mi pi Esprit a Goune nè kon bil go̱ro̱ na bon tou, on ko̱ mi hidifèn guè siya: Abba! Baba!

Titili Takarata a Jean ko̱ dé 5:10

Kè ko̱ mi la bilaou a Goune a Ouone kème jing bongbaï an bilè fènè; kè ko̱ mi tane ga la bilaou a Ouone ya, kème nding Ouone tèn njou‐bana wo̱ko̱, baï ko̱ kème tane ga la bilaou bongbaï on ko̱ Ouone mi sa toula Goune nè ya.

Titili Takarata a Jean ko̱ dé 2:1

Lélé goune nili, mè dé fèn aïnli bi takarata hi oui baï an ouime tane nding békéfèn ya. Da tokoré njoukouna mi nding békéfèn name jing Njou‐hiouna Baba baï toula an bèl monè, ko̱ ba Jésus‐Christ, kè ko̱ ba njou‐guédék.

Titili Takarata a Jean ko̱ dé 1:4

Da name dé fèn aïnli bi takarata hi oui, baï an jangnandaï na mi yé mba.

1 Titili Takarata a Pierre ko̱ dé 5:12

Mè pi goune takarata aïn ndo̱ka Silvain, kè on an noni ba yine na lodok. Mè wara oui, ka sa bongbaï ko̱ on ba gba ndingna mbo̱l a Ouone; oui laïbi ona jing rou.

2 Corinthienli 5:1

Baï ko̱ name toutou ko̱ tokoré voul kli‐mona on ko̱ name bi an koukoula mi bèngnènrèn tou, name jing voul on an nonkalali ko̱ Ouone mi za, voul on ko̱ ndo̱ka njoukou mi tane ga za ya, ko̱ ba voul name kambèlè.

Pinali a Njou‐Mboro‐Pinali 4:12

Da yana‐baï‐toul tane ti bila njoukou aféké ya, baï ko̱ ling aféké an bo̱ko̱ nonkala tane tiya ko̱ hi an jéng an njoukouli ko̱ ma kou na.

Saint Jean 2:23

Name ko̱ Jésus mi kaou an pou Jérusalem an gnèna laka Pâque, njoukouli nyèta mi la bilaou ling‐è, afal ko̱ klime ko̱ fèn‐to̱ko̱nakèli on ko̱ kème nding.

Titili Takarata a Jean ko̱ dé 2:26

Mè dé fèn aïnli bi takarata hi oui tou, ba baï toula kli on ko̱ mi mong oui an ouime wol.

Pinali a Njou‐Mboro‐Pinali 3:16

Ka mboro tounassaon a ling‐è, ko̱ ling‐è hi njèran hi njoukou aïn, ko̱ ouime ko̱ko̱ da toutou; babaï tounassaon, ko̱ ka ba mboro nè mi ko̱ haï mona njoukou aïn guédék bon an none baï bon, on ba mbo̱l kè.

Saint Jean 21:24

Kè ba njou‐séna bong on ko̱ mi sa bongbaï toul fèn aïnli, da kème dé fèn aïnli bi takarata. Da na toutou ko̱ sana bongbaï nè ba babaï.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

Titili Takarata a Jean ko̱ dé 2:25

Da aïn ba bina gonjaka on ko̱ kème bi hi na tou, ko̱ ba yana kambèlè.

Titili Takarata a Jean ko̱ dé 4:9

Da ka mboro on ko̱ sénahang a Ouone mi wéré nonkè bi kala hi na jinguèl, baï ko̱ Ouone mi pi pomboï Goune nè gui koukoula aïn, baï an name jing yana mbo̱lkè.

Titili Takarata a Jean ko̱ dé 5:11

Da on ba sana bongbaï ko̱ Ouone mi hi yana kambèlè jinguèl hi na, da yana on mi na an bila Goune nè.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.