Titili Takarata a Jean ko̱ dé 4:9 - Féké Testament 1947

⁹ Da ka mboro on ko̱ sénahang a Ouone mi wéré nonkè bi kala hi na jinguèl, baï ko̱ Ouone mi pi pomboï Goune nè gui koukoula aïn, baï an name jing yana mbo̱lkè.

Titili Takarata a Jean ko̱ dé 4:9 ပူးပေါင်းရင်းမြစ်များ

Saint Jean 3:16

Baï ko̱ Ouone sé hang an njoukouli ta mi ko̱ kè hi pomboï Goune nè, njoukou ko̱ mi la bilaou‐è kè ma limna ya, yé kè jing yana kambèlè.

Titili Takarata a Jean ko̱ dé 5:11

Da on ba sana bongbaï ko̱ Ouone mi hi yana kambèlè jinguèl hi na, da yana on mi na an bila Goune nè.

Romainli 8:32

Kè on ko̱ mi tane ga dèn dodok Goune nè ya, ka hi nè baï toula bon, yé kè ma hi fènli bon bo̱on hi na guèbambèl mahana jing nè kéng ya lé?

Saint Jean 6:57

Mahana ko̱ Baba ba yana, ko̱ mi pi mi, ko̱ mème yan mbo̱l Baba; mono, njoukou on ko̱ mi son mi ma yan mbo̱l mè.

Titili Takarata a Jean ko̱ dé 4:10

Da on ba sénahang, tane ti ba name ko̱ sé hang a Ouone ti dambèl ya, da ba kème ko̱ sé hang na, ka pi Goune nè, baï tèna ba sacrifice‐cho̱ko̱kè baï chona békéfèn nali.

Titili Takarata a Jean ko̱ dé 3:16

Ka mboro on mi ko̱ name toutou sénahang, baï ko̱ kème ti hi yana nè jinguèl baï toula; dadaon an name ndé hi yana na baï toula yindi.

Saint Jean 10:10

Njou‐riya gui baï rina fèn ho̱kè, ka i fèn da baï bona fèn. Ami, mè gui baï an klime jing yana, da yana on mi ti jing kli guèbambèl.

Saint Jean 6:51

Mè ba mapa yana, on ko̱ mi diri gui tiya ka nonkala tou. Tokoré njoukouna mi son mapa aïn, kè ma yan kambèlè; da mapa aïn ko̱ mè ma hi, on ba naïn‐moni, baï hina yana hi njou‐koukoulali.

Saint Jean 3:18

Njoukou on ko̱ mi la bilaou‐è walabaï nè tane tiya, da njoukou ko̱ mi tane ga la bilaou‐è ya, walabaï mi lé toulè tou, baï ko̱ kème tane ga la bilaou ling a pomboï Goune a Ouone ya.

Hébreuli 1:5

Hana mbéo an angeli ko̱ Ouone mi sa ka name hana jinguèl lé: Mo ba Goune ni, Kassénaï mè mboung mo tou? Da aféké: Yé mè ba baba nè, da kè ba Goune ni lé?

Saint Jean 8:42

Jésus mi sa hi kli: Tokoré Ouone ba Baba baï, yé oui ma sé hang ni, baï ko̱ mème ourou gui ka ba mona Ouone an guèl aïn tou, mè tane ga gui fèni ya, da kème ko̱ pi mi.

Saint Luc 4:18

Esprit a Nanjou makaou touli, Baï ko̱ kème same mi baï sana mboura bèlabaï hi foïna njoukouli; Kè pi mi baï haïna laou kli on ko̱ mi ho̱ko̱ tou,

Saint Marc 12:6

Mono on garakè mi pane mbéo bo̱l jing nè, ko̱ ba goune wonron nè pomboï mbéo on ko̱ kème sé hang‐è nyèta. Kème pi nè ka sèkèrèkè guè mone kli, ka sa ba: Yé kli ma dik goune ni.

Titili Takarata a Jean ko̱ dé 4:16

Da name toutou, sénahang on ko̱ mi na jing Ouone baï toula, da name bi hang na ndourou, Ouone ba sénahang, da kè on ko̱ mi bi an bil sénahang mi bi an bila Ouone, da Ouone mi bi an bilè.

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

Saint Jean 6:29

Jésus mi féré sa, ka sa hi kli: Pina Ouone mini ko̱ ba lana bilaou a kè on ko̱ Ouone mi pi tou.

Saint Jean 8:29

Da kè on ko̱ mi pi mi makaou jing mi; kè tane ga yèng mi ka ho̱ko̱ ni ya, baï ko̱ mème nding fèn on ko̱ mi bi wélé toulè guèbassoko.

Saint Jean 5:23

da baï an njoukouli bon mi dik Goune, mahana ko̱ klime dik Baba. Kè on ko̱ mi tane ga dik Goune ya, kè tane ga dik Baba ya kéng, ko̱ mi pi nè.

Saint Jean 9:3

Jésus mi féré sa hi kli: Tane ti ba njoukou aïn maléba baba nè da ma nè, mi ko̱ nding békéfèn ya, da on ba baï téna none pina Ouone an bilè bi kala.

Titili Takarata a Jean ko̱ dé 5:13

Mè dé fèn aïnli bi takarata hi oui tou, an oui on ko̱ la bilaou ling a Goune a Ouone, mi toutou ko̱ ouime jing yana kambèlè.