Titili Takarata a Jean ko̱ dé 4:4 - Féké Testament 1947

⁴ Lélé goune nili, oui ba a Ouone, da ouime gnèrèn kli jing njèran tou, baï ko̱ kè on ko̱ kaou an bil baï, kème ta kè on ko̱ mi kaou an koukoula aïn.

Titili Takarata a Jean ko̱ dé 4:4 ပူးပေါင်းရင်းမြစ်များ

Romainli 8:31

Mono on, yé na ma sa ba fèn baï toul fèn aïnli lé? Tokoré Ouone mi yé jing na guème ko̱ ma baï pongna na lé?

Titili Takarata a Jean ko̱ dé 5:4

baï fènli on ko̱ Ouone mi mboung mi gnèrèn bilkaou koukoula; da tounassaon na ba njéna ko̱ mi gnèrèn bilkaou koukoula aïn.

Romainli 8:37

Da an bil fèn aïnli bon name ta toula fèn gnèran fènli, mbo̱l kè on ko̱ mi sé hang na ta.

Titili Takarata a Jean ko̱ dé 4:16

Da name toutou, sénahang on ko̱ mi na jing Ouone baï toula, da name bi hang na ndourou, Ouone ba sénahang, da kè on ko̱ mi bi an bil sénahang mi bi an bila Ouone, da Ouone mi bi an bilè.

1 Corinthienli 2:12

Da name tane ga ya esprit a bilkaou koukoula aïn ya, da name ya ba esprit on ko̱ mi gui ka mona Ouone tou, mono on an name ma baï touna fènli on bon, ko̱ Ouone mi hi na ka ndingna mbo̱l nè.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

Titili Takarata a Jean ko̱ dé 4:13

Ka mboro on ko̱ name toutou ba name bi an bilè, da kème bi an bila, baï ko̱ kème hi Esprit nè hi na tou.

Éphésienli 6:10

Da mono, gara baï on ko̱ pane, mone baï mi pou oui ka bila Nanjou, jing mboro bassana njèran nè.

Éphésienli 3:17

Mono on an Christ mi bi an bil go̱ro̱ baï ka mboro tounassaon; an saon baï mi ri dita ka pou bi an bil sénahang.

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

Titili Takarata a Jean ko̱ dé 3:24

Njoukou on ko̱ pèng bina baïnjaka guingna nèli mi bi an bilè da kème bi an bila njoukou on. Da name toutou ko̱ kème bi an bila, ka mboro Esprit on ko̱ kème hi na tou.

Saint Jean 12:31

Kassénaï walabaï an koukoula aïn mi gui tou, kassénaï mi wou zaworo a koukoula aïn tèn kala.

Saint Jean 17:23

Mè an bil kli, da mo an bili, baï an klime ba guédék mbéo, da baï an njou‐koukoulali mi toutou ba mome ko̱ pi mi tou, da mome sé hang kli mabahana ko̱ mome sé hang ni.

Titili Takarata a Jean ko̱ dé 4:6

Ama, na ba a Ouone. Kè on ko̱ mi toutou Ouone kème la baï na; da kè on ko̱ mi tane ga ti ba a Ouone ya, kème tane la baï na ya. Ka ba mboro on mi ko̱ na toutou esprit babaï tèn esprit a wo̱ko̱.

2 Corinthienli 6:16

Da temple a Ouone ma gui mbéo jing fèn ndamli ane dé? Baï ko̱ na ba temple a Ouone yana, mahana ko̱ Ouone mi sa: Yé mè ma bi an bil kli, da mè ma sèrè an bil kli, da yé mè ma tèn ba Ouone akli, da kli ma tèn ba njoukou nili.

Titili Takarata a Jean ko̱ dé 2:13

Mè dé takarata hi oui babali, baï ko̱ ouime toutou nè tou, kè on ko̱ mi kaou jinguèl ka titilikè. Mè dé takarata hi oui bala goundi, baï ko̱ ouime gnèrèn njou‐békékè tou. Mè dé takarata hi oui lélé goundi baï ko̱ ouime toutou Baba tou.

1 Corinthienli 6:13

Laka ba baï toula bil, da bil ba baï toula laka; da yé Ouone ma limna kli séré bon. Da kli‐mone aïn mi tane na ba baï toul ndingna rome ya: Da mi na ba baï toula Nanjou, da Nanjou mi na ba baï toula kli‐mone on.

Éphésienli 2:2

guèl ko̱ ouime sé rou jinguèl ka bong séna an bilkaou koukoula aïn, ka mboro zaworo a njèranli an siya, ka esprit on ko̱ kassénaï mi nding an bila goundi a njoukouli on ko̱ fa baï.

Saint Jean 16:11

baï toul walabaï ba baï ko̱ kème wal baï hi zaworo a koukoula aïn tou.

2 Corinthienli 4:4

kli on ko̱ mi tane ga la bilaou ya, ko̱ ouone a saka naï mi foukourou kèrafèn akli, baï an klime tane ma baï ko̱na takanafèn bèlabaï a jonafèn a Christ ya, on ko̱ ba tétéme a Ouone.

Saint Jean 14:30

Yé mè ba sana baï nyèta ba aféké jing oui tane tiya; baï ko̱ zaworo a koukoula aïn mi gui, da fèna nè mbéo tane ga ti jing mi ya.

Titili Takarata a Jean ko̱ dé 2:1

Lélé goune nili, mè dé fèn aïnli bi takarata hi oui baï an ouime tane nding békéfèn ya. Da tokoré njoukouna mi nding békéfèn name jing Njou‐hiouna Baba baï toula an bèl monè, ko̱ ba Jésus‐Christ, kè ko̱ ba njou‐guédék.

Titili Takarata a Jean ko̱ dé 3:20

baï ko̱ tokoré go̱ro̱ na mi sa baï kon toula, Ouone mi ko̱ ta toul go̱ro̱ na, da kème toutou fènli bon.