Titili Takarata a Jean ko̱ dé 3:8 - Féké Testament 1947

⁸ Kè on ko̱ mi nding békéfèn, kè ba a zabolo, baï ko̱ zabolo mi ti nding békéfèn jinguèl ka titilikè. Baï on mi ko̱ Goune a Ouone mi gui baï bona pina a zabolo.

Titili Takarata a Jean ko̱ dé 3:8 ပူးပေါင်းရင်းမြစ်များ

Hébreuli 2:14

Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

Saint Jean 8:44

Oui ba a baba baï zabolo, da ji baï ndingna nzala a baba baï. Baï ko̱ ka titilikè, kè ba njou‐ina njoukou, da tane ga kaou guèl babaï ya, baï ko̱ babaï mi tane ti bilè gounfènakè ya. Da ko̱ kème ba wo̱ko̱ kè sa baï ba amè fènè; baï ko̱ kè ba njou‐bana wo̱ko̱ da kè ba baba a wo̱ko̱.

Colossienli 2:15

Da kème bo gangna pouli da njèranli, da to̱ko̱ kli an nona ro̱kè bi kala, ko̱ kè mi gnèrèn kli ka mboro di‐croix.

Romainli 16:20

Da koukoulion yé Ouone go̱ro̱ iki mi nda Satan ka bil bo̱ko̱ baï. An ndingna mbo̱l a Nanjou na Jésus‐Christ mi na jing oui.

Saint Jean 16:11

baï toul walabaï ba baï ko̱ kème wal baï hi zaworo a koukoula aïn tou.

Saint Jean 12:31

Kassénaï walabaï an koukoula aïn mi gui tou, kassénaï mi wou zaworo a koukoula aïn tèn kala.

2 Pierre 2:4

Da tokoré Ouone mi tane ga yèng angeli ya, ko̱ nding békéfèn jinguèl, da kè wou kli gui tiya an guèl an zabolo da bou kli guèl sal réme a yilime baï pèngna kli bo̱l tèn barabaï.

Saint Marc 1:24

ka sa: Fème ko̱ mbèl mo jing na lé Jésus an Nazareth? Mome han gui tou baï sèkèra na lé? Mè toutou nono, kong mo ba guè: Njou‐tangna fofoto a Ouone.

Éphésienli 2:2

guèl ko̱ ouime sé rou jinguèl ka bong séna an bilkaou koukoula aïn, ka mboro zaworo a njèranli an siya, ka esprit on ko̱ kassénaï mi nding an bila goundi a njoukouli on ko̱ fa baï.

Saint Luc 10:18

Da Jésus sa hi kli: Mè ko̱ Satan lé gui ka nonkala mahana ka fana none mbame.

Titili Takarata a Jean ko̱ dé 3:10

Ka mboro on ko̱ kli ma toutou goundi a Ouone tèn goundi a zabolo. Njoukou on ko̱ mi tane pane jing ndingna guédék ya, kè tane ti ba a Ouone ya, maléba njoukou ko̱ mi tane ga sé hang a yine nè ya.

Saint Matthieu 13:38

da waka ba koukoula aïn; da bèla mèrènfèn, on ba goundi a bilkaou; ka hoï ba goundi a kè on ko̱ ba békékè;

Apocalypse 20:10

Da zabolo on ko̱ mong kli, mi wou nè bou bil étang hèlè da soufre, an guèl on ko̱ naïn on da wo̱ko̱ prophète ndé na rou kéng. Da kli ma to̱ko̱ssé ka séssé da ka hangnachoung kambèlè go̱ kambèlè.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

Titili Takarata a Jean ko̱ dé 3:5

Da oui toutou ko̱ Jésus mi gui ba baï ko̱na békéfènli pa. Da békéfèn mi tane ti bilè gounfènakè ya.

Apocalypse 20:15

Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.

Jude 1:6

Da angeli on ko̱ tane ga pèng njaka bara akli ambèl ya, da yèng dodok guèl kaouna akli fèn kli, kè pèng kli jing sal réme kambèlè an bil yilime baï vora barabaï a loukou name.

Saint Matthieu 4:3

Da njou‐yaknafèn mi gui, ka sa hi nè: Tokoré mome ba Goune a Ouone, mo sa hi kone aïnli an klime féré tèn ba mapa.

Saint Matthieu 12:28

Da tokoré mème ni zabololi tèn kala ka ba Esprit a Ouone, da on mi ko̱ bilkaou a Ouone gui mone baï tou.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

Hébreuli 9:26

maléba on ba baï nè an kème to̱ko̱ssé bo̱ko̱ nyèta jinguèl ka titili mossona koukoula bo̱l tèn kassénaï, da kassénaï on ka sèkèrè sakali bon kè tèn bo̱ko̱ mbéo bo̱l kambèlè baï ko̱na békéfèn pa, ka mboro hina naïn‐monè fènè mahana ka sacrifice.

Titili Takarata a Jean ko̱ dé 1:2

da yana on mi wéré nonkè bi kala tou, da name ko̱ nè tou, da name sa bongbaï nè, da name to̱ko̱ yana on hi oui ko̱ ba yana kambèlè, ko̱ mi na jinguèl an bèl mona Baba fènè, da mi wéré nonkè bi kala hi na tou,