Titili Takarata a Jean ko̱ dé 3:2 - Féké Testament 1947

² Oui ko̱ mème sé hang baï ta, kassénaï na ba goundi a Ouone. Da mi tane ga wéré nonkè bi kala hi na kong ba na ma tèn ane dé ya. Da name toutou on ko̱ kème gui, yé na ma tèn mabahana ka kè, baï ko̱ yé na ma ko̱ nè mahana ka on ko̱ kè makaou.

Titili Takarata a Jean ko̱ dé 3:2 ပူးပေါင်းရင်းမြစ်များ

Philippienli 3:21

Ko̱ yé kè ma komo kli‐mone aïn ko̱ ba chonron hi na, da mosso nè ba kli‐mone ko̱ ba jonafèn nè, ka mboro njèran ndingna pina nè ko̱ mème ma baï ko̱na fènli bon an bo̱ko̱ ndo̱kè.

Colossienli 3:4

Ko̱ Christ ko̱ ba yana na mi tèn, mono on, yé oui ma ndé tèn jing nè ka jonafèn kéng.

2 Corinthienli 3:18

Da na bon ko̱ voile mi tane goukou bi nona ya, name ko̱ jonafèn a Nanjou mahana ka njoukou on ko̱ mi ko̱ an bil tatara, da name komo tèn ba tétéme mabahana jing jonafèn ko̱ kan jonafèn mabahana ko̱ mi kan ka Nanjou Esprit fènè.

1 Corinthienli 13:12

Baï ko̱ kassénaï name ko̱ an bil tatara, da tane ga ko̱ tang ya, yé afal na ma ko̱ none hana; kassénaï mème tou païn bol, yé afal da mè ma tou tangta bon, mahana ko̱ kème ti tou mi tangta jinguèl.

Romainli 8:29

Baï kli on ko̱ kème toutou ka tang ambèl, ko̱ kème ndé sane kli ka tang ambèl kéng, baï an klime tèn mahana ka tétéme a Goune nè, mono on, an kème tèn ba boutaïn an wora yindi nyèta.

1 Corinthienli 15:49

Da mahana ko̱ name ya tétéme mone a koukoula, yé na ma ndé ya tétéme mone a nonkala kéng.

Apocalypse 22:4

Da kli ma ko̱ nonè da ling‐è ma dé bi njaka moung kli.

2 Pierre 1:4

ka mboro on kè hi loukou bèla kakaïya bina gonjaka nèli hi na, mono on ka mboro bina gonjaka on oui ma baï tèna njou‐yana bo̱ko̱di a Ouone, baï ko̱ oui ngou fèn poumna ko̱ mana a koukoula baï nzala naïn‐mone baï.

1 Corinthienli 2:9

Da mahana ko̱ mi dé: Fènli on ko̱ none mi tane ga ko̱ ya, da soukou mi tane ga la ya, da mi tane ga gui an bil go̱ra njoukou ya, fènli on Ouone mi mosso tou baï toula kli on ko̱ mi sé hang‐è.

Titili Takarata a Jean ko̱ dé 3:1

Oui ko̱ sénahang on ko̱ Baba fènè mi hi na, baï an kème di na ba goundi a Ouone! Da na mono. Baï on ko̱ njou‐koukoulali mi tane ga tou na ya, ba baï ko̱ klime tane tou nè jinguèl ya.

Galateli 4:6

Da baï ko̱ oui ba goundi, Ouone mi pi Esprit a Goune nè kon bil go̱ro̱ na bon tou, on ko̱ mi hidifèn guè siya: Abba! Baba!

Romainli 8:18

Baï ko̱ laou ni mi kèrè ko̱ to̱ko̱nassé on kassénaï ba mangna bong jonafèn on tane tiya, ko̱ mi nding baï guina baï hina na.

Galateli 3:26

Baï ko̱ oui bon ba goundi a Ouone ka mboro tounassaon ka bila Christ‐Jésus.

Saint Jean 17:24

Baba, mè ji ba guèl on ko̱ mème kaou, kli on ko̱ mome hi kli hi mi tou, mi ndé kaou jing mi an ndourou kéng, baï an klime ko̱ jonafèn ni, jonafèn on ko̱ mome hi mi tou, baï ko̱ mome sé hang ni ka titilikè ambèl hi name mossona koukoula aïn.

Saint Matthieu 5:8

Jangnandaï mi ba baï akli ko̱ go̱ro̱ kli mi na tang fofoto, baï ko̱ yé kli ma ko̱ Ouone!

Titili Takarata a Jean ko̱ dé 2:28

Da kassénaï lélé goundi oui bi an bilè. Mono on ko̱ tokoré kème tèn gui na ma guè monè ndo̱t, da chonron ba séna na an nonè tane tiya, ko̱ kème kaïn féré gui.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.

2 Corinthienli 4:17

Baï ko̱ goune lélé to̱ko̱nassé na kassénaï païn on mi lé kilo a jonafèn kambèlè nyèta maïya guèbambèl hi na,

Titili Takarata a Jean ko̱ dé 5:1

Njoukou on ko̱ mi la bilaou ko̱ Jésus ba Christ, Ouone mi mboung nè, da njoukou on ko̱ mi sé hang a Ouone ko̱ mboung nè, njoukou on mi ndé sé hang a kè on ko̱ Ouone mi mboung nè kéng.

Saint Luc 17:30

Mono, ndé mahana ka on ka name ko̱ Goune a njoukou mi gui.

Saint Luc 20:36

Baï kli ma hou ba aféké ya, baï ko̱ kli mahana ka ba angeli, da kli ba goundi a Ouone, ko̱ ba goundi a tomnahoulkèli.

Saint Jean 1:12

Da njoukouli on bon ko̱ mi ya nè ba akli tou, kè hi njèran hi kli baï guina goundi a Ouone, kli on ko̱ mi la bilaou ling‐è,

Saint Jean 11:52

Da tane ti ba baï pime pou aïn ho̱kè ya; da mono baï an kème ndoï goundi a Ouone bon on ko̱ mi yaïli manguèl toutoul ba mone mbéo.

Romainli 8:16

Esprit fènè mi sa bongbaï jing esprit na ko̱ na ba goundi a Ouone.

Romainli 8:19

Baï ko̱ bina hang a fèn mossona mi voro maïya name bina nona goundi a Ouone kala.

Titili Takarata a Jean ko̱ dé 2:7

Oui ko̱ mème sé hang baï ta, mè tane ga dé ba féké bina baïnjaka guingna hi oui ya, da ba tang bong bina baïnjaka guingna on ko̱ mi na jing oui ka titilikè; tang bina baïnjaka guingna aïn ba baïnjaka on ko̱ ouime lala bon tou.

Titili Takarata a Jean ko̱ dé 3:10

Ka mboro on ko̱ kli ma toutou goundi a Ouone tèn goundi a zabolo. Njoukou on ko̱ mi tane pane jing ndingna guédék ya, kè tane ti ba a Ouone ya, maléba njoukou ko̱ mi tane ga sé hang a yine nè ya.

Titili Takarata a Jean ko̱ dé 3:21

Oui on ko̱ mème sé hang baï ta, tokoré go̱ro̱ na mi tane ga sa baï kon toula ya, name guè mona Ouone ndo̱t tane waou.

Apocalypse 2:28

Da yé mè ma hi mèssè guèlapélé hi nè.