Titili Takarata a Jean ko̱ dé 3:16 - Féké Testament 1947

¹⁶ Ka mboro on mi ko̱ name toutou sénahang, baï ko̱ kème ti hi yana nè jinguèl baï toula; dadaon an name ndé hi yana na baï toula yindi.

Titili Takarata a Jean ko̱ dé 3:16 ပူးပေါင်းရင်းမြစ်များ

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

Saint Jean 13:34

Mè hi féké bina baïnjaka guingna hi oui: Ouime sé hang hana ta; mahana ko̱ mème sé hang baï, oui ndé sé hang hana kéng.

Saint Jean 3:16

Baï ko̱ Ouone sé hang an njoukouli ta mi ko̱ kè hi pomboï Goune nè, njoukou ko̱ mi la bilaou‐è kè ma limna ya, yé kè jing yana kambèlè.

Romainli 5:8

Da Ouone mi bi saon sénahang‐è fènè jing na bi kala, ko̱ name pane ba njou‐békéfénli jinguèl, da Christ mi hou baï na tou.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

Saint Matthieu 20:28

mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Éphésienli 5:25

Oui wa waïnli, oui sé hang toula waïn abaïli, mahana ko̱ Christ mi sé hang toula église ka hi monè fènè baï nè,

Tite 2:13

Name voro baï ko̱na oliya on ko̱ mi hi jangnandaï, da guina ka jonafèn a loukou Ouone da Njou‐yana‐baï‐toul ama Jésus‐Christ,

Romainli 16:4

baï ko̱ klime yèng mone kli bou houl baï kouna yana ni. Da tane ga ti ba mè ka ho̱ko̱ ni on mi ko̱ kaou koukoula hi kli ya, da tèn égliseli bon a Gentili kéng.

Titili Takarata a Jean ko̱ dé 2:6

Kè on ko̱ sa ba kème bi an bilè, dadaon an kème ndé sé kéng mahana ko̱ kè fènè mi ti sé jinguèl.

Saint Jean 10:15

mahana ko̱ Baba fènè mi toutou mi da mè toutou Baba. Da mème yèng yana ni baï toula badouali.

Philippienli 2:17

Da tokoré mi si mi kon mahana ka offrande, fèn njona an toul sacrifice da ndingna bakara tounassaon abaï, mè kaou ka jangnandaï da ndé wal jing oui kéng.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

1 Titili Takarata a Pierre ko̱ dé 1:18

Baï ko̱ oui toutou ko̱ mi cho oui ti jing fènli ko̱ poume maléba l’argent maléba l’or ya, ka mboro poulame séna abaï on ko̱ baba abaïli to̱ko̱ hi oui jinguèl.

Philippienli 2:30

Baï ko̱ ba baï toul pina a Christ mi ko̱ kème hèdi houl, ka yèng monè bou houl, baï ndingna bakara on hi mi, ko̱ oui mi pènrèn baï ndingnakè hi mi.

Saint Jean 10:11

Mè ba bèla njou‐kora‐badoua. Bèla njou‐kora?-?badoua mi yèng yana nè baï toula badouali.

1 Thessalonicienli 2:8

Mono on, baï ko̱ name bi hang na toul baï baï ndingna bèlafèn jing oui on mi bi wélé toula baï hina bèlabaï a Ouone hi oui ka ho̱kè ya, da ndé baï hina dodok laou na fèna kéng, baï ko̱ oui mi tèn ba njoukouli on ko̱ name sé hang baï nyèta.

Titili Takarata a Jean ko̱ dé 2:9

Kè on ko̱ mi sa ba kè an bil takanafèn, da jèk yine nè, kème pane an bil yilime.

2 Corinthienli 4:12

Mono on houl mi nding an bila, da yana mi nding an bil baï.