Titili Takarata a Jean ko̱ dé 3:14 - Féké Testament 1947

¹⁴ Na toutou ko̱ name ta houl tou, da kan yana, baï ko̱ name sé hang yindi. Kè on ko̱ mi tane sé hang ya, kème bi an bil houl.

Titili Takarata a Jean ko̱ dé 3:14 ပူးပေါင်းရင်းမြစ်များ

Titili Takarata a Jean ko̱ dé 5:2

Ka mboro on ko̱ name toutou ba name sé hang a goundi a Ouone, tokoré name sé hang a Ouone da pèng bina baïnjaka guingna nèli.

Saint Jean 13:35

Ka mboro aïn yé njoukouli bon ma toutou ko̱ oui ba njou‐séna bong nili, tokoré ouime sé hang hana ta.

1 Thessalonicienli 4:9

Da baï toul sénahang hana yindi, an mi ma an mème dé ba takarata hi oui ya; baï ko̱ Ouone mi to̱ko̱ hi oui fènè baï séna hang hana.

Saint Jean 5:24

Babaï, babaï, mi mè sa hi oui, kè on ko̱ mi la baïnjaka ni, da la bilaou a kè on ko̱ mi pi mi, kè jing yana kambèlè, da kè tane kan guèl walabaï ya, kè ta houl tou, da kan yana kambèlè.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Saint Matthieu 25:40

Da nanjoukaou ma féré sa, ka sa hi kli: Babaï, mi mè sa hi oui, baï ko̱ oui nding on hi hana mbéo a goune aïnli yine nili, da ba bètèrè aïnli, mono on, oui nding hi ba mè.

Hébreuli 13:1

Oui laïbi jing sénahang hana yindi.

Saint Jean 15:12

Bina baïnjaka guingna ni mini: Ouime sé hang hana ta; mahana ko̱ mème sé hang baï.

Titili Takarata a Jean ko̱ dé 4:12

Njoukouna mbéo tane ga ko̱ Ouone bo̱ko̱ mbéo ya. Tokoré name sé hang hana, Ouone mi bi an bila da sénahang nè ma gui guédék an bila.

Titili Takarata a Jean ko̱ dé 3:23

Da on ba bina baïnjaka guingna nè: dadaon an name la bilaou ling a Goune nè Jésus‐Christ, da sé hang hana, mabahana ka bina baïnjaka on ko̱ kème bi hi na tou.

1 Titili Takarata a Pierre ko̱ dé 3:8

Baï aféké on mi pane, oui bon bi hang baï toul laou kèrafèn mbéo, ka ko̱ hana passé, oui sé hang hana ta mahana ka yindi, ka ko̱ssé hi hana, da bou mone baï guè koukoula.

Colossienli 1:4

baï ko̱ name lala tiri tounassaon abaï ka bila Christ‐Jésus, da sénahang abaï jing njou‐lana‐bilaouli bon.

Éphésienli 1:15

Baï toul baï on mè kéng afal ko̱ mème la baï toul tounassaon a Nanjou Jésus, ko̱ mi na an bil baï da sénahang abaï baï toula njou‐lana‐bilaouli bon,

Titili Takarata a Jean ko̱ dé 5:13

Mè dé fèn aïnli bi takarata hi oui tou, an oui on ko̱ la bilaou ling a Goune a Ouone, mi toutou ko̱ ouime jing yana kambèlè.

Saint Jean 15:17

Fèn on ko̱ mème sa bi njaka baï, an ouime sé hang hana ta.

Titili Takarata a Jean ko̱ dé 2:3

Tokoré name pèng bina baïnjaka guingnali, ka mboro on na toutou ko̱ name tou nè.

2 Pierre 1:7

da toul pèngna baïnjaka a Ouone oui chome baï pana bil jing yindi, da toul pana bil jing yindi oui chome sénahang.

Éphésienli 2:5

da tongna on ko̱ name ba houl ka mboro séla guingna na, kème féré yana hi na ka bila Christ, (ko̱ mi kou na ka mboro ndingna mbo̱l),

2 Corinthienli 5:1

Baï ko̱ name toutou ko̱ tokoré voul kli‐mona on ko̱ name bi an koukoula mi bèngnènrèn tou, name jing voul on an nonkalali ko̱ Ouone mi za, voul on ko̱ ndo̱ka njoukou mi tane ga za ya, ko̱ ba voul name kambèlè.

Éphésienli 2:1

Da oui on ko̱ kème hi yana hi oui ko̱ ouime ba houl jinguèl ka mboro séla guingna tèn mboro békéfèn abaïli,

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,

Saint Luc 15:32

Da on bèlta an name jangndaï da kaou ka go̱ro̱ iki, baï ko̱ yine no mi hou tou da kè féré yan ba aféké, da kè bo̱l tou, da na ko̱ nè tou.

Saint Luc 15:24

baï ko̱ goune ni aïn mi hou tou, da kè féré yan ba aféké; kè bo̱l tou da na ko̱ nè tou. Da kli tissaon baï jangnandaï.

Saint Luc 7:5

baï ko̱ kème sé hang pime pou na, da kè fènè za synagogue na hi na.