Titili Takarata a Jean ko̱ dé 2:29 - Féké Testament 1947

²⁹ Da tokoré ouime toutou ko̱ kè ba guédék, dadaon an ouime ndé toutou ba njoukouli on bon ko̱ mi pane ndingna guédék kème mboung kli tou.

Titili Takarata a Jean ko̱ dé 2:29 ပူးပေါင်းရင်းမြစ်များ

Titili Takarata a Jean ko̱ dé 3:7

Lélé goundi, an njoukouna mbéo mi tane mong oui ya. Kè on ko̱ mi pane ndingna guédék, kè ba guédék, mahana ka kè fènè ko̱ ba guédék.

Titili Takarata a Jean ko̱ dé 5:1

Njoukou on ko̱ mi la bilaou ko̱ Jésus ba Christ, Ouone mi mboung nè, da njoukou on ko̱ mi sé hang a Ouone ko̱ mboung nè, njoukou on mi ndé sé hang a kè on ko̱ Ouone mi mboung nè kéng.

Saint Jean 1:13

kli ko̱ tèn tou, tane ti ba baï a séme ya, da ti ba baï mara fal toul naïn‐mone ya, da ti ba baï mara fal toula njoukou ya, da on ko̱ mi tèn mbo̱l Ouone.

Titili Takarata a Jean ko̱ dé 4:7

Oui on ko̱ mème sé hang baï ta, dadaon an name sé hang hana; baï ko̱ sénahang ba a Ouone, da njoukou on bon ko̱ mi sé hang, Ouone mi mboung nè, da kème toutou Ouone.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

TAKARATA A JACQUES KO̱ DÉ 1:18

Baï ko̱ kème badi ka mboung na ka mboro baïnjaka babaï, mono on, an name tèn ba titili léna a fènli on ko̱ kème mosso.

Titili Takarata a Jean ko̱ dé 5:4

baï fènli on ko̱ Ouone mi mboung mi gnèrèn bilkaou koukoula; da tounassaon na ba njéna ko̱ mi gnèrèn bilkaou koukoula aïn.

Pinali a Njou‐Mboro‐Pinali 10:35

da an pime pouli mbéo mbéo bon, njoukou on ko̱ mi waou nona Ouone ka nding guédék, mi mapélékè an nona Ouone.

2 Pierre 1:4

ka mboro on kè hi loukou bèla kakaïya bina gonjaka nèli hi na, mono on ka mboro bina gonjaka on oui ma baï tèna njou‐yana bo̱ko̱di a Ouone, baï ko̱ oui ngou fèn poumna ko̱ mana a koukoula baï nzala naïn‐mone baï.

1 Titili Takarata a Pierre ko̱ dé 1:3

Mi same ba Ouone Baba a Nanjou na Jésus‐Christ, ko̱ ka mboro ndingna haïo nè nyèta kè mboung na ba aféké baï jingna oliya ko̱ yan, ka mboro tomnahoul a Jésus‐Christ an wora houli,

Hébreuli 7:26

On bèlta baï na baï kaouna jing zaworo sacrificateur mahana ka on, kè ba tangna fofoto, kè kaou ka rongo, tane bila, kè wal jing njou‐békéfènli, mi bi nè gangta nonkalali.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Pinali a Njou‐Mboro‐Pinali 22:14

Da kème sa: Ouone a tangko nali mi wal mo bi baï kaouna mara fal toulè, da baï ko̱na Njou‐guédék, da la baï on ko̱ tèn ka njakè.

Takarata Saïkè a Jean ko̱ dé 1:11

Mo on ko̱ mè sé hang‐o̱ nyèta; mo sé fal fèn ko̱ bèlya ya, da mo sé fal fèn ko̱ bèlta. Kè ko̱ nding bèlta ba a Ouone, kè ko̱ nding bèlya tane ga ko̱ Ouone ya.

Titili Takarata a Jean ko̱ dé 5:18

Name toutou ko̱ kè on ko̱ Ouone mi mboung nè mi tane ga nding békéfèn ya; da kè on ko̱ Ouone mi mboung nè mi pèng monè fènè, da njou‐béké mi tane ga hèdi nè ya.

Titili Takarata a Jean ko̱ dé 3:5

Da oui toutou ko̱ Jésus mi gui ba baï ko̱na békéfènli pa. Da békéfèn mi tane ti bilè gounfènakè ya.

Titili Takarata a Jean ko̱ dé 2:1

Lélé goune nili, mè dé fèn aïnli bi takarata hi oui baï an ouime tane nding békéfèn ya. Da tokoré njoukouna mi nding békéfèn name jing Njou‐hiouna Baba baï toula an bèl monè, ko̱ ba Jésus‐Christ, kè ko̱ ba njou‐guédék.

1 Titili Takarata a Pierre ko̱ dé 1:23

Baï ko̱ ouime tèn ba aféké tou, ti ka mèrèn aïn ko̱ poume ya, da ba an kè on ko̱ mi ma baï poumna ya, ka mboro baïnjaka Ouone ko̱ mi yé jing yana da ko̱ mi kaou kambèlè.

Hébreuli 7:2

Da Abraham wal ka hi dîme a fènli bon hi nè kéng, ko̱ kè ba titilikè ko̱ ling‐è sa ba Nanjoukaou a guédék, da afal on ba ndé Nanjoukaou a Salem kéng, on mi sa ba Nanjoukaou a go̱ro̱ iki.

Pinali a Njou‐Mboro‐Pinali 3:14

Da ouime njomo Njou‐tangna fofoto da Guédék, da ouime oui an kème hi ba njou‐ina njoukou hi oui.

Saint Jean 7:18

Kè on ko̱ mi sa ka ba mboro nè fènè, kème nza ba baï jona monè fènè, da kè ko̱ mi nza baï jona kè on ko̱ mi pi nè, kè ba babaï, da vaïnafèn tane ga ti bilè gounfènakè ya.