Titili Takarata a Jean ko̱ dé 2:18 - Féké Testament 1947

¹⁸ Lélé goundi, on ba sèkèrè name da mahana ko̱ ouime ti lala jinguèl ba yé antichrist ma gui, tongna kassénaï antichristli nyèta mi gui tou, da ka mboro aïn name toutou ko̱ on ba sèkèrè name.

Titili Takarata a Jean ko̱ dé 2:18 ပူးပေါင်းရင်းမြစ်များ

Titili Takarata a Jean ko̱ dé 4:3

da esprit on ko̱ mi tane ga sa bi kala toula Jésus ya, mi tane ti ba a Ouone ya, on ba esprit a antichrist, ko̱ ouime ti lala jinguèl ka tang ambèl baï toul guina nè da kè makaou an koukoula aïn kassénaï.

2 Jean 1:7

Da kassénaï njou‐rongna njoukouli nyèta sé an bilkaou koukoula aïn, kli on ko̱ tane sa bi kala ko̱ Jésus‐Christ mi gui ka naïn‐mone ya. On ba njou‐mongna njoukouli da antichrist.

Titili Takarata a Jean ko̱ dé 2:22

Guème ko̱ ba njou‐bana wo̱ko̱, tokoré mi tane ti ba kè on ko̱ mi njé njaka ba Jésus mi tane ti ba Christ ya lé? Kè on ko̱ ba antichrist ko̱ mi njé njaka baï a Baba fènè tèn Goune.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:5

Baï ko̱ njoukouli nyèta ma gui ka bil ling ni, ka sa: Mè ba Christ. Da kli ma mong njoukouli nyèta.

Titili Takarata a Jean ko̱ dé 4:1

Oui on ko̱ mème sé hang baï ta, oui tane la bilaou a espritli bon ya; da oui lé espritli on baï touna kong kli ba a Ouone baï ko̱ kassénaï wo̱ko̱ prophèteli nyèta mi sèrè an koukoula aïn.

Saint Marc 13:6

Yé njoukouli nyèta ma gui ka bil ling ni, ka sa ba: Mè mini. Da kli ma mong njoukouli nyèta.

2 Pierre 2:1

Da wo̱ko̱ prophèteli tèn an woro njoukouli jinguèl kéng, da mahana on kassénaï wo̱ko̱ njou‐to̱ko̱nafènli makaou an woro baï kéng, ko̱ ma to̱ko̱ baï mongna fèn ko̱ bo fèn, mi ko̱ kli njé njaka toula njou‐to̱ko̱nafèn on ko̱ mi zé kli, da kli dou houl hèlè a zabolo kon toul kli koukoulion.

Saint Matthieu 24:11

Da wo̱ko̱ prophèteli nyèta ma tèn, ka mong njoukouli nyèta.

Jude 1:18

ko̱ klime sa hi oui: Ka sèkèrè name yé njou‐gaïna njoukouli makaou, kli sé fal nzala akli ko̱ pong Ouone.

2 Pierre 3:3

Baï ko̱ ouime toutou on ambèl ka sèkèrè namkèli yé njou‐gaïna fènli ma tèn baï mongna fèn, ka sé fal mboro dodok nzala mone kli,

Hébreuli 1:2

Da afal ka name o̱kèo̱, kè sa hi na ka bila Goune nè, kè on ko̱ Ouone same baï yana pélé a fènli bon, da kè ndé mosso koukoula bon ka mboro nè kéng.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

Saint Jean 21:5

Da mono Jésus mi sa hi kli: Goundi, fèn sona mana lé? Klime féré sa hi nè: Haï.

Romainli 13:11

Da oui nding fèn on baï an ouime tou namkè, baï ko̱ kassénaï séssé mi mabongkè tou an ouime tome name. Baï ko̱ kassénaï yana‐baï‐toul ama mi gui diya ta name on ka titilikè jinguèl ko̱ name la bilaou.

Romainli 13:12

Hangnachoung mi hèdi baï tana tou, da séssé mi nding baï tèna. Mono, dadaon an name njomo pina yilime ka bou fèn béré a takanafèn.

1 Titili Takarata a Pierre ko̱ dé 4:7

Da sèkèrèkè a fènli bon mi hèdi tou. Mono, oui kaou ka ho̱ko̱na da mang mone baï, da laïbi hiouna Ouone.