Titili Takarata a Jean ko̱ dé 2:1 - Féké Testament 1947

¹ Lélé goune nili, mè dé fèn aïnli bi takarata hi oui baï an ouime tane nding békéfèn ya. Da tokoré njoukouna mi nding békéfèn name jing Njou‐hiouna Baba baï toula an bèl monè, ko̱ ba Jésus‐Christ, kè ko̱ ba njou‐guédék.

Titili Takarata a Jean ko̱ dé 2:1 ပူးပေါင်းရင်းမြစ်များ

1 Timothée 2:5

Baï ko̱ Ouone ba mbéo bo̱l, da njou‐vonabaï mbéo bo̱l kèng an hanguèl a Ouone jing njoukouli, kè fènè njoukou Christ‐Jésus,

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Titili Takarata a Jean ko̱ dé 4:4

Lélé goune nili, oui ba a Ouone, da ouime gnèrèn kli jing njèran tou, baï ko̱ kè on ko̱ kaou an bil baï, kème ta kè on ko̱ mi kaou an koukoula aïn.

Titili Takarata a Jean ko̱ dé 3:18

Lélé goundi, an name tane sé hang jing ba baïnjaka maléba ka ba léme sél bo̱on ya, da jing ba fèn ndingnakè jing babaï da.

Titili Takarata a Jean ko̱ dé 3:7

Lélé goundi, an njoukouna mbéo mi tane mong oui ya. Kè on ko̱ mi pane ndingna guédék, kè ba guédék, mahana ka kè fènè ko̱ ba guédék.

Saint Jean 8:11

Da waïn on mi sa: Njoukouna mbéo tane tiya, Nanjou. Da Jésus sa hi nè: Mè kéng, mi tane ga kon barabaï toulo̱ ya. Mo sé ka tane nding békéfèn ba aféké ya.

Hébreuli 9:24

Baï ko̱ Christ tane ga ri bil guèl tangna fofoto on ya ko̱ ndo̱ka njoukou mi mosso, on ko̱ mi mahana ka ba gba mèrènkè a fèn on fènè, da kè ri bil nonkala fènè, an kè mi guè nona Ouone baï toula.

Titili Takarata a Jean ko̱ dé 3:5

Da oui toutou ko̱ Jésus mi gui ba baï ko̱na békéfènli pa. Da békéfèn mi tane ti bilè gounfènakè ya.

Éphésienli 2:18

Bai ko̱ mbo̱l kè na séré bon jing guèl kana baï guèna mona Baba ka bila Esprit mbéo bo̱l.

Saint Jean 6:27

Oui tane nding pina ba baï laka on ko̱ mi poume ya, da oui nding pina ba baï laka on ko̱ mi na kan yana kambèlè, laka on ko̱ Goune a njoukou ma hi oui; baï ko̱ Baba Ouone mi baka nè bi jing fèn mbo̱la amè.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

Éphésienli 4:26

Ko̱ hèrè mi mba oui, oui tane nding békéfèn ya, oui yèng an séssé mi tane ri kon toul hèrè an bil go̱ro̱ baï ya,

Galateli 4:19

Lélé goune nili, mè jing to̱ko̱nassé ba aféké mahana ka an toul saou bo̱l tèn ko̱ Christ mi gui bèlta an bil baï da,

Saint Jean 10:15

mahana ko̱ Baba fènè mi toutou mi da mè toutou Baba. Da mème yèng yana ni baï toula badouali.

Saint Jean 5:36

Da mè jing sana bongbaï ta a Jean; baï ko̱ pina on ko̱ Baba fènè mi hi mi baï ndingnakè o̱da, pina on ho̱kè ko̱ mè nding mi sa bongbaï ni, ko̱ ba Baba ko̱ mi pi mi.

Saint Luc 10:22

Baba ni hi fènli bon bi ndo̱ko̱ ni tou, da njoukouna mbéo mi tane tou ya Goune fènè ba kè ba guè lé, bo̱l ba Baba fènè, da njoukouna mbéo mi tane ga tou ya Baba fènè ba kè ba guè lé? bo̱l ba Goune fènè, da kè on ko̱ Goune fènè mi ji baï to̱ko̱na nè hi nè.

1 Titili Takarata a Pierre ko̱ dé 2:22

Kè on ko̱ tane ga nding békéfèn bo̱ko̱ mbéo ya, Da kli tane ga jing rokonafèn an njakè ya.

1 Corinthienli 15:34

Oui yèng an toul baï mi gui ndourou jing fèn guédék, ka yèng ndingna békéfèn, baï ko̱ hanali mi tane ga tou Ouone ya. Mè sa ou baï bina chonron none baï.

Saint Jean 5:14

Afal on gounfènakè Jésus mi ko̱ nè an bil temple, ka sa hi nè: Mo ko̱, kassénaï ko̱ mono mi haï tou. Nding békéfèn ba aféké ya, baï an fèn aféké bèlya ta maïya mi nding mo ya.

TAKARATA A JACQUES KO̱ DÉ 1:27

Tènrèn baï a Ouone ko̱ mi na tang fofoto, da tane békéfèn mbéo ya an nona Ouone da Baba na ko̱ manaï, baï séna ana goune sèlali tèn waïn soréli on ko̱ mi kaou jing to̱ko̱nassé klili, da baï pèngna monè fènè baï toul békéfènli bon an bilkaou koukoula aïn.

Titili Takarata a Jean ko̱ dé 5:21

Lélé goundi, oui pèng mone baï fèn baï ka mboro fèn ndamli.

TAKARATA A JACQUES KO̱ DÉ 3:9

Ko̱ jing rou name same Nanjou tèn Baba na, da jing rou name ndé poukou njoukouli kéng, kli on ko̱ mi mosso kli ka tétéme a Ouone.

Romainli 6:15

Mono on, ba fèn lé? Yé na ma nding békéfèn baï ko̱ name tane ga kaou bo̱ko̱ guingna ya, da kaou ba bo̱ko̱ ndingna mbo̱l lé? Tane ti on ya.

Saint Jean 13:33

Lélé goundi, mè ma kaou jing oui bongkè diya. Oui ma nza mi; da mahana ko̱ mème sa hi Juifli: Guèl on ko̱ mème guè séna, oui tane ma baï guina ya, mono ko̱ mème sa hi oui kassénaï.

1 Timothée 3:14

Mono mè dé fèn aïnli bi takarata hi mo ka oli ko̱ ka touya mè ma guè mono koukoulion.

Saint Jean 21:5

Da mono Jésus mi sa hi kli: Goundi, fèn sona mana lé? Klime féré sa hi nè: Haï.

Saint Jean 14:16

Da yé mè ma hiou Baba, da kè ma hi aféké Ke‐baïlénambèl hi oui, baï an kème kaou jing oui kambèlè.

Pinali a Njou‐Mboro‐Pinali 7:52

Guème an woro prophèteli mi ko̱ tangko baïli tane ga sène nè ya lé? Kli i kli on ko̱ mi to̱ko̱ bongbaï toul guina Njou‐guédék, kè on ko̱ ouime gui njou jo̱lèli da njou‐ina nèli kassénaï.

Romainli 5:10

Da tokoré ko̱ name pane ba bakèlio̱ jinguèl, name kon ndo̱ko̱ na fal hana jing Ouone, mbo̱l houl a Goune nè, baï ko̱ name kon ndo̱ko̱ na fal hana jing nè tou, yé na ma kou ta guèbambèl nyèta ka bil yana nè.

Titili Takarata a Jean ko̱ dé 5:17

Ndingna bèlya bon ba békéfèn, da békéfèn hana mbéo mana ko̱ mi tane ga hi houl ya.

Takarata Saïkè a Jean ko̱ dé 1:4

Ko̱ mème la goune nili sé mboro babaï, baï aféké tane ga hi jangnandaï hi mi ko̱ ta aïn ya.