Titili Takarata a Jean ko̱ dé 1:9 - Féké Testament 1947

⁹ Tokoré name hèkè békéfèn nali bi kala, kè ba lodok da guédék baï yèngna bi mboro békéfèn nali ka tourou békéfèn na bon guèfal.

Titili Takarata a Jean ko̱ dé 1:9 ပူးပေါင်းရင်းမြစ်များ

Saint Matthieu 3:6

Kè nding baptême hi kli an bil mbi Jourdain ko̱ klime hèkè békéfèn aklili bi kala.

Saint Marc 1:5

Da njoukouli bon an guèl Judée, tèn kli bon an pou Jérusalem mi guè monè; da kè nding baptême hi kli an bil mbi Jourdain, ko̱ klime hèkè békéfèn aklili bi kala.

Saint Luc 22:57

Da Pierre mi njé njaka, ka sa: Waïn, mè tane ga tou nè ya.

Saint Jean 17:25

O! Baba ko̱ ba guédék! njou‐koukoulali mi tane ga tou mo ya, da ami, mè toutou mo, da kli on mi toutou ba mome ko̱ pi mi tou.

Pinali a Njou‐Mboro‐Pinali 19:18

Da njoukou hanali nyèta an wora kli on mi la bilaou tou, klime gui ka hèkè békéfèn kli bi kala kéng ka sa ndingna fènli a kli.

Romainli 3:26

Da baï to̱ko̱na guédék nè ka saka naï, mono on, ko̱ kè ba guédék, da njou‐ndingna guédék, kli on ko̱ mi jing tounassaon a Jésus.

1 Corinthienli 1:9

Ouone ba lodok, kè on ko̱ mi di oui baï vona ka go̱ro̱ mbéo jing Goune nè Jésus‐Christ Nanjou na.

1 Corinthienli 6:11

Da njoukou hanali mbéo mbéo an zéng baï mi ndé kaou on jinguèl. Da ouime tourou tou, da ouime wal bi baï a Ouone fènè tou; da ouime gui guédék tou ka bil ling a Nanjou Jésus‐Christ, da ka mboro Esprit a Ouone na.

Éphésienli 5:26

baï an kème wal église bi baï a Ouone baï ko̱ kème tourou nè ka mbi ka mboro baïnjaka fènè tou.

1 Timothée 1:15

Baïnjaka aïn mi na lodok, da mi ma an njoukouli bon mi ya, ko̱ Christ‐Jésus mi gui koukoula aïn baï yana baï toula njou‐békéfènli, da ko̱ mème ba titili njou‐békéfèn an woro kli.

Tite 2:14

kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

Hébreuli 10:23

dadaon an name ba pou baï a tounassaon a oliya na, mono on, an mi lang ya, baï ko̱ kè on ko̱ bi gonjaka hi na ba lodok.

Hébreuli 11:11

Ka mboro tounassaon mi ko̱ Sara fènè, mi jing njèran baï mbanabil, ka mboung goune, tongna ko̱ saka nè mi ta nyèta, baï ko̱ kè la bilaou a kè on ko̱ bi gonjaka hi nè ba lodok.

Hébreuli 6:10

Baï ko̱ Ouone tane nding maï maï ya, da yangnaran pina abaï, da ko̱ oui to̱ko̱ jinguèl ko̱ oui sé hang ling‐è, mono baï ko̱ ouime nding bakara hi njou‐lana‐bilaouli, da oui pane baï ndingna bakara on.

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.

Apocalypse 15:3

Da kli di sing a Moïse, koï a Ouone, da sing a Goune badoua a Ouone on, ka sa: Ndingna pina amo ba loukoukè da kak aïya fèn, o Nanjou, Ouone Njèran‐hota‐bon! Ka mboro no mo ba guédék da babaï, mo nanjoukaou a pime pouli.