Titili Takarata a Jean ko̱ dé 1:3 - Féké Testament 1947

³ fèn on ko̱ name ko̱ tou, ka la tou, mi ko̱ name ndé sa hi oui kéng, baï an oui bon mi tou baï vona ka go̱ro̱ mbéo jing na. Da ka babaï, vona ka go̱ro̱ mbéo na mi na jing ba Baba fènè da jing Goune nè Jésus‐Christ.

Titili Takarata a Jean ko̱ dé 1:3 ပူးပေါင်းရင်းမြစ်များ

Saint Jean 17:11

Da mè makaou jing njou‐koukoulali ba aféké ya, da akli, kli makaou jing njou‐koukoulali, da mè guè mono. Saint Baba, mo pèng kli on ko̱ mome hi kli hi mi ka ling‐o̱, an klime ba mbéo mahana ko̱ name ba mbéo.

Saint Jean 17:21

baï an kli bon mi ba mbéo, mahana ka mo Baba, makaou an bili, da mè an bilo̱, baï an kli kéng mi ndé ba mbéo an bila, da njou‐koukoulali mi la bilaou ba mome ko̱ pi mi tou.

Saint Jean 17:25

O! Baba ko̱ ba guédék! njou‐koukoulali mi tane ga tou mo ya, da ami, mè toutou mo, da kli on mi toutou ba mome ko̱ pi mi tou.

Saint Jean 17:3

Da yana kambèlè on mono ba, an klime toutou mo, ko̱ mo ba gba Ouone mbéo bo̱l, da mi toutou kè on ko̱ mome pi tou, ko̱ ba Jésus‐Christ.

Saint Jean 19:35

Da njoukou on ko̱ mi ko̱ tou, kè sa bongbaï on, da sana bongbaï nè on ba babaï; da kème toutou ko̱ kème sa ka babaï, baï an ouime ndé la bilaou kéng.

Pinali a Njou‐Mboro‐Pinali 13:32

Da name gui ka sa mboura bèlabaï toul bina gonjaka on ko̱ Ouone mi bi hi tangkoli,

Pinali a Njou‐Mboro‐Pinali 13:41

Oui ko̱, oui njou‐sènafènli, Laou baï mi sé siya, da fan; Baï mè nding pina ka name abaïli, Pina on ko̱ ouime tane toussaonkè ya, tokoré njoukouna mi to̱ko̱ hi oui.

Pinali a Njou‐Mboro‐Pinali 2:42

Da kli pane laïnabi pèngna to̱ko̱nafèn a njou‐mboro‐pinali da kaou vo jing hana mbéo baï haouna mapa da hiouna Ouone.

Pinali a Njou‐Mboro‐Pinali 20:27

Baï ko̱ mème tane ga pong ya baï to̱ko̱na hi oui, badinafèn bon a Ouone.

Pinali a Njou‐Mboro‐Pinali 4:20

baï fèn on ko̱ name ko̱ko̱ da lala dadaon name sa.

Romainli 15:27

Ka babaï, klime ko̱ on bèl mone kli ta, da kli ba njou‐ko̱dali jing kli. Da tokoré mi nding Gentili tèn ba ndo̱ko̱ba fèn a Esprit, dadaon an klime jing bakara hi Juifli jing fèn naïn‐mondi.

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

1 Corinthienli 1:9

Ouone ba lodok, kè on ko̱ mi di oui baï vona ka go̱ro̱ mbéo jing Goune nè Jésus‐Christ Nanjou na.

1 Corinthienli 15:1

Da mè déou laou baï yindi, jing bèlabaï on ko̱ mème sa mboura hi oui jinguèl, baï on ko̱ ouime ndé ya kéng, da ouime ndé laïbi jing rou kéng.

2 Corinthienli 13:14

An ndingna mbo̱l a Nanjou Jésus‐Christ, jing sénahang a Ouone, tèn vona ka go̱ro̱ mbéo a Saint‐Esprit, mi na jing oui bon!

Éphésienli 3:6

On ko̱ mèran gentili ba njou‐ndo̱ko̱ba yana fèn péléli, da njou‐ndo̱ko̱ba fèn mondi a kli‐mone tèn njou‐ndo̱ko̱ba bina gonjakali jing na ka bila Christ‐Jésus ka mboro bèlabaï,

Philippienli 1:7

On mi na guédék ko̱ mème bi hang ni mahana ka on toul baï bon, baï ko̱ oui mi na hang ni, da toul kaouna jo̱bo̱ ni, da baï ko̱ mème guéré bèlabaï pou bi, da mi na ba babaï, oui bon mi ya mbé ndingna mbo̱l o̱kéo̱ jing mi.

Philippienli 2:1

Mono on, tokoré baï wara hana mana ka bila Christ, tokoré baï pouna mone hana mi mana jing sénahang, tokoré vona ka go̱ro̱ mbéo jing Esprit mana, tokoré ndingna haïo da ko̱na passé mana,

Philippienli 3:10

baï an mème tou nè da njèran tomnahoul amè, da vona jing to̱ko̱nassé nè, da gui mahana ka kè ka mboro houlè.

Colossienli 1:13

kè on ko̱ mi séla guèfal an bo̱ko̱ njèran yilime tou, da kème mbèkè na bi an bil bilkaou a Goune an sénahang‐è,

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

1 Timothée 6:2

Da kli on ko̱ njou‐onatoul klili ba njou‐lana bilaouli an klime tane pong kli ya, baï ko̱ kli ba yindi jing hana; da dadaon an klime nding bakara hi kli bèlta guèbambèl baï ko̱ kli on ko̱ mi jing fèn baï bèla pina on ba njou‐lana‐bilaouli da Ouone mi sé hang kli. Fèn aïnli mo to̱ko̱ da wara.

Hébreuli 2:12

Da kè sa: Yé mè sa hi yine nili toul ling‐o̱; Yé mè di sing ko̱ jone mo an woro kli ko̱ ndoï.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Hébreuli 3:14

Baï ko̱ name tèn ba ndo̱ko̱ba kira Christ, tokoré name ba titili tounassaon na pou, bo̱l go̱ sèkèrèkè;

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

2 Pierre 1:16

Baï ko̱ na tane ga sé fal bounabong tang baï ya, ko̱ na to̱ko̱ hi oui njèran da guina a Nanjou na Jésus‐Christ, da na ba njou‐ko̱na gangna nè ka dodok nona.

Titili Takarata a Jean ko̱ dé 1:1

Fèn on ko̱ mi na jinguèl ka titilikè, fèn on ko̱ name la tou, fèn on ko̱ name ko̱ ka nona tou, fèn on ko̱ name ènrèn, ka da ka ndo̱ko̱ na, baï toul Baïnjaka a yana,

Titili Takarata a Jean ko̱ dé 1:5

Da on ba mboro pina on ko̱ name la an njakè, da name dala hi oui, ko̱ ba Ouone ba takanafèn, da yilime mi tane ti bilè gounfènakè ya.

Titili Takarata a Jean ko̱ dé 1:7

Da tokoré name sé an bil takanafèn, mahana ko̱ kè fènè mi kaou an bil takanafèn, name vo ka go̱ro̱ mbéo an woro hana, da séme a Jésus Goune nè mi tourou békéfèn na bon guèfal.