Mateo 8:33 - Bëngbe Bëtsa Cabëngaftaca Entsoyebuambna

³³ Chora chë cots̈ënga anÿenënga tmojtsanacheta, y chë puebloye tmojánashjajna ora, tmojanonts̈é lempe nts̈amo yojochnëngcá jacuéntana y nts̈amo chë bayëjbe juabna uambayátaftaca tojanopasámnaca.

Mateo 8:33 ပူးပေါင်းရင်းမြစ်များ

Mateo 4:24

Nÿets Siria luarëjana ents̈anga cha imojtsebáyana. As ents̈anga nÿetsca s̈ocana bomnënga Jesúsbioye imojtsënachaye: s̈oquënga y tsets̈anana bomnënga, bacna bayëjbe juabna uambayënga, ataque osháchichanënga y jama ndobenënga. Jesús nÿetscanga yojánashnaye.

Mateo 8:16

Chë te jaibétatama ora, Jesús yojtsemnoye banga bacna bayëjëngbe juabna uambaye ents̈anga tmojanënatse. Chora, nÿe canÿe Jesús jóyebuambayëse chë bacna bayëjënga imojtsaisebocana y nÿetsca s̈oquënga tojanashná.

Mateo 8:32

Y Jesús tojanë́yana: —Motsajna ca. Chora chë bayëjënga chë boyabásatbents̈ana tmojésanbocana y chë cots̈ë́ngbeñe tmojánamashjna; cachora chë cots̈ënga batsjocana penës̈ëjana uafjajónayoye imojtsoshbuets̈e y yojtsatajo.