Marcos 5:9 - Bëngbe Bëtsa Cabëngaftaca Entsoyebuambna

⁹ Chents̈ana Jesús tbojantjá: —¿Nts̈amo cabaina ca? Y chë bacna bayëjëngbe juábnaca cha tbojanjuá: —Ats̈na Legión ca sënduabaina, bëtscanga fsëndmëna causa ca.

Marcos 5:9 ပူးပေါင်းရင်းမြစ်များ

Mateo 12:45

Chorna chë bayëjna jana y inÿe canÿsëfta bayëjënga chabiama más opëjënga jobiats̈ana y nÿetscanga choye jamashjnana chë boyabásabeñe joyénanama. Y chca, chë boyabása tempscama más bacna ents̈á jtsemnana, chora chë natsanama más bayëjënga abamna causa. Morsca puerte bacna ents̈ángaftaca cachcá echanjochnëngo ca” —Jesús tojánayana.

Mateo 26:53

¿Aca ndoñe condë́tats̈ëmbo, ats̈e ats̈be Taitábioye stjaimpádase, cha cachora ats̈biama nanjichamuá bnë́tsana utama más ejércitënga angelotémëngaca?

Marcos 5:10

Y ts̈a Jesús ibojtserruana chë luarents̈ana ndoñe chaondëtëbuacanama.

Marcos 5:15

Jesús yojtsemnoye chë ents̈anga tmojánashjajna ora, tmojáninÿe chë tempo bacna bayëjënga uambayá, inétsotbemañe, ents̈ayá uichëtjoná y chabe nÿets juábnaca. Y chë ents̈anga chama imojtsëuatjaná.

Marcos 5:8

Chca tbojaniyana, er Jesús chábioye tbojaniyana: —¡Bacna bayëjbe juabna, chábents̈ana maisebocna ca!

Lucas 8:30

Jesús chë boyabásabioye tbojantjá: —¿Nts̈amo cabaina ca? Y cha tbojanjuá: —Ats̈e sënduabaina Legión ca. Cha chca tojánayana, er chábeñe ba bacna bayëjënga tmojánamashjna.