Hechos 4:22 - Bëngbe Bëtsa Cabëngaftaca Entsoyebuambna

²² Chë boyabása, ndáftaca chata chë bëts soye Bëngbe Bëtsabe obenánaca tbojanma, inabomna canta bnë́tsana uatama más.

Hechos 4:22 ပူးပေါင်းရင်းမြစ်များ

Mateo 9:20

Imojtsaye ora, canÿe shembása stëts̈oicana Jesúsbioye yojobeconá. Bnë́tsana uta uatama oboftjajuanánaca cha inapadecena. Chë s̈ocá Jesúsbioye yojobeconá ora, yojtsejuabnaye: “Masque nÿe mo chabe ents̈ayá sibiájua chaijuábojajo, salud chantinÿena ca.” Chents̈ana chë s̈ocá Jesusbe ents̈ayá tojanábojajo.

Lucas 13:11

y chents̈e yojtsemna canÿe shembása; cha ya bnë́tsana posufta uata yojtses̈oca. Canÿe bacna bayëja chábeñe tojánamashëngo y chca tses̈tjoná tbojtsanbema, y tondayama yontsobena jtondiríchana.

Juan 5:5

Chë s̈oquënguiñe canÿe boyabása inamna, unga bnë́tsana y posufta uatama jama ndobená.

Juan 9:1

Canÿe luarëjana yojtsachnëjuana ora, Jesús canÿe boyabásabioye tbojáninÿe. Chë boyabásana jtaná inónÿna.

Hechos 3:2

Bëngbe Bëtsabe bëts yebnents̈e canÿe cosheto yojtsemna; tojanonÿná orscana chca s̈ocá inamna. Ents̈anga imojanamana cada te cha juanatsana canÿe luaroye, Bëngbe Bëtsabe bëts yebnoca, Botamana Amashjuana ca uabáinoye, chë tmojtsachnëjuanënga lemos̈na chaótejañama.

Hechos 4:21

Chë mandayëngna chátbioye tojtsanautatjá, pero chents̈ana tmojtanabáshejuana. Nÿetsca ents̈anga Bëngbe Bëtsá imojtsatschuanaye nts̈amo tojanopasama; chíyeca, chë mándayënga ndoñe tmonjanobená tondaye ntjinÿenana nts̈amo chata jácastigama.

Hechos 4:23

Pedro y Juan ya tmojtanabáshejuana ora, tbojánata chë inÿe os̈buáchiyëngaftaca jateninÿenama y lempe nts̈amo chë bachnangbe amë́ndayënga y bëtsëjemëngcá mándayënga chátbioye tmojanëyancá, chë́ngbioye tmojanacuntá.

Hechos 9:33

Lida pueblents̈e canÿa tbojáninÿena, Eneas ca uabainá. Cha jama ndobená inamna y posufta uata jutsnë́shañe chca inajájona.