1 Corintios 8:8 - Bëngbe Bëtsa Cabëngaftaca Entsoyebuambna

⁸ Ndegombre, ndayá bënga tmojtsesacá ndoñe ntjamana bënga Bëngbe Bëtsábioye más chamuatobéconama. Bënga Bëngbe Bëtsabe bominÿiñe ndoñe quemochátsmëna más ts̈ábenga aíñe tmojtsesama; ni ndoñe chcanga, ndoñe tmontsesá causa.

1 Corintios 8:8 ပူးပေါင်းရင်းမြစ်များ

Mateo 25:15

Cánÿabioye ibojánts̈abuachiye shachna uaranga crocénana, ínÿabioyna uta uaranga y ínÿabioyna canÿe uaranga. Chca yojamna nts̈amo cada ona ibojobiashjachcá. Y as chë boyabása yojtsoñe.

Romanos 14:17

Bëngbe Bëtsabe amë́ndayana bë́ngbeñe ndoñe quenátsmëna inÿe soyënga aíñe jasana o inÿe soyënga ndoñe, canÿe soye aíñe jofs̈iyana o inÿe soye ndoñe. Pero chabe amë́ndayana bë́ngbeñe aíñe endmëna jtsamana soyënga ndayama Bëngbe Bëtsá tojayana aíñe ts̈abá jamama yomna ca, cháftaca tempcá ts̈abá jtsatsmënana y ainaniñe oyejuayana jtsebomnana; y Uámana Espíritbeyeca bënga jobenayana chca jamana.

1 Corintios 6:13

Mënts̈ánaca mondbétsichamo: “Saná uafsbiama y uafsbiá saná chaóyëngacñama ca.” Pero Bëngbe Bëtsá canÿe te echanjama chë uta soye chaotsopochocama. Bëngbe Bëtsá ents̈abiama cuerpo ndoñe tonjanma, boyabása o shembásaftaca bacna soye cha chaotsamama, sinó chë cuérpoca Bëngbe Utabná bënga chamoservema, y Bëngbe Utabná bëngbiama ts̈abe bendicionënga chaotsamama.

Hebreos 13:9

Ndoñe s̈matjaleséncia ínÿenga chamotsamama ts̈ëngaftanga chë benachents̈ana chas̈motsojuánañama, ndayá chënga tmojtsabuátambama, y chë Cristo tojánabuatambama contra soyë́ngaca. Más ts̈abá endmëna bënga ainaniñe añemo jtsebomnana, Bëngbe Bëtsá ts̈abe juabna bëngbiama yobómnayeca, y ndoñe chë sanama, chë ndayá aíñe o ndoñe s̈ontsamna jtsesayana soyëngama mandënga tcojtsamëse. Chca mandënga ndocna te chë Israeloca ents̈angbiama tempo tonjanoservé.