Уэрэд 17:3 - ХъыбарыфӀыр. ЩӀэдзапӀэр. Уэрэд ЛъапӀэхэр

³ Зиусхьэныращ сыкъэзыхъумэ абрэмывэ быдапӀэу сиӀэр, бийхэм саӀэщӀэзыхыр, си Тхьэр – си къуршу щхьэегъэзыпӀэу сиӀэр, си мэӀур, сыкъезыгъэл гуащӀэшхуэр, си щтапӀэр.

Уэрэд 17:3 ပူးပေါင်းရင်းမြစ်များ

Уэрэд 26:2

БзаджащӀэхэр, си пэрыуэгъухэри си бийхэри, къыстобанэ, сызэпкъратхъыну; лъэпэрэпэнхэщи, джэлэнщ ахэр.

Апостол. 11:23

Варнавэ Антиохием кӀуэри, Тхьэм и нэфӀыр абыхэм къазэрыщыхуэр щилъагъум, гуфӀащ, емыщу Зиусхьэным гурэ псэкӀэ хуэпэжыну яхуигъэуващ.

Уэрэд 39:1

УэрэдыӀуэхэмрэ пшынауэхэмрэ я пашэм папщӀэ. Даут и уэрэд

Уэрэд 139:1

ЦӀыху бзаджэхэм сащыхъумэ, Зиусхьэн; сащыхъумэ залымыгъэ зезыхьэ цӀыхухэм.

1 Петр 1:7

А гугъуехьхэр щӀэфшэчыр фи фӀэщхъуныгъэр гъэунэхуа хъууэ, абы и щыпкъагъэр нахуэ хъун щхьэкӀэщ. Дыщэр зэрыдыщэр мафӀэкӀэ ягъэунэху пэтми, а дыщэр кӀуэдыжынущ. Фи фӀэщхъуныгъэр а дыщэм нэхърэ нэхъ лъапӀэщ. Хьисэ Мэссихь къыщыкӀуэжыну махуэм фи фӀэщхъуныгъэм и щыпкъагъэм щхьэкӀэ фӀыщӀи, щӀыхьи, лъытэныгъи къыфхуищӀынущ Тхьэм.

Уэрэд 16:7

Уи лъагъуныгъэ мыкӀуэдыжу Уэ пхэлъри къыслъыгъэс – къапэувыжхэм ящыпхъумэну уи Ӏэ ижьым деж щхьэегъэзыпӀэ лъыхъуэхэм я КъегъэлакӀуэщ.

Уэрэд 11:5

мыпхуэдэу жызыӀэхэр: «Ди бзэгум хэлъщ ди гуащӀэ, ди лъэкӀыныгъэр – ди жьэр; хэт ди зиусхьэныр?»

Уэрэд 7:4

Зиусхьэн, си Тхьэ! Зыгуэр сӀэщӀэщӀамэ, си Ӏэхэм ящӀэм захуагъэ хэмылъмэ,

Апостол. 16:9

Тхьэм Паул зыгуэр къыхуигъэхутащ жэщым: Македоние хэкум щыщ лӀы гуэр къэхутэри къелъэӀуащ: – Македонием къакӀуи, дэӀэпыкъуэгъу къытхуэхъу, – жиӀэри.

Апостол Екъуб и тхылъ 3:2

Дэ псоми Ӏуэхугъуэ куэдкӀэ гуэныхь дощӀэ. Езым и псалъэхэмкӀэ гуэныхь зымыщӀэ цӀыхур цӀыху нэгъэсауэ щытщ, ипкъ псори игъэӀурыщӀэн лъокӀ.

2 Кор. 1:12

Мыращ дызэрыпагэр: Хьилагъэ лъэпкъ ди гум имылъу, Тхьэм и гум ирихь мурад къабзагъэ диӀэу мы дунейм, псоми япэу фи деж, дызэрыщыпсэуамкӀэ ди гур щыхьэт мэхъу. Тхьэм и нэфӀ къызэрытщыхуам папщӀэ апхуэдэу дыпсэуащ, ахъумэ мы дунейм тет цӀыхухэм я акъылыфӀагъэу жыхуаӀэм и хьэтыркӀэкъым.

1 Кор. 4:4

МыхъумыщӀэ лъэпкъ сигукӀэ зыдэсщӀэжыркъым сэ, ауэ абы къикӀыркъым сэ лажьэ гуэри симыӀэу; си Ӏуэхум хьэкум тезыщӀыхьыр Зиусхьэныращ.