Маттэ 2:16 - ХъыбарыфӀыр. ЩӀэдзапӀэр. Уэрэд ЛъапӀэхэр

¹⁶ Тхьэгурымагъуэхэм къызэрагъэпцӀар щилъагъум, Ирод икъукӀэ губжьащ. Тхьэгурымагъуэхэм къаригъэӀуэта зэманым икӀуэцӀкӀэ, Бэтлэхьэм абы и Ӏэхэлъахэ псоми щыщ къыщалъхуа сабий псори, илъэситӀ зи ныбжьым нэс, яукӀын щхьэкӀэ Ирод и зауэлӀхэр иутӀыпщащ.

Маттэ 2:16 ပူးပေါင်းရင်းမြစ်များ

Апокалипсис 17:6

А цӀыхубзыр Тхьэм и цӀыху лъапӀэхэмрэ Хьисэ щыхьэт хуэхъуахэмрэ ялъкӀэ удэфауэ слъэгъуащ. А цӀыхубзыр щыслъагъум, ину згъэщӀэгъуащ.

1 Мусэ 49:7

Нэлат ялъысащ абыхэм я губжьым, сыт щхьэкӀэ жыпӀэмэ гущӀэгъуншэти; я къанлыгъэми нэлат ялъысащ, сыт щхьэкӀэ жыпӀэмэ ябгэти; щызэхэзгъэкӀынущ ахэр Екъуб и хэкум, Израил хэкум щызэбгрызгъэкӀынущ ахэр.

1 Мусэ 39:17

ХуиӀуэтэжащ абыи а псалъэ дыдэхэр, мыр жиӀэурэ: – Журт унэӀуту уэ къытхуэпшар къыщӀыхьат си деж, лей къызихыну.

1 Мусэ 39:14

и унэӀут цӀыхухъухэр къриджэри, яжриӀащ абыхэм мыпхуэдэу: – Феплъыт, си тхьэмадэм къытхуишащ журтыр, дэ дигъэпудын папщӀэ. Ар къыщӀыхьат си деж къыздэгъуэлъыну; ауэ сэ сыкӀиящ си макъ къызэрихькӀэ;

Маттэ 2:1

Ирод пащтыхьым и тетыгъуэм Иудей хэкум щыщ Бэтлэхьэм къалэм Хьисэ къыщалъхуа нэужь, тхьэгурымагъуэхэр къуэкӀыпӀэмкӀэ къикӀри, Ерусалим къэкӀуащ.

Маттэ 2:7

Тхьэгурымагъуэхэр щэхуу къриджэри, Ирод вагъуэр къыщыщӀэкӀа зэман дыдэр зригъэщӀащ абы и ужькӀэ.

Маттэ 2:17

Иеремие бегъымбарым жиӀэгъа мы псалъэхэр пэж хъуащ абы щыгъуэ:

Апокалипсис 12:4

Вагъуэхэм я Ӏыхьэ щанэр и кӀэмкӀэ уафэм къыщрилъэфажьэри, щӀылъэм къридзыхащ. Сабий пэплъэ цӀыхубзым и пащхьэм благъуэжьыр къиуващ, сабийр къызэрилъхуу иригъэлъэтэхын щхьэкӀэ.