Лукас 6:21 - ХъыбарыфӀыр. ЩӀэдзапӀэр. Уэрэд ЛъапӀэхэр

²¹ Фэ, иджы мэжэщӀалахэр, гъуэгу махуэ фытеуващ, зывгъэнщӀыжынущи. Фэ иджы пыхьэхэр, гъуэгу махуэ фытеуващ, фыгуфӀэжынущи.

ФӀыцӀагъэ ЛъапӀэ

²¹ Гъуэгу махуэ фытеуващ иджыпсту мэжалӀэхэр, зывгъэнщӀыжынущи. Гъуэгу махуэ фытеуващ иджыпсту гъыхэр, фыгуфӀэжынущи.

Лукас 6:21 ပူးပေါင်းရင်းမြစ်များ

Иуан 6:35

– ЦӀыхухэм гъащӀэ езыт щӀакхъуэр сэращ, – яжриӀащ Хьисэ. – Си деж къакӀуэр мэжэлӀэжынукъым, сэркӀэ фӀэщхъуныгъэ зиӀэр игъащӀэкӀэ псы хуэлӀэжынукъым.

Маттэ 5:6

Гъуэгу махуэ теуващ щыпкъагъэм хуэзэшхэр икӀи хуэлӀэхэр, абыхэм яхурикъун щыпкъагъэ ягъуэтынущи.

Апостол Екъуб и тхылъ 1:12

И щыпкъагъэ гъэунэхуа хъумэ, теубыдагъэ зиӀэр гъуэгу махуэ теуващ, абы и щыпкъагъэр гъэунэхуа хъуа нэужь, езыр фӀыуэ зылъагъухэр къызэригъэгугъа мыкӀуэдыжын гъащӀэр тажэм хуэдэу Тхьэм а цӀыхум къритынущи.

Лукас 1:53

ХуэмыщӀахэм тыгъэфӀхэр яритащ, ауэ бейхэр ӀэнэщӀу къигъэнащ.

Маттэ 5:4

Гъуэгу махуэ теуващ гукъеуэ зиӀэхэр, абыхэм я гукъеуэр Тхьэм ящхьэщихыжынущи.

Апокалипсис 7:16

ИгъащӀэкӀэ мэжэлӀэжынукъым, псыи хуэлӀэжынукъым. Дыгъэри хуабагъэшхуэри абыхэм къегуэуэжынукъым.

Лукас 6:25

фэ иджы зызыгъэнщӀахэр, гъуэгу мыгъуэ фытеуващ, фымэжэлӀэжынущи. Фэ, иджы гуфӀэхэр, гъуэгу мыгъуэ теуващ, фыгъыжынущ икӀи фыпыхьэжынущи.

1 Кор. 4:11

Нобэр къыздэсым дымэжэщӀалӀэщ, псыи дыхуэныкъуэщ. ЗыщыттӀэгъэн щыгъыни диӀэкъым, цӀыхухэм дызэрахуэ, уни диӀэкъым.

Иуан 4:10

– Тхьэм и тыгъэр зыхуэдэри «Псы тӀэкӀу сегъафэ» къыбжезыӀари уэ пщӀэуэ щытатэмэ, абы уелъэӀунт, абыи гъащӀэ къозытын псы уригъэфэнт, – жриӀэжащ Хьисэ цӀыхубзым.

Уэрэд 107:9

Гилеад, Мэнашэ сысейщ; Эфраим – си тажщ; Иудэ – си дыщэ башщ.

Уэрэд 17:15

КъиутӀыпщри и шабзэшэхэр къатрипхъащ и бийхэм, ирикъухьащ ахэр бжыкӀэ.

1 Мусэ 21:6

ЖиӀащ абы щыгъуэ Сарэ: – Дыхьэшхэн къызищӀащ Тхьэм; си хъыбар хэт зэхихми, дыхьэшхынщ.

1 Мусэ 17:17

Абдеж щӀым зытридзащ Ибрэхьим нэкӀукӀэ, къэдыхьэшхри и щхьэ хужиӀэжащ: «Къыхуэхъуну пӀэрэ илъэсищэ зи ныбжьым къуэ? Сарэ илъэс бгъущӀ хъури лъхуэну пӀэрэ?»

Апокалипсис 21:3

Тахътэм къиӀукӀ макъышхуэ гуэрым мыпхуэдэу жиӀэу зэхэсхащ: – Мис, Тхьэм и псэупӀэр цӀыхухэм я дежщ, езыри абыхэм яхэсынущ. Ахэри абы и цӀыху хъунущ. Езы Тхьэри абыхэм я гъусэнущ икӀи я Тхьэу щытынущ.

2 Кор. 12:10

Аращи, Мэссихь сызэрыхуэлажьэм щхьэкӀэ, лъэкӀыныгъэ симыӀэми, къысхущӀэджэми, гугъуехь сшэчми, гугъуехь сагъэшэчми, гукъеуэ сиӀэми, согуфӀэ; сыт щхьэкӀэ жыпӀэмэ лъэкӀыныгъэ симыӀэ щыхъукӀэ, лъэкӀыныгъэ нэхъ согъуэт.

2 Кор. 11:27

Куэду сызэрылэжьам сригъэшащ, сымыжейуэ жэщ куэд згъэкӀуащ; сымэжэлӀащ, псыи сыхуэлӀащ, шхын щызмыгъуэт куэдрэ къысхуихуащ; дунейр щыщӀыӀэми, ирикъуну зыщыстӀэгъэн симыӀэу сыщытащ.

2 Кор. 6:10

дигу хагъэщӀ, ауэ сыт щыгъуи догуфӀэ; дэ дытхьэмыщкӀэщ, ауэ цӀыху куэд бей дощӀ; зыри димыӀэу къащохъу, ауэ псори ди Ӏэ илъщ.

Иуан 11:35

Хьисэ къэгъащ абдежым.

Уэрэд 143:6

уафэхъуэпскӀыр къэгъэлыди, уи бийхэр зэбгрыху; уи шабзэшэхэр утӀыпщи, ахэр зэбгрыху.

Уэрэд 65:4

Щхьэщэ къыпхуащӀ зэрыщӀыгуу, пхужаӀэ щытхъу уэрэд, уи цӀэм уэрэд хужаӀэ».

Уэрэд 28:7

МафӀэ хъуаскӀэхэр къахегъэлъэт Зиусхьэным и макъым.

Лукас 6:20

И гъуэгу ирикӀуэхэм яхэплъэри, Хьисэ жиӀащ: Фэ, тхьэмыщкӀэхэр, гъуэгу махуэ фытеуващ, Тхьэм и Тепщэныгъэшхуэм фыщӀэтщи.

Лукас 6:22

Гъуэгу махуэ фытеуващ, ЦӀыху Лъэпкъым и Къуэм и гъуэгу фызэрырикӀуэм щхьэкӀэ цӀыхухэр фэ жагъуэгъу къыфхуэхъумэ, фызыхагъэкӀмэ, къыфхуэхъущӀэмэ, икӀи фи цӀэр ягъэпудмэ.