Лукас 1:51 - ХъыбарыфӀыр. ЩӀэдзапӀэр. Уэрэд ЛъапӀэхэр

⁵¹ Ӏуэху телъыджэхэр и ӀэкӀэ зэфӀигъэкӀащ. Зи гум пагагъэ илъхэр зэбгрихуащ.

ФӀыцӀагъэ ЛъапӀэ

⁵¹ Ӏуэху телъыджэ куэд и ӀэкӀэ зэфӀигъэкӀащ, гупсысэ пагэ зигу илъхэм яхурикъуащ.

Лукас 1:51 ပူးပေါင်းရင်းမြစ်များ

Уэрэд 98:1

Зиусхьэным тепщэныгъэр иӀыгъщи, цӀыху лъэпкъхэр ирегулэз! мелыӀычхэм ящхьэкӀэ и тахътэ Ар тесщи, щӀыгур иретхытх!

ФӀэщхъуныгъэ яӀэу Рим къалэм дэсхэм апостол Паул яхуитха тхылъ 1:21

Тхьэр ящӀэу щыт пэтми, Тхьэм хуэфащэ лъытэныгъэри щӀыхьышхуэри хуащӀакъым. Ауэ я гупсысэхэр пщӀэншэ хъуащ, зэхэщӀыкӀ зимыӀэ ягухэри кӀыфӀу къэнащ.

Уэрэд 118:15

Согупсыс тхуэпщӀа пщэрылъхэм, уи гъуэгум си нэӀэ тетщ.

Уэрэд 89:10

Дэ къэдгъащӀэ илъэсхэм я махуэхэр илъэс хыщӀрэ пщӀырэщ, нэхъ лъэрызехьэхэм – илъэс пщӀей; я нэхъ бжьыгъуэфӀыр зэшымрэ гугъехьымрэ яӀэрохьэ, сыту жыпӀэмэ псынщӀэу макӀуэри, дэри дадобзэхыж.

1 Мусэ 6:5

Къилъэгъуащ Зиусхьэным щӀылъэм тет цӀыхухэм я бзаджагъэр зэрыин дыдэр; абыхэм я гум илъхэри я мурадхэри сыт щыгъуэ зэманми зэрыӀейр.

Апокалипсис 18:8

Абы щхьэкӀэ гугъуехьышхуэхэр зы махуэкӀэ къылъысынущ: лӀэныгъэри, щыгъуэныгъэри, гъаблэри. МафӀэм исынущ, Зиусхьэн Тхьэуэ а къалэм и хьэкумыр къытезыщӀыхьым лъэкӀыныгъэшхуэ иӀэщи».

1 Петр 5:5

Фэ, ныбжьыщӀэхэри, нэхъыжьхэм фахуэӀурыщӀэ. Пагагъэ фи гум имылъу фызэхущыт, сыт щхьэкӀэ жыпӀэмэ «Тхьэр поув пагагъэ зи гум илъ цӀыхум, и нэфӀ щохуэ пагагъэ зи гу имылъым».

2 Кор. 10:5

цӀыхухэм Тхьэр зэращӀэным пэувыну зыкъэзыӀэт пагэныгъэ псори догъэкӀуэд, сыт хуэдэ гуращэри Мэссихь хуэӀурыщӀэну доубыд.

Уэрэд 89:13

Зыкъытхуэгъазэ, Зиусхьэн! Сыт хуэдизрэ дызэбгъэжьэну? ГущӀэгъу хуэщӀ уи ӀурыщӀэхэм.

Уэрэд 63:5

лажьэ зимыӀэм щэхуу еуэнхэу; ахэр йоуэ абы, мыӀэнкуну, шынэхэркъым.

Уэрэд 33:10

Зиусхьэным и фӀэлӀыкӀ фигу ивгъэлъ фэ, Абы и цӀыху лъапӀэхэм, сыту жыпӀэмэ Абы щышынэхэр зыми хуэныкъуэкъым.

1 Мусэ 8:21

КъыщӀихьащ Зиусхьэным псэм фӀэфӀ мэ дахэр, икӀи жиӀащ Зиусхьэным игукӀэ: – ЦӀыхум и зэранкӀэ афӀэкӀа зэи щӀылъэм нэлат есхыжынукъым, сыт щхьэкӀэ жыпӀэмэ цӀыхум и мурадхэр абы и ныбжьыщӀагъэм къыщыщӀэдзауэ Ӏейуэ щытщи; афӀэкӀа зэи псэ зыпыт згъэкӀуэдыжынукъым, Сэ зэ зэрысщӀыгъам хуэдэу.

1 Мусэ 11:8

Арати, Зиусхьэным ахэр щӀылъэ псом щызэбгригъэкӀащ, абдежым къригъэкӀри, а щӀыкӀэмкӀи абыхэм щагъэтыжащ къалэр ухуэн.