Апокалипсис 9:2 - ХъыбарыфӀыр. ЩӀэдзапӀэр. Уэрэд ЛъапӀэхэр

² Вагъуэм щӀылъэм и кууупӀэу щӀэ зимыӀэм и щӀыхьэпӀэр Ӏуихащ. Ар щыӀуихым, хьэкушхуэм и Ӏугъуэм хуэдэ Ӏугъуэ кърихуащ. А щӀыхьэпӀэм къыщӀэуа Ӏугъуэм дыгъэри уафэри игъэункӀыфӀащ.

Апокалипсис 9:2 ပူးပေါင်းရင်းမြစ်များ

1 Мусэ 19:28

Плъащ Содомрэ Ӏаморэрэ, Ӏэгъуэблагъэм псори къыщызэхиплъыхьри къилъэгъуащ: Ӏугъуэр къыхокӀ щӀыгум, хьэкум къикӀым хуэдэу.

Апостол. 2:19

Уафэм Ӏуэху телъыджэхэр къыщызгъэлъэгъуэнущ, щӀылъэми нэщэнэ гъэщӀэгъуэныщэхэр къыщызгъэлъэгъуэнущ: лъы, мафӀэ, Ӏугъуэшхуэ флъагъунущ.

Апокалипсис 14:11

Гугъуехьышхуэ езыгъэшэч мафӀэм и Ӏугъуэр игъащӀэкӀэ къыпихыурэ, уафэм дэкӀуеинущ. Хьэщхьэвылъэри абы и сурэтри зыгъэлъапӀэ цӀыхухэм жэщи махуи зыгъэпсэхугъуэ ягъуэтынукъым. Апхуэдэу, хьэщхьэвылъэм и цӀэр зытет дамыгъэр зытедза дэтхэнэми жэщи махуи зыгъэпсэхугъуэ игъуэтынукъым.

1 Мусэ 15:17

Дыгъэр къухьэри, кӀыфӀ къыщыхъуам, Ӏугъуэ къызрих хьэкурэ Ӏэдакъэ мафӀэрэ дэкӀащ упщӀэтауэ щылъ псэущхьэхэм я зэхуакум.

Апокалипсис 8:12

ЕплӀанэ мелыӀычри и бжьамиишхуэм епщащ. Дыгъэм и Ӏыхьэ щанэри, мазэм и Ӏыхьэ щанэри, вагъуэхэми я Ӏыхьэ щанэри ункӀыфӀащ асыхьэту. Абыхэм я нэхум и Ӏыхьэ щанэри кӀыфӀ хъуащ. Махуэм и Ӏыхьэ щанэмрэ жэщым и Ӏыхьэ щанэмрэ нэху хъуакъым.

Апокалипсис 9:17

Шыхэри шууейхэри мыпхуэдэу къысхуэлъэгъуащ: Афэ джанэхэр мафӀэм хуэдэу плъыжьу, щхъуантӀэу икӀи гъуэжьу ящыгът. Яшхэм я щхьэхэр аслъэныщхьэм хуэдэт. Шыхэм я жьэхэм мафӀэри, Ӏугъуэри, тхъуэбзащхъуэри къажьэдэкӀырт.

Апокалипсис 9:1

Етхуанэ мелыӀычыр и бжьамиишхуэм епщащ итӀанэ. Уафэм къикӀыу, щӀылъэм къехыгъа вагъуэр слъэгъуащ асыхьэту. ЩӀылъэм и кууупӀэу щӀэ зимыӀэм и щӀыхьэпӀэм и ӀункӀыбзэр мелыӀыч гуэрым а вагъуэм иритащ.

Апокалипсис 9:11

Абыхэм пащтыхьу яӀар щӀылъэм и кууупӀэу щӀэ зимыӀэм и мелыӀычыр арщ. Абы и цӀэр журтыбзэкӀэ Аваддонщ, алыджыбзэкӀэ Аполлионщ.

Апокалипсис 16:10

Етхуанэ мелыӀычым и фалъэм итыр хьэщхьэвылъэм и тахътэм трикӀащ. Хьэщхьэвылъэм и тепщэныгъэм щӀэт цӀыхухэм кӀыфӀыгъэ къащхьэщыхьащ итӀанэ. Узышхуэ зэраӀэм щхьэкӀэ, цӀыхухэр я бзэгухэм едзэкъэжырт.