Апокалипсис 20:9 - ХъыбарыфӀыр. ЩӀэдзапӀэр. Уэрэд ЛъапӀэхэр

⁹ Апхуэдэу, щӀылъэм и гъунэр здынэсыр яубыдурэ кӀуэри, Тхьэм и цӀыху лъапӀэхэм я увыпӀэу Тхьэм фӀыуэ илъагъу къалэшхуэр къаувыхьащ. Ауэ уафэм мафӀэ къехри, ахэр исащ.

Апокалипсис 20:9 ပူးပေါင်းရင်းမြစ်များ

Фессалоникэ II 1:8

Тхьэр зымыщӀэ цӀыхуу, ди Зиусхьэну Хьисэ теухуа хъыбарыфӀым емыдаӀуэхэм я бзаджагъэр яригъэпшыныжын щхьэкӀэ, мафӀэшхуэу зэщӀэплъар къыздихьынурэ, Зиусхьэн Хьисэ дунейм къэкӀуэжынущ.

Уэрэд 106:18

Сыт хуэдэ шхыни ягу хуэмыкӀуэу, лӀэныгъэм и куэбжэм пэблагъэ хъуащ.

Уэрэд 97:3

МыкӀуэдыж лъагъуныгъэу, щыпкъагъэу израил лъэпкъым хуиӀар Абы игу илъ зэпытщ. Ди Тхьэм текӀуэныгъэр къызэрихьар щӀыгу псоми я гъунапкъэхэм ялъэгъуащ.

Апокалипсис 13:13

ЕтӀуанэ хьэщхьэвылъэм нэщэнэ гъэщӀэгъуэныщэхэр къигъэлъэгъуащ. ЦӀыхухэм я пащхьэм уафэм къикӀыу мафӀэ щӀылъэм къыщригъэхащ.

Апокалипсис 11:5

Зыгуэрым и ягъэ а щыхьэтитӀым яригъэкӀыну хуеймэ, абыхэм я жьэм мафӀэ къыжьэдэкӀыурэ, я бийхэр егъэкӀуэд. Абыхэм зи ягъэ езыгъэкӀыну хэтыр аращ зэрылӀэн хуейр.

Лукас 17:29

Ауэ ЛутӀ Содом къалэм щыдэкӀа махуэм мафӀэрэ тхъуэбзащхъуэрэ зэщӀэлъу уафэм къещэщэхри, ахэр псори хэкӀуэдащ.

Лукас 9:54

Ар щалъагъум, Хьисэ и гъуэгу ирикӀуэхэм ящыщу Екъубрэ Иуанрэ жаӀащ: – Зиусхьэн, уафэм мафӀэ къехыу мы цӀыхухэр исыну жытӀэн?

Еврейхэм яхуэгъэза тхылъ 13:13

КъращӀа емыкӀум ди Ӏыхьэ хэлъын щхьэкӀэ, Хьисэ деж къалэ щӀыбым дывгъакӀуэ.

1 Мусэ 19:24

Зиусхьэным къатрикӀащ Содомрэ Ӏаморэрэ уэшхым хуэдэу тхъуэбзащхъуэмрэ мафӀэмрэ, уафэм щыӀэ Зиусхьэным къыбгъэдэкӀыу.

Лукас 21:20

– Ерусалим дзэхэм къаувыхьауэ щыфлъагъукӀэ, абы и къутэжыгъуэр къызэрыблэгъар къэфщӀэнущ.

Лукас 19:43

сыт щхьэкӀэ жыпӀэмэ уи бийхэм быдапӀэхэмкӀэ укъыщыщаувыхьын махуэхэр къыпхуэкӀуэнущ. Абыхэм укъаухъуреихьынущ, дэнэ лъэныкъуэкӀи къыщыптеуэнущ.

Уэрэд 87:2

Зиусхьэн, сыкъезыгъэл си Тхьэ! Махуэм нэщхъейуэ сыноджэ, уи пащхьэ сыноувэ жэщым.