Апокалипсис 13:7 - ХъыбарыфӀыр. ЩӀэдзапӀэр. Уэрэд ЛъапӀэхэр

⁷ Тхьэм и цӀыху лъапӀэхэри езауэнурэ хигъэщӀэн хуит хъуащ. Унагъуэ лъэпкъ псоми, къэрал псоми, бзэ псоми, лъэпкъ псоми тепщэныгъэ яхуиӀэну хуит хъуащ.

Апокалипсис 13:7 ပူးပေါင်းရင်းမြစ်များ

Апокалипсис 11:7

Абыхэм я щыхьэтыгъэр щаухкӀэ, щӀылъэм и кууупӀэу щӀэ зимыӀэм къыщӀэкӀ хьэщхьэвылъэр абыхэм къебэнынущ икӀи къатекӀуэнурэ къиукӀынущ.

Апокалипсис 12:17

ЦӀыхубзым ину хуэгубжьри, цӀыхубзым къытехъукӀа нэгъуэщӀ и бынхэм – Тхьэм и унафэхэр зыгъэзащӀэхэмрэ Хьисэ Мэссихь щыхьэт хуэхъухэмрэ – езэуэну кӀуащ благъуэжьыр итӀанэ.

Апокалипсис 17:15

МелыӀычым мыпхуэдэу къызжиӀащ итӀанэ: – Псэжьыр здэщыӀэ псы куэду плъэгъуам къикӀыр цӀыху гупышхуэхэри, къэралхэри, лъэпкъхэри, бзэхэри арщ.

Апокалипсис 11:18

Хамэ лъэпкъхэр губжьащ, уэ уи губжьри къэлъэгъуащ. ЛӀахэм хьэкум щатепщӀыхьыну зэманыр къэсащ иджы. Уэ къыпхуэлажьэ бегъымбархэми, уи цӀыху лъапӀэхэми, уи фӀэлӀыкӀ зи гум илъ цӀыхухэм, – цӀыкӀуми, инми, – яхуэфащэ ӀыхьэфӀыр щебгъэгъуэтыну зэманри къэсащ. ЩӀылъэр зыгъэкӀуэд цӀыхухэр уэ щыбгъэкӀуэдыжыну зэманри къэсащ».

Иуан 19:11

– Ди щхьэщыгу ит Тхьэм къыуимытатэмэ, къызэпщӀэнӀауэ лъэкӀыныгъэ уиӀэнтэкъым, – къыжриӀащ Хьисэ. – Апхуэдэу зэрыщытым щхьэкӀэ, уэ сыкъыпӀэщӀэзыгъыхьам гуэныхь нэхъыбэ иӀэщ.

Апокалипсис 10:11

Мыпхуэдэу къызжиӀащ итӀанэ: – Къэрал Ӏэджэми, лъэпкъ Ӏэджэми, бзэ Ӏэджэми, пащтыхь Ӏэджэми ятеухуауэ Тхьэм уи гум кърилъхьа хъыбару къэхъуну Ӏуэхугъуэхэм теухуахэр цӀыхухэм яхуэпӀуэтэн хуейщ.

Апокалипсис 5:9

УэрэдыщӀэ къыжаӀащ: «Тхылъыр пщтэну, и мыхъурхэри тепчыну уэ пхуэфащэщ, сыт щхьэкӀэ жыпӀэмэ цӀыхухэм уфӀагъэжащ, уилъкӀэ унагъуэ лъэпкъ псоми, бзэ псоми, къэрал псоми, лъэпкъ псоми ящыщ цӀыхухэм я щхьэхэр Тхьэм папщӀэ къэпщэхужащ.

Лукас 4:6

шейтаным къыжриӀащ итӀанэ: – Мы къэралыгъуэхэм я тепщэныгъэ псори щӀыхьышхуэу яӀэри сэ уэ уэстынущ, ахэр си ӀэмыщӀэм илъщ икӀи сэ сызыхуейм естыну сыхуитщи.