2 Петр 2:7 - ХъыбарыфӀыр. ЩӀэдзапӀэр. Уэрэд ЛъапӀэхэр

⁷ Щыпкъагъэ зигу илъ ЛутӀу Тхьэм и унафэхэм текӀа цӀыхухэм я мыхъумыщӀэ псэукӀэм къыхэкӀкӀэ ешар абыхэм ядэмыкӀуэду Тхьэм къригъэлащ,

2 Петр 2:7 ပူးပေါင်းရင်းမြစ်များ

1 Мусэ 19:16

АрщхьэкӀэ ЛутӀ зиӀэжьэрти, а лӀыхэм, Зиусхьэным гущӀэгъу къызэрыхуищӀам щхьэкӀэ хузэгуэпауэ, езыри, и фызри, и пхъуитӀри я Ӏэхэр яубыдри къыдашащ къалэм, икӀи щагъэуващ ахэр къалэ щӀыбым.

1 Мусэ 19:29

Къэхъуащ мыр, мы Ӏэгъуэблагъэм ита къалэхэр Тхьэм щигъэкӀуэдым, Тхьэм игу къэкӀыжащ Ибрэхьим, икӀи къригъэкӀащ ЛутӀ кӀуэдыпӀэ щӀыпӀэм ЛутӀ зыщыпсэуа къалэхэр щызэтригъэщахэм щыгъуэ.

2 Петр 3:17

Аращи, фӀыуэ слъагъухэ, мыр фызэрагъэӀущащи, Тхьэм и унафэхэм текӀ цӀыхухэм я гъуэгу пхэнжхэм фызэрытемыхьэнми щыпкъагъэу фызытетым фызэрытемыкӀыжынми фыхуэсакъ.

1 Кор. 10:13

ЦӀыхухэм гуэныхь ящӀэну дезыгъэхьэх Ӏуэхуу адрей цӀыхухэр зыхуэзэхэм фӀэкӀа фэ фыхуэзакъым. Тхьэр пэжщ, флъэкӀынум нэхърэ нэхъыбэ, гуныхьщӀэным фыдезыгъэхьэхын Ӏуэху фыхуэзэну хуит ищӀынукъым. Ауэ гуныхьщӀэным фыдезыгъэхьэхын Ӏуэху гуэр фыщыхуэзэкӀэ, абы фыпэувыфыну Тхьэм гъуэгу къывитынущ.

1 Мусэ 13:13

Ауэ Содом дэсхэр бзаджэт, Зиусхьэным и пащхьэм гуэныхь куэд къыщахьат.

1 Мусэ 19:22

ЕпӀэщӀэкӀ, зыкъыщегъэл абы; сыт щхьэкӀэ жыпӀэмэ Сэ сщӀэфынукъым Ӏуэхур, уэ абы унэмысу. Абы къыхэкӀыуи фӀащащ а къалэм: Цоар.

Уэрэд 120:5

Зиусхьэныр уи хъумакӀуэщ; Зиусхьэныр уи жьауэщ, уи Ӏэ ижьым щыт уи жьаущ.

1 Мусэ 19:5

ЛутӀ къеджэри щӀашауэ къыжраӀэрт абы: – Дэнэ щыӀэ уэ ныжэбэ къыпхуэкӀуа цӀыхухэр? КъытхущӀэш ахэр мыдэ; дэ декӀуэлӀэнущ абыхэм.

2 Петр 2:2

Абыхэм я мыхъумыщӀэ псэукӀэм и гъуэгум цӀыху куэд техьэнущ, щыпкъагъэм и гъуэгуми цӀыху куэд хуагъэхъущӀэнущ.

2 Петр 2:18

Абыхэм пагагъэ зыхэлъ псалъэхэмрэ пщӀэ зимыӀэ псалъэхэмрэ къыжаӀэурэ, гъуэгу пхэнжым гъуэщауэ тетхэм къаӀэщӀэкӀыжыну хуежьа цӀыхухэр дашэх. Ахэр зэрыдашэх щӀыкӀэр мыращ: цӀыхум и гуэныхьыщӀэ щэныжьыр зыщӀэхъуэпс Ӏуэхухэр ялэжьынэуи мыхъумыщӀэ псэукӀэм зратынуи ягъэгушхуэ ахэр.

Иудэ 1:4

Сыт щхьэкӀэ жыпӀэмэ цӀыху гуэрхэм фымыщӀэххэу зыкъыфхагъэзэрыхьащ. Тхьэм ахэр зэригъэкъуэншэнур и псалъэ тхахэм куэд щӀауэ хэтщ. Тхьэм и фӀэлӀыкӀ абыхэм я гум илъкъым. Ди Тхьэм и нэфӀ цӀыхухэм къазэрыщыхуэм и хъыбарыр къагъэсэбэп абыхэм, мыхъумыщӀэ псэукӀэм зратын щхьэкӀэ. Ди пашэ икӀи ди Зиусхьэн закъуэ Хьисэ Мэссихьыр ягукӀэ ящтэркъым.