1 Мусэ 48:3 - ХъыбарыфӀыр. ЩӀэдзапӀэр. Уэрэд ЛъапӀэхэр

³ Екъуб Исуф жриӀащ: – Тхьэуэ псори зыхузэфӀэкӀыр сэ Луз деж, Ханаан щӀыналъэм, къыщысхуэлъагъуэри, и нэфӀ къысщигъэхуащ.

1 Мусэ 48:3 ပူးပေါင်းရင်းမြစ်များ

1 Мусэ 28:3

Псори зыхузэфӀэкӀ Тхьэм и нэфӀ къыпщрехуэ. Урегъэбагъуэ икӀи ухрегъахъуэ, къыптрехъукӀ уэ цӀыху лъэпкъ куэдыр;

1 Мусэ 17:1

Ибрам илъэс бгъущӀрэ бгъурэ щыхъум, Зиусхьэныр абы къыхуэлъагъуэри, къыжриӀащ: – Псори зыхузэфӀэкӀ Тхьэр Сэращ; щыпкъагъэ уиӀэу щыпсэу Си пащхьэ икӀи лажьэ зыри зыхуумыгъэху.

Апокалипсис 21:11

А къалэшхуэ лъапӀэм Тхьэм и щӀыхьышхуэр иӀэт. Кристаллым хуэдэу къабзэт, яспис зи цӀэ мывэ лъапӀэ хужьым хуэдэу лыдырт ар.

1 Мусэ 48:2

Екъуб хъыбар ирагъэщӀащ, жраӀащ мыпхуэдэу: – Уи къуэ Исуф къокӀуэ уи деж. Израил и къарур зэщӀигъэуӀуэри, къыщызэфӀэтӀысхьащ пӀэм.

1 Мусэ 49:25

Уи адэм и Тхьэр уэ къыбдэӀэпыкъунущ. Псори ЗыхузэфӀэкӀыр Езыращ. Абы и нэфӀ къыпщигъэхуэнущ, ипщэкӀэ щыӀэ уафэм къикӀ фӀыгъэхэмкӀэ и нэфӀ къыпщигъэхуэнущ, ищӀагъыкӀэ щыӀэ кууупӀэм и фӀыгъэхэмкӀи, былымрэ бынымрэ я фӀыгъэхэмкӀи Абы и нэфӀ къыпщигъэхуэнущ.

1 Мусэ 17:6

– ИкъукӀэ узгъэбэгъуэнущ, къыптезгъэхъукӀынущ уэ лъэпкъхэр, пащтыхьхэри къыптехъукӀынущ уэ.