1 Мусэ 3:6 - ХъыбарыфӀыр. ЩӀэдзапӀэр. Уэрэд ЛъапӀэхэр

⁶ Илъэгъуащ цӀыхубзым жыг пхъэщхьэмыщхьэр шхыныгъуэкӀэ зэрыфӀыр, ар нэхэм зэрафӀэдахэр икӀи зэрыхъуэпсэгъуэр, щӀэныгъэ къызэрыуитым къыхэкӀкӀэ; къыпичщ абы и пхъэщхьэмыщхьэхэри, ишхащ, илӀми иритри, абыи ишхащ.

1 Мусэ 3:6 ပူးပေါင်းရင်းမြစ်များ

Апостол Иуан и япэ тхылъ 2:16

Сыт щхьэкӀэ жыпӀэмэ мы дуней хьэхум и Ӏуэхугъуэхэр – цӀыхухэм я гуэныхьыщӀэ щэныжьыр зыщӀэхъуэпс Ӏуэхугъуэхэри, я нэхэр зыщӀэхъуэпс Ӏуэхугъуэхэри, цӀыхухэр зэрыпагэ Ӏуэхугъуэхэри – Адэ лъапӀэм деж къикӀыркъым, мы дунейращ ахэр къыздикӀыр.

Апостол Паул Тимофей хуитха япэ тхылъ 2:14

Блэм зыкъезыгъэгъэпцӀар Ӏэдэмкъым, атӀэ цӀыхубзырщ. ЦӀыхубзыр Тхьэм и гъуэгу текӀащ апхуэдэу.

1 Мусэ 6:2

Тхьэм и къуэхэм къалъэгъуащ цӀыхухэм япхъухэр зэрыдахэр, икӀи ящтэрт ахэр я фызхэу, щхьэж къызэрыхихкӀэ.

Маттэ 5:28

Ауэ сэ нывжызоӀэ, цӀыхубз гуэрым хъуэпсэнэгуу еплъ дэтхэнэми игукӀэ зинэ ищӀакӀэщ.

1 Мусэ 39:7

Исуф и зиусхьэным и фызым и нэ къыфӀэнэри, къыжриӀащ: – КъысхуэкӀуэ жэщгъуэлъу.

1 Мусэ 3:17

Ӏэдэми жри-Ӏащ: – Уи фызым жиӀам уедаӀуэу, «мы жыгым и пхъэщхьэмыщхьэ умышх» жыхуэсӀа жыгым и пхъэщхьэмыщхьэ зэрыпшхам къыхэкӀыу, уи зэранкӀэ щӀылъэм нэлат лъысащ; уи гъащӀэм къыхиубыдэ махуэ псоми а щӀыгум къыуитыр мыгъуэкӀэ пшхынущ.

1 Мусэ 3:12

– ЦӀыхубзу Уэ къызэптам а жыгым и пхъэщхьэмыщхьэр къызитати, сэри сшхащ, – жиӀащ лӀым.