1 Мусэ 22:9 - ХъыбарыфӀыр. ЩӀэдзапӀэр. Уэрэд ЛъапӀэхэр

⁹ Нэсащ Тхьэм жыхуиӀа щӀыпӀэм; щиухуащ абдежым Ибрэхьим къурмэнщӀыпӀэ, трилъхьащ пхъэр, икӀи и къуэ Исхьэкъ ипхри, трилъхьащ ар къурмэнщӀыпӀэм, пхъэхэм я щӀыӀукӀэ.

1 Мусэ 22:9 ပူးပေါင်းရင်းမြစ်များ

Апостол Екъуб и тхылъ 2:21

Ди адэшхуэ Ибрэхьим и къуэ Исхьэкъ тыхь щӀыпӀэм щытрилъхьэм, Тхьэм абы щыпкъагъэ иӀэу илъытакъэ?

1 Петр 2:24

Жорым щраӀулӀым, ди гуэныхьхэр къытщхьэщихыурэ, абыхэм яхуэфащэ гугъуехьыр езым и пкъым трилъхьащ, гуэныхь щӀэным дыкъыбгъэдишыжу, щыпкъагъэм дыхуэпсэун щхьэкӀэ. Абы и уӀэгъэхэмкӀэ фигъэхъужащ.

Еврейхэм яхуэгъэза тхылъ 9:28

Апхуэдэуи цӀыху куэдым я гуэныхьхэр ятрихыну Мэссихьи зэ къурмэныпхъэ зищӀащ. ИтӀани зэ къэлъэгъуэжынущ ар. ЦӀыхухэм я гуэныхьхэр ящхьэщихын щхьэкӀэкъым, абы щыгъуэ къыщӀэкӀуэжынур, атӀэ езыр къызэрыкӀуэжынум щыгугъыу пэплъэ цӀыхухэр мыкӀуэду къригъэлын щхьэкӀэщ.

ФӀэщхъуныгъэ яӀэу Ефес къалэм дэсхэм апостол Паул яхуитха тхылъ 5:2

Мэссихь фӀыуэ дилъагъуу, мэ ӀэфӀ зыпих саугъэту икӀи Тхьэм и гум ирихь къурмэныпхъэу дэр щхьэкӀэ и псэр зэритам хуэдэу, фи гум фӀылъагъуныгъэ илъу фыпсэу.

ФӀэщхъуныгъэ яӀэу Галатие хэкум исхэм апостол Паул яхуитха тхылъ 3:13

Ди къуаншагъэм хуэфащэ гугъуехьыр езым зэрызытрилъхьамкӀэ, Торэт хабзэм дызэригъэкъуэнша Ӏуэхур дэ тщхьэщихыжри, ди щхьэхэр къищэхужащ Мэссихь, сыт щхьэкӀэ жыпӀэмэ Тхьэм и псалъэ тхахэм зэрыхэтым хуэдэу, «Пкъом кӀэралӀыхь дэтхэнэми Тхьэм и ней къыщохуэ».

Апостол. 8:32

Тхьэм и псалъэу тхахэм щыщу Ӏэтащхьэр зэджар мы псалъэхэращ: «Мэлым хуэдэу фӀагъэжыну яшащ. Зыщым и пащхьэм щынэр щэху хъуауэ зэритым хуэдэу, абыи и жьэр зэтрихакъым.

Марк 15:1

Нэху зэрыщу, нэхъыжьхэри, торэт егъэджакӀуэ пашэхэри, Тхьэмадэ Хасэшхуэм щыщ адрей тхьэмадэхэри хэту, дин пашэшхуэхэм хасэ ящӀащ. Хьисэ япхщ, яшэри, Пилат ӀэщӀалъхьащ.

Маттэ 27:2

Хьисэ япхри, Понтий Пилат Ӏэтащхьэм ӀэщӀалъхьащ.

Уэрэд 118:27

Пщэрылъу къэпщӀахэм я гъуэгур къэсщӀэну къызгурыгъаӀуи, уи Ӏуэху щӀагъуэхэм сегупсысынщ.

1 Мусэ 12:7

Абдеж Зиусхьэныр Ибрам къыхуэзэри, къыжриӀащ: – Уэ къыптехъукӀыну цӀыхухэм естынущ Сэ мы щӀыналъэр. КъыхуэкӀуа Зиусхьэным щыхуиухуащ Ибрам къурмэнщӀыпӀэ итӀанэ.

1 Мусэ 8:20

Хуиухуащ Нухь Зиусхьэным къурмэнщӀыпӀэ; сыт хуэдэ псэущхьэ къабзэми щыщи къуалэбзу къабзэ псоми ящыщи къахихри къурмэнщӀыпӀэм къурмэныпхъэу щигъэсащ.

1 Мусэ 12:8

Абдежым икӀри, ежьащ ар бгымкӀэ, Бэтэл и къуэкӀыпӀэмкӀэ; икӀи и шэтырыр игъэуващ, езым елъытауэ къухьэпӀэмкӀэ Бэтэл щыӀэу, къуэкӀыпӀэмкӀэ Ӏай щыӀэу; абдежым Зиусхьэным къурмэнщӀыпӀэ щыхуиухуэри, елъэӀуащ Зиусхьэным.

1 Мусэ 13:18

Ибрам шэтырыр иришажьэри ежьащ, икӀи щытӀысащ Хэврон къалэм щыӀэ Мамрэ жыгеилъэм деж; абдежми абы щыхуиухуащ Зиусхьэным къурмэнщӀыпӀэ.

1 Мусэ 22:8

– Тхьэм къысхухихынущ къурмэныпхъэу Езым хуэдгъэсыну щынэр, си къуэ, – жиӀащ Ибрэхьим. Арати, кӀуэрт адэкӀэ тӀури зэгъусэу.

1 Мусэ 22:10

Ишиящ Ибрэхьим и Ӏэр, къищтащ сэр, и къуэр иукӀын папщӀэ.