Шусьӧгъяс 6:29 - Коми Библия 2023

²⁹ Тадзи лоӧ сыкӧд, коді ветлӧ йӧз гӧтыр дінӧ, мыждытӧг оз коль сійӧ, коді инмӧдчӧ мӧдлӧн гӧтыр дінӧ.

Шусьӧгъяс 6:29 ပူးပေါင်းရင်းမြစ်များ

Олӧм 20:2

Ӧвраам ассьыс Сарра гӧтырсӧ шуис чойӧн. [Ӧд сійӧ поліс шуны гӧтырнас, мед сэтчӧс карса олысьяс эз вины сы вӧсна Ӧвраамӧс.] Авимелек, Герар карса ӧксы, тшӧктіс аслас йӧзлы вайӧдны Сарраӧс ас ордас.

Ӧксыяслӧн 2 небӧг 11:27

Бӧрдан лунъяс помасьӧм бӧрын Давид тшӧктіс вайӧдны сійӧс аслас керкаӧ. Давид босьтіс сійӧс гӧтырӧ, и мӧдыс чужтіс сылы пиӧс. Давидлӧн татшӧмтор вӧчӧмыс вӧлі Господь водзын зэв ыджыд лёкторйӧн.

Ӧксыяслӧн 2 небӧг 16:21

Ахитофел вӧзйис: «Пыр батьыдлӧн кесйӧг-гӧтыръяс дінӧ, кодъясӧс сійӧ колис керка бӧрсяыс видзӧдны. Кор Израиль войтыр тӧдмалас, мый тэ вӧчин, гӧгӧрвоас, мый батьыд некор оз бурась тэкӧд. Сэки тэ дор сулалысьяс збойджыкӧсь лоасны».

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]

Шусьӧгъяс 6:28

Вермас-ӧ кодкӧ биа ӧгыр вывті ветлӧдлыны ассьыс коксӧ соттӧг?

Езекиль 18:6

оз сёй вись ваян мыльк вылын да оз юрбит Израиль войтырлӧн идолъяслы. Сійӧ оз узьлы мӧдлӧн гӧтыркӧд да оз инмӧдчы аслас гӧтыр дінӧ тӧлысся дырйиыс.

Езекиль 22:11

Кодкӧ матыссаыслӧн гӧтыркӧд зывӧксӧ вӧчӧ, кодкӧ моньсӧ пежалӧ, кодкӧ мырдӧналӧ ассьыс чойсӧ, аслас батьыслысь нывсӧ.

Езекиль 33:26

Ті лачанытӧ кутанныд шыпурт выланыд, зывӧксӧ вӧчанныд да матыссаыдлӧн гӧтыркӧд узьланныд. Тіян-ӧ тайӧ муыс?

Левит 18:20

Мӧдлӧн гӧтыркӧд эн узьлы, эн пежав асьтӧ.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

1 Коринфӧ 7:1

Ті меным гижлінныд да юалінныд гӧтрасьӧм йылысь. Та вылӧ вочавидза тадзи. Дерт, бур, мортыс кӧ оз гӧтрась,