Шусьӧгъяс 3:29 - Коми Библия 2023

²⁹ Матыссаыдлы, коді олӧ тэкӧд лӧня, лёк вӧчны эн мӧвпав.

Шусьӧгъяс 3:29 ပူးပေါင်းရင်းမြစ်များ

Псалтыр 59:3

Енмӧй, Тэ дӧзмин миян вылӧ, Тэ эновтін да пасьвартін миянӧс. Бӧр бергӧдчы миянлань!

Шусьӧгъяс 14:22

Лёк вӧчны мӧвпалысь вошӧ, [лёк вӧчысь оз тӧд буралӧмсӧ ни збыльсӧ,] а бур вӧчны мӧвпалысьлӧн – буралӧмыс да збыльыс.

Шусьӧгъяс 6:14

Сійӧ – ылӧг сьӧлӧма, пыр мӧвпалӧ лёк вӧчны, дугдывтӧг кӧдзӧ зыксьӧм.

Шусьӧгъяс 6:18

лёк вӧчны мӧвпалысь сьӧлӧм, лёк вӧчны котӧртысь кок,

Закар 7:10

Дӧваясӧс да батьтӧм-мамтӧмъясӧс, йӧз муысь локтысьясӧс да гӧльясӧс энӧ дзескӧдӧй, ӧта-мӧдныдлы лёксӧ вӧчны энӧ мӧвпалӧй.

Закар 8:17

Энӧ мӧвпалӧй лёксӧ вӧчны ӧта-мӧдныдлы, кыв сетіганыд энӧ пӧръясьӧй, ӧд ставсӧ тайӧс Ме мустӧмта, – висьталӧ Господь.