Шусьӧгъяс 28:4 - Коми Библия 2023

⁴ Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Шусьӧгъяс 28:4 ပူးပေါင်းရင်းမြစ်များ

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 3 небӧг 18:21

Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.

Неемий 13:15

Сійӧ кадас ме казялі, мый Иуда муын шойччан лунӧ талялӧны виноград, осёлъяс вылын вайӧны Ерусалимӧ нянь кольтаяс, вина, виноград, инжир да уна мукӧдтор. Ставсӧ тайӧс вӧчисны шойччан лунӧ. Ме чорыда ӧлӧді найӧс шойччан лунӧ вузасьӧмысь.

Неемий 13:28

Эльяшив аркирейлӧн Йоад нима пиыслӧн ӧти пи вӧлі хоронса войтырысь Санваллатлӧн зять. Ме сійӧс вӧтлі син водзысь.

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Псалтыр 49:18

Аддзан кӧ гусясьысьӧс, ӧтвывтчан сыкӧд, волысян гозъякост олӧм пежалысьяскӧд.

Еремей 5:30

Мыйта зывӧкыс да пежыс вӧчсьӧ тайӧ муас:

Матвей 14:4

Ӧд Иоан ӧлӧдліс Ирӧдӧс: «Вок гӧтырыдкӧд тэныд оз позь овнытӧ».

Матвей 3:15

Исус шуис: «Эн пыксьы Меным. Миянлы колӧ вӧчны веськыдлуныс серти». Сэки Иоан пыртіс Сійӧс.

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Ап. уджъяс 12:22

Йӧзыс гораа шуалісны, тайӧ пӧ Ен сёрнитӧ, оз морт.

Ап. уджъяс 15:2

Павел да Варнава паныд сувтісны налы да дыр вензисны накӧд. Сэки шуисны мӧдӧдны Павелӧс, Варнаваӧс да ас йӧзсьыс кодсюрӧӧс апостолъяс да юрнуӧдысьяс дінӧ Ерусалимӧ, медым тайӧ сёрнинас воны ӧти кывйӧ.

Ап. уджъяс 19:9

Но эскӧм пыдди кодсюрӧ чорзьӧдчисны да став йӧз водзас омӧльтісны ”Господь туй” йылысь велӧдӧмсӧ. Сэки Павел эновтіс тайӧ йӧзсӧ, велӧдчысьясыскӧд муніс сэтысь. Тайӧ кадсяньыс сійӧ быд лун сёрнитіс-велӧдіс Тиранлӧн велӧданінын.

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

1 Иоан 4:5

Найӧ муюгыдсьыс, та вӧсна и сёрнитӧны муюгыдсаыс моз, и муюгыдыс кывзӧ найӧс.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.