Шусьӧгъяс 28:21 - Коми Библия 2023

²¹ Чужӧм вылӧ видзӧдӧмӧн вӧчны – абу бур, мортыд весиг няньтор вӧсна вермӧ лёксӧ вӧчны.

Шусьӧгъяс 28:21 ပူးပေါင်းရင်းမြစ်များ

Петӧм 23:2

Унджыкыс моз лёк уджъяс эн вӧч. Ёрд водзын сёрнит веськыда, а эн сувт унджыкыс дор.

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

Шусьӧгъяс 24:23

Мывкыд йӧзсянь нӧшта шусьӧгъяс. Ёрдысь мед мыждӧ веськыда, оз чужӧм вылӧ видзӧдӧмӧн.

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Осий 4:18

Налӧн кодалӧмыс – зывӧк, найӧ сетчисны кырсалӧмӧ, налӧн юралысьяслы муса яндысьтӧм олӧмыс.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

Индӧд 1:17

Ёрд вылын ӧткодя кывзӧй тӧдчана да абу тӧдчана мортӧс. Энӧ полӧй мортысь, ӧд мыждӧмыс Енсянь. А могыс кӧ тіянлы сьӧкыд, локтӧй ме дорӧ, и ме ачым видлала сійӧс”.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.