Шусьӧгъяс 28:15 - Коми Библия 2023

¹⁵ Эргысь лев да тшыг ош – татшӧм лёк юралысь гӧль войтырлы.

Шусьӧгъяс 28:15 ပူးပေါင်းရင်းမြစ်များ

Ӧксыяслӧн 4 небӧг 15:16

Тирза карысь петӧм бӧрын Менаим пасьвартіс Типсах кар да матігӧгӧр став кар-сиктсӧ. Сылы эз восьтны карса дзиръясӧ, та вӧсна сійӧ виис сэтчӧс став олысьсӧ, а нӧбасьысь аньяслысь кынӧмсӧ вожӧдіс.

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

Ӧксыяслӧн 4 небӧг 21:16

Манассей кежӧдіс Иуда войтырӧс мыжас, и найӧ вӧчисны Господь водзын шогмытӧмсӧ. Тайӧ мыжсьыс ӧтдор Манассей кисьтіс мыжтӧм йӧзлысь вирсӧ сы мында, мый Ерусалим помсянь помӧдзыс тырис вирӧн.

Петӧм 1:13

и найӧ чорыдджыка на пондісны уджӧдны Израиль войтырӧс.

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Шусьӧгъяс 17:12

Йӧй руа вежӧртӧм морткӧд паныдасьӧм дорысь бурджык паныдасьны пиянсӧ воштӧм ошкӧд.

Шусьӧгъяс 19:12

Ӧксылӧн скӧрмӧмыс левлӧн равзӧм кодь, сылӧн бурлуныс турунвыв лысва кодь.

Шусьӧгъяс 20:2

Ӧксылӧн скӧрлуныс левлӧн равзӧм кодь, сійӧс дӧзмӧдысьыс лёксӧ аслыс вӧчӧ.

Шусьӧгъяс 29:2

Веськыда олысьяслӧн лыдыс кӧ содӧ, йӧзыс нимкодясьӧны, лёк вӧчысь кӧ ыджыдалӧ, йӧзыс ойзӧны.

Исай 14:5

Господь чегъяліс лёк вӧчысьяслысь бедьсӧ, жугӧдіс ыджыдалысьяслысь юралан бедьсӧ.

Исай 14:6

Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Осий 13:8

Пиянсӧ воштӧм ош моз Ме уськӧдча тэ вылӧ, косявла морӧс кудсьыд сьӧлӧмтӧ, лев моз сёя тэнӧ, звер моз чашъя тэнӧ.

Осий 5:11

Ефремӧс лямӧдӧма, веськыда мыждӧмыс пасьвартӧма сійӧс, ӧд сійӧ шуис овны мортлӧн тшӧктӧмъяс серти.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.