Шусьӧгъяс 25:5 - Коми Библия 2023

⁵ вӧтлы ӧксы дінысь лёк йӧзӧс, сэки веськыдлуныс вынсьӧдас сылысь юралӧмсӧ.

Шусьӧгъяс 25:5 ပူးပေါင်းရင်းမြစ်များ

Ӧксыяслӧн 3 небӧг 2:33

Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».

Ӧксыяслӧн 3 небӧг 2:45

А менӧ, Соломон ӧксыӧс, мед бурсиас. Давидлӧн юралӧмыс мед зумыда сулалас Господь водзын нэмъяс чӧж!»

Ӧксыяслӧн 3 небӧг 2:46

Ӧксы тшӧктіс Иодайлӧн Бенай пилы вины Шимейӧс. Иодай муніс да виис сійӧс.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Шусьӧгъяс 16:12

Ӧксыяс зывӧктӧны лёк вӧчӧмсӧ, ӧд веськыдлун отсӧгӧн налӧн юралӧмыс вына.

Шусьӧгъяс 20:28

Буралӧмыс да збыльыс ӧксыӧс видзӧны, буралӧмнас ӧксы юралӧмсӧ ёнмӧдӧ.

Шусьӧгъяс 20:8

Кор ӧксы пукалӧ ёрдысь пуклӧсын, сылӧн син водзысь став лёкыс разалӧ.

Шусьӧгъяс 25:6

Ӧксы водзын асьтӧ эн кыпӧд, тӧдчана йӧз пӧвстӧ эн пуксьы.

Шусьӧгъяс 29:14

Ӧксы кӧ гӧльясӧс веськыда мыждӧ, сылӧн пуклӧсыс нэмсӧ зумыд лоас.

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.