Шусьӧгъяс 25:26 - Коми Библия 2023

²⁶ Веськыда олысь кӧ тіралӧ мыжа йӧз водзын, сійӧ гудыр ваа дуксьӧм юкмӧс кодь.

Шусьӧгъяс 25:26 ပူးပေါင်းရင်းမြစ်များ

Олӧм 4:8

Каин корис Авель воксӧ аскӧдыс ыб вылӧ. И кор найӧ вӧліны сэні, Каин уськӧдчис Авель вокыс вылӧ да виис сійӧс.

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Ап. уджъяс 7:52

Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.

1 Фессалоникаӧ 2:15

Господь Исусӧс да Сылысь пророкъяссӧ иудейяс виисны, а миянӧс вӧтлісны. Найӧ дӧзмӧдӧны Енсӧ да став йӧзыслы паныд сувтӧны.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.