Шусьӧгъяс 25:21 - Коми Библия 2023

²¹ Тэнӧ мустӧмтысь кӧ тшыг, верд сійӧс, горшыс кӧ косьмӧ, юктав сійӧс.

Шусьӧгъяс 25:21 ပူးပေါင်းရင်းမြစ်များ

Ӧксыяслӧн 4 небӧг 6:22

«Эн ви, – вочавидзис Елисей. – Тэ ӧд эн аслад шыпуртӧн да ньӧввужйӧн босьт найӧс. Верд найӧс, мед сёясны-юасны, а сэсся бӧр мунасны асланыс ӧксы дінӧ».

2 Каднебӧг 28:15

Сійӧ йӧзыс, кодъясӧс вӧлі индӧма тӧждысьны пленӧ босьтӧмаяс вӧсна, мунісны на дінӧ, сетісны пасьтӧмъяслы мырддьӧм эмбурысь кӧм-пась, вердісны-юкталісны найӧс да мавтісны налысь дойяссӧ. Жебмӧмаясӧс найӧ пуксьӧдісны осёлъяс вылӧ да нуӧдісны пленӧ босьтӧм йӧзӧс налӧн войтыр дінӧ Ериконӧ, мӧд ногӧн кӧ, Пальма карӧ, а асьныс бӧр бергӧдчисны Самарияӧ.

Иов 24:23

Енмыс видзӧ найӧс, та вӧсна налӧн эм лача, но Енмыс видзӧдӧ налӧн туй бӧрся.

Шусьӧгъяс 24:17

Эн нимкодясь, тэнӧ мустӧмтысь кӧ усьӧ, сылӧн крукасьӧмысь мед оз долыдмы сьӧлӧмыд,

Шусьӧгъяс 24:29

Эн шу: «Кыдзи сійӧ меным вӧчис, ме сылы сідзи жӧ вӧча, мынтыся сылы меным вӧчӧм серти».

Шусьӧгъяс 25:20

Коді шог сьӧлӧма мортлы долыд сьыланкыв сьылӧ, сійӧ – кӧдзыд лунӧ паськӧмсӧ пӧрччысь морт кодь, шог сьӧлӧмалысь дойсӧ уксусӧн кисьталысь морт кодь. [Мортлысь сьӧлӧмсӧ йирысь шогыд – паськӧм сёйысь воз да пу сёйысь номыр кодь.]

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Ӧксыяслӧн 1 небӧг 24:20

Лэдзас ӧмӧй морт ассьыс вӧрӧгсӧ лӧня мунны, шедіс кӧ мӧдыс сылӧн киӧ? Талунъя бур вӧчӧмсьыд Господь мед сетас тэныд быд бурсӧ.