Шусьӧгъяс 25:18 - Коми Библия 2023

¹⁸ Коді матыссаыс йылысь ылӧдчӧмӧн висьталӧ ёрд водзын, сійӧ – кӧрт нӧш, шыпурт да ёсь ньӧв.

Шусьӧгъяс 25:18 ပူးပေါင်းရင်းမြစ်များ

Псалтыр 140:3

Господьӧй, видз менсьым кывйӧс ковтӧм сёрниысь, кӧртвомав менсьым вомӧс.

Псалтыр 52:2

Мывкыдтӧм морт мӧвпалӧ, мый Енмыс абу. Йӧзыс сетчисны лёкас, олӧны зывӧка, бур вӧчысьыс абу.

Псалтыр 57:4

Лёк вӧчысьяс чужӧмсяньныс вошӧмаӧсь, пӧръясьысьяс мам кынӧмсяньныс ылалӧмаӧсь.

Петӧм 20:16

Матыссаыд йылысь ылӧгсӧ эн висьтав.

Шусьӧгъяс 12:18

Думышттӧг шуӧмыд шыпурт моз сатшкӧ, а мывкыд мортлӧн сёрниыс бурдӧдӧ.

Шусьӧгъяс 24:28

Матыссаыд йылысь ылӧгсӧ эн висьтав – мыйла тэныд пӧръясьнысӧ?

Шусьӧгъяс 25:17

Ёртыд дінӧ помся эн ветлӧдлы, дышӧдан да, мустӧмман сылы.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Еремей 9:8

Ӧд налӧн кывйыс – виысь ньӧв кодь, найӧ висьталӧны ылӧгсӧ. Орччӧн олысьяслы найӧ сиӧны лӧньлун, а сьӧлӧманыс дасьтӧны налы нальк.

Яков 3:6

Миян кывным – тайӧ би. Миян вир-яйын сійӧ – лёк чукӧртанін, сійӧ пежалӧ дзоньнас вир-яйнымӧс. Ад бисянь ӧзйӧмӧн сійӧ сотӧ миянлысь став олӧмнымӧс.