Шусьӧгъяс 23:29 - Коми Библия 2023

²⁹ Кодлӧн тайӧ ойзӧм-ружтӧмыс? Кодлӧн тайӧ зыксьӧм-норасьӧмыс? Кодлӧн вир-яйыс помкатӧг доймалӧма? Кодлӧн тайӧ гырдмӧм синмыс?

Шусьӧгъяс 23:29 ပူးပေါင်းရင်းမြစ်များ

Олӧм 19:33

Найӧ юкталісны винаӧн батьнысӧ, и сійӧ войнас ыджыдджык нылыс узис батьыскӧд. Батьыс эз и тӧдлы, кор нылыс водіс да кор чеччис.

Олӧм 49:12

Синмыс югъялӧ винаысь, пиньясыс йӧлысь на еджыдӧсь.

Ӧксыяслӧн 2 небӧг 11:13

Давид корис Урийӧс ас дінас, вердіс сійӧс да чорыда юкталіс. Но рытнас Урий эз мун гортас, а бара на узьмӧдчис ӧксылӧн кесйӧгъяс дінӧ.

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Шусьӧгъяс 23:20

Эн пукав юысь-кодалысьяс пӧвстын да на пӧвстын, кодъяс горша сёйӧны яй.

Шусьӧгъяс 23:21

Юысь-кодалысьяс да восмӧныс сёйысьяс гӧльмӧны, унзіль олӧмыд пасьтӧдас киссьӧм паськӧмӧ.

Исай 5:11

Курыд шог налы, кодъяс водз асывсянь корсьысьӧны сур юны да сёр рытӧдз чӧсмӧдлӧны асьнысӧ винаӧн!

Исай 5:22

Курыд шог налы, кодъяс збойӧсь вина юны, повтӧмӧсь сур дасьтыны.

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.