Шусьӧгъяс 23:28 - Коми Библия 2023

²⁸ Гусясьысь моз пукалӧ кыйӧдчанінын, унаӧс кыскӧ гозъякост олӧм пежалӧмӧ.

Шусьӧгъяс 23:28 ပူးပေါင်းရင်းမြစ်များ

Олӧм 39:10

Быд лун ань корис Ӧсипӧс узьны сыкӧд, но Ӧсип эз кывзысь сылысь.

Шусьӧгъяс 22:14

Киысь киӧ ветлысь аньлӧн сёрниыс – джуджыд гу, Господь кодӧс ёрас, сійӧ сэтчӧ усяс.

Шусьӧгъяс 6:26

Киысь киӧ ветлысь аньлы няньӧн мынтысян, а йӧз гӧтыр вӧсна тэ меддонаторсӧ, олӧмтӧ, воштан.

Шусьӧгъяс 7:10

Сылы воча петіс аньыс, кырсалан паськӧма, наян сьӧлӧма,

Шусьӧгъяс 7:12

туй вылӧ, изэрд вылӧ петалӧ, быд пельӧссянь кыйӧдчӧ.

Шусьӧгъяс 9:18

Но гӧгӧрвотӧм морт оз тӧд, мый ань чуксалӧ сійӧс кулӧмаяс дінӧ, пыдӧстӧминӧ, кӧні эмӧсь нин сылӧн корӧмаясыс. [Но тэ вешйы бокӧ, эн сулав орччӧн, тайӧ аньыс вылӧ эн видзӧд, ӧд тадзи кӧ вӧчан, йӧз ваӧ пыран. Йӧз ва дорысь ылӧджык мун, йӧз юкмӧсысь васӧ эн ю, медым олан нэмыд вӧлі кузь, медым воясыд тэнад содісны.]

Еклесиаст 7:26

Ме гӧгӧрвои, мый кулӧм дорысь курыдджык сэтшӧм нывбаба, коді тыв кодь, кодлӧн сьӧлӧмыс – нальк, кодлӧн киясыс – чепъяс. Енлы шогмана морт пышйӧ сыысь, а мыжа мортӧс сійӧ тывйыштӧ.

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Осий 4:11

Кырсалӧмыс да вина юӧмыс пемдӧдіс налысь вежӧрсӧ.

Лыд 25:1

Ситтим ковтысын олігӧн израильсаяс кутісны кырсавны моавса нывъяскӧд.

1 Коринфӧ 10:8

Энӧ кырсалӧй, кыдзи вӧчисны кодсюрӧ миян батьяс пӧвстысь. Сэки ӧти лунӧ куліс на пиысь кызь куим сюрс морт.