Шусьӧгъяс 22:29 - Коми Библия 2023

²⁹ Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Шусьӧгъяс 22:29 ပူးပေါင်းရင်းမြစ်များ

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Олӧм 41:46

Ӧсиплы вӧлі комын арӧс, кор сійӧ кутіс кесъявны фараонлы, египетса ӧксылы. Фараон дінысь петӧм бӧрын Ӧсип кытшовтіс ставнас Египет мусӧ.

Олӧм 47:6

Египет муыс ставнас тэ водзын, медбур местаас овмӧд батьтӧ да вокъястӧ. Мед оласны Гошен муын. И сюрас кӧ на пӧвстысь тӧлка йӧз, пукты найӧс веськӧдлыны менам ыж-мӧс видзысьясӧн».

Ӧксыяслӧн 2 небӧг 2:32

Асаиллысь шойсӧ нуисны Виплиемӧ да пуктісны батьыслӧн дзебанінӧ. Йоав аслас йӧзкӧд войбыд муніс да асъядорыс воис Хевронӧ.

Ӧксыяслӧн 3 небӧг 10:8

Шудаӧсь тэнад йӧзыд да тэнад кесйӧгъясыд, кодъяс век тэкӧд орччӧнӧсь да кылӧны тэнсьыд мывкыд сёрнитӧ.

Ӧксыяслӧн 3 небӧг 11:28

сылы синмас шыбитчис вына том морт – тайӧ вӧлі Еровам. Соломон аддзис, мый сійӧ киподтуя морт и пуктіс сійӧс веськӧдлыны Ӧсип рӧдысь уджалысьясӧн.

1 Каднебӧг 4:23

Йоассянь да Сарафсянь чужысьяс вӧліны гырнич вӧчысьяс, олісны Нетаймын да Гедераын да уджалісны-кесъялісны ӧксылы.

Шусьӧгъяс 10:4

Дышӧдчысь киыд гӧльмӧдӧ, а зільыд – озырмӧдӧ.

Шусьӧгъяс 12:24

Зіль морт пондас юравны, дыш мортлы быть ковмас уджавны.

Шусьӧгъяс 23:1

Юралыськӧд сёйны пуксигӧн видзӧд ныр увсьыд, мый пызан вылас.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Даниил 1:19

Ӧксы сёрнитіс зонъяскӧд, и на пиысь некодӧс эз позь ӧткодявны Даниилкӧд, Хананейкӧд, Мисаэлкӧд да Азарийкӧд, и найӧс пуктісны кесъявны ӧксылы.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Матвей 25:23

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Римӧ 12:11

Тӧждысиганыд энӧ дышмӧй, ловнад ӧзъялӧй, Господьлы кесъялӧй.

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Ӧксыяслӧн 1 небӧг 16:21

Давид локтіс Саул дінӧ да кутіс кесъявны сылы. Сауллы Давид ёна воис сьӧлӧм вылас, весиг пуктіс сійӧс шыпурт новлӧдлысьӧ.

Ӧксыяслӧн 1 небӧг 17:31

Йӧзыс кывлісны Давидлысь юасьӧмсӧ да висьталісны та йылысь Сауллы. Саул корис сійӧс ас дінас.