Шусьӧгъяс 21:28 - Коми Библия 2023

²⁸ Ылӧг висьталысь олӧмсӧ воштӧ, а коді висьталӧ сійӧ, мый збыльысь тӧдӧ, сійӧс пыр кывзӧны.

Шусьӧгъяс 21:28 ပူးပေါင်းရင်းမြစ်များ

Петӧм 23:1

Эн паськӧд ылӧг сёрнияс. Ёрд водзын лёк вӧчысьлы пӧръялӧмнад эн отсав.

Шусьӧгъяс 12:19

Збыльсӧ висьталысьыд пыр лоӧ, ылӧгсӧ сёрнитысьыд дыр оз ов.

Шусьӧгъяс 19:5

Ылӧгсӧ висьталысьӧс мыждӧм виччысьӧ, ылӧдчысь оз мездмы.

Шусьӧгъяс 19:9

Ылӧг висьталысьӧс виччысьӧ мыждӧм, ылӧдчысьӧс – кулӧм.

Шусьӧгъяс 25:18

Коді матыссаыс йылысь ылӧдчӧмӧн висьталӧ ёрд водзын, сійӧ – кӧрт нӧш, шыпурт да ёсь ньӧв.

Шусьӧгъяс 6:19

ылӧг висьталысьӧс, коді содталӧ-лӧсьӧдлӧ, да сійӧс, коді вокъяс костын панӧ зык-вен.

Ап. уджъяс 12:15

Сылы воча шуисны: «Ас вежӧрад-ӧ тэ?» Но сійӧ пыр ассьыс долис. Сэки найӧ шуисны: «Гашкӧ, тайӧ Петырлӧн анделыс да».

2 Коринфӧ 4:13

Гижӧдыс висьталӧ: «Ме эска, та вӧсна сёрнита». Миян пытшкын тайӧ жӧ эскан лолыс. Ми тшӧтш эскам, та вӧсна и висьталам.

Титлы 3:8

Тайӧ кывъясыс эсканаӧсь. Ме кӧсъя, мед тэ тӧдчӧдӧмӧн пыр казьтылін тайӧс, медым Енлы эскысьяс тӧждысисны бурсӧ вӧчны. Тайӧ бур да йӧзыслы колана.